بقات واقفة وصوت زدييح مسموع بالجهد هارون جا كايجري لعندهااا تحنات عنقاتو:صافي اماما ماواقع والوو
الزاهية:شكون هداا
عائشة ماجاوبتهاش معنقة ولدها
الزاهية بغات تحل لباب وهي تحبسها:لااا اماما ماتحليهاااش
جات لخدمة بغات تحل لباب وهي توقفها:لاا غير سيري
الزاهية عرفات شكون:انعيط ليه للبوليس
هزات طليفون وهي تحبسها:ماما شكا ديري الله يهديييك
على برة كانت لعافية شاعلة فيييه شهادشييي داارت دوزها لمرة اللولاا مابغاش يجبد الصدااع من اول لقاء ليهم ودابة غادة معاه للكافي وكيبوس ليها فيديها بكل وقاحة وهارون ولدو معاااهم ناري .عية يدير ليها فلخوااطر ويسايس معاها ولكن تا لهادي وحبس جعراتووو من المزياان لدرجة جوهرة واقفة حداه ومزيرة على كسوتها مخلووعة كتفز مع كل زدحة فلباب فقد شعووور كاااع.غووت على حر من جهدووو: حليييييييييييي
عرفها ماغاتحلش البااب رجع اللور شوية وكيزدح داك لباب برجليه بكل قوتووو تا تحلات مزدوحة مع الحيط ودخل لوسط الدار ساخط على الوضعية كيشوف فيها غا هي ..بعدات على هارون وهي كتشوف فيه كيف معصب ومخنزر عاض على سنانووو وجامع يديه على شكل لكمة ..جوهرة مشات كتجري عند ماماها وعنقاتها من رجليهاا
قرب لعندها بخطوات خفااف وجرها من دراعهااا بصووت حااد معصب:شهاد..
كان ايخسر لهضرة وهو يسكت جرها معاه وهي كتغوت:رخييييي منييييي
والو واش عبرها بدات كضربو على يديه:رخيييي ماغانمشيشش معااك رخيي
الزاهية:فيين غادي بيها رخي منها اويلييي كوغااا مارجعتييش
عائشة بلغواااات:طلاااااااق منييييييي
وقف وغوت ليها فوجها تا قفزاااات وبلعات ريقها:سكتيييييي
شافت عينيه كيف ولاو جمرة بالاعصاب ومزير ليها على يديها شوية ويهرسها ليها
عائشة شافت فمها:خلي لولاد معاك
قبل تكمل كلامهاا جرها تاني غاظي بالزربة وخرجو من داار وزدحها على الطموبيل حتى تقصحات من ضهرهااا:آآآه
قرب تلعندها وشدها من خسرها وزير عليها غارس ضفاروو وسط لحمها:ماااازل على ذمتييي اعائشة مازااااال مراتي تحت سميتيييي يعني هاد تقحبييييين لي كدييري ماغايجبدلك معايا غا صداااااع اعائشة راه نقتلك نتيييي قبل نقتلوووو هو بغيتي غا وجهي تااني هاهو الااالة
عائشة بنفس الحدة ديالو:رخيييي منييي مااشي سووقك فيااااااا ديها فراااااسك حياتي هادي
قرب وشد ليها شعرها بين يديه:سكتييييي قبل ماغانقتلك وندفنك فبلاصتك اعائشة ونتهناااو كامليييين من هاد صداااع راني صابر بالسيف باش مانشبعش فملتك عصى تاترجعي لدماااغك
واخة مقصحهااا من شعرها وخصرها لي مازال غارس فيه ضفارو مازال مخرجة فيه عنيها:باش نفكرك راه غادي نطلقووو اسيدي وماغايبقة عندك حكااام علياااا نخرج معامن ماابغيت وندير لي بغيييت
زاد زير ليها على خسرها تاعضات على شفايفهاااا ولسقها مع الطموبيل كتر :عمرك تحلمييي بيهااا اعائشة شتي واخة نعرف نقتلك بيدياااا هااادو وندفنك بنفسيييي ومااا نطلقكش ونشوفك مع واحد اخوور اعائشة لمووت حسن ليييك
بغات تهضر وهو يسكتها:غتزيدي كلمة واحدة ماشي تا لتم غنهرس ليك هاد الفم
بعد عليها شوية وحل باب الطموبيل ولاحها فيهاا وركب تاهو وكسيرااا بالجهد مخلي شياط من موراه ساخط على ااوضعية.
كانت حاطة يديها على جنبها كيضرها نزلات عنيها ليه صبعانو مطراسين تماااك شافت فيه ورجعات شافت فالطرييق ماغاتهضروووش يدير لي بغة وتاهي ادير لي فراسها نهار تشد ورقة طلاقها بين يديها غتكون هضرة خراااا ..شافتو وقف حدا واحد المبنة ماعرفاتش ديالاش نزل ونزلها وهو شادها من دراعها ودخلو لدااخل لواحد لقاعة بقات غا مصدومة وهي كتشوف بزااف دصحاافة شاف فيها مازال مخنزر شاف فلبسها وقف اونفاص معاها جمع عليها لكااب ودور يديه على خسرها ووقفو حدا واحد طبلة عامرة بلميكرافونات دخل نيشان فصلب الموضوع كيهضر ويورك على لحروف مخنزر فيهم كاملين بحاليلا قاتلين ليه باه:عاائشة مزالة مراااتي وعمري طلقتهااا وعمري غنطلقها وجوهرة بنتي ومن دميي..مشاكيل لي كانت قبل ست سنين لي خلاتني ندير هكا باش نحمي عائلتي ودابة رجعت ..ورجعت لعائلتي ..واي واحد رجع فتح هاد الموضوع ولا دوة فعائلتي فلخاااايب غيلقاني فوجهووو ومايلوم غا راااسو انا بيدي غنوقف على هاد المووضوع وكنقسسسم بالله غنوفي بهضرتيييي
ورجع شدها من يديهااا وخرجوو من لقااعة مخلين الصحافة مازال باغين يسولوو ولكن لحراسة مانعااهم
رجع تاني لاحها فالطمووبيل بقالو كريم المجاهد هداك حسابو معاه هو اللخر..كسيرااا شاد طريق كيسووك مجهد مازال كيغلي وهدي لي قدامو مامشاات تا جعراتووو وخرجاتو على طوعوو .صوت انفاسو كيتسمعووو..كانت جالسة وكتشوف اونفاص معاها مازال مصدومة من هدشي لي دار شافت فيه ورجعات شافت فطريق ماعارفاش فين غادين شاد طريق وصاافي شوية بشوية عاد عرفات فين غاديين لدار لديال لخشب لي فجبل ..نص ساعة ووصلو ليها نزل ومشا لجيهتها ماكايتسناهاش تنزل بحدهااا حل عليها لباب وجرها ودخلو لداخل زدح داك لباب تا قفزااات حيد تجاكيط لي لابس وقرب لعندها :عائشة غتشدي معايااا طريق وغتحيدي منك هاد قصوحية راااس
عائشة :واش عند بالك بهاد سهوولة غنسااااا راه داااك لوجع لي حسيت بيه داك نهار فاش مشيتييي وديتي ولدي مازال كنحس بيه لحد الان كان غيقتلنييييي راه ماغانساش ايووسف صاافي بعد عليااا
قرب لعندها بغة يشدها وهي تنتر منو وبدات كتغووت:ماتقيييصنييييش وسمعني انااا ...واش عرفتي شنو معنى كنت كنتسنااااك تجي موراياا باش نمشي معاك لبست وقاديت وجلست كنتسناا كي شي هبيييلة وفرحاانة وكنوجد لكلام لي غنقوولك باش فتالي تصيفطلي خوويا ومعاه ورقة طلاق كيقوولي غتمشي وتدي معاك هاروون شتي ملي ماوقفش ليا قلبي فديك اللحضة راني بيخيير طعنتيني طعنة خاايبة كنت كنقول صافي هادي اللخرة ليااااا ست سنيين ديال لعذاااب ايووسف ست سنين ماغاتعوضليييش قتلتيني ايوسف وقتلتي فياا داك المرااهقة ..دير لي درتي ماغاتعوضليييش هاد سنين وماغاترجعلييش قلبي كيف كااان صاافي برااااكة عليااا الله يخليييك خلي هادشي لي بقة فيااا هو هدااااك.خلي هاد شوية لي بقالي من قلبي يضرب على ود ولادي ..ماتزيدش تكمل علياااا عفااك بعد منييييي كنطلبك..طلقنيييي وهنيني من هاد لعداااب الله يخليييك
نزلوو دموعها وبدات كتبكييي بحررقة ماقدراتش تصبر صاافي عيااات من كلشي ونفاجرات بلبكة ..كتبكيي وتنخصص بصوت مرتاافع قوتها تلاشات فهاد اللخضة
قرب لعندهااا ماباغيهااش تبكي ماشي هادشي لاش رجع ليييها لا ماخاثش تبكيي هو واعد نفسو ماغايبكييهااش وهاهي كتبكي دابة بقة يمسح ليها دموعها وهي ترجع اللور وبصوت باكي:ماتقيصنيييش
زادت كملات على مابيه كيحس بقلبو كيتقطع وهو كيشوفها هكااا فهاد الحالة ماشعرش براسو وهو كينطق:شنوو ندير باش تنساااي شنوو لحاجة لي تبرد ليك قلبك وتطفي هاد لعافية لي شاعلة فيك وفياااا كتحرق فينا بجوج..قوليلي شنو ندير باش ترتاااحي وتولي كيف كنتي وماتقوليليش طلاق حيت ماغانطلقكش..قولي شي حاااجة فهاد الدنيااااا ترجعك معايااا كيف كنتيييي وحسن . نديرهااا طلبييي لي بغيتييييي غنفدوووو غير ماتبقاايش هكااا ..وانااا داك ساااع ماشي يوووسف ايلا مانفدتهااااش
عائشة عطاتو بالضهررر كتبكي وتمسح فدموعها لي مابغاوش يحبسوووو:تموووت ونتهناااا مننننننك تطعن فقلبك كيف طعنتينيييي
بقات كتبكي شحاال حتى كتسمع شي صوت كتعرفو مزيان ضارت بالزربة لقاتو هاز فردييي وحاطو على رااسووو خرجات فيه عنيها مصدومة نطق بكل تبااات وعنيه فعنيها:جاااتك اعائشة.. لا كان موتي غيريحك ويريحني نمووت وعارفاني نديرها وعمري رجعت على كلامي وعمري واعدت بشي حاجة وماوفييتش بيهااا نعطييك رووحي باش ترتاااحيي
بقات غييير كتشوف فيه ومصدووومة ودموع شلال من عنيها همسات ليه بصوت باكيي:يوســـــــف
