فجيهة خرا
يلاه خرجات من شركة التصميم ديالها حلات باب لوطو باش تركب وهي تلمح بواطة حمرا فوق الطموبيل قربات وهزاتها بتاسمات فاش شافت سمبتو فواحد البطاقة ..حلات لبواطة وهي تلقة سنسلة فيها سميتها كتلمع عجباتها بزاف..ولقات خاتم تحت منو وريقة هزات لخاتم هو لول عجبها تاهو بزاف ديال الخطوبة حلات الورقة وابتسامتها زادت وهي كتقرا:واش تزوجي بيا
عضات على شفايفها اطير بالفرحة حتى كتحس بشي حد غطا ليها عنيها بيديه وقرب لودنيها وهمس ليها:جاوبي دغية
اكرام بقات مبلوكية فبلاصتها والابتسامة مافارقاتهاش وهي تسمع تاني الهمس ديالو:ماغانحيد يدي تاتجاوبيني
عضات على شفايفها وهي كتفكر . ماغاتلقاش ماحسن منو..كيفهمها وكيعجبها من لفوق واخة ماكانتش باغة تعتارف بيها..واهم حاجة كيشبه ليها بزاااف فكلشي .وحنين وزوين ومشهور..لقات فيه داكشي لي كانت محتاجة علاش اتزيد تفكر وربي جابو ليها تا لبين يديها باش يبدل ليها حياتها للاحسن..اتكون مكلخة لا رفضاتو ..هزات راسها باه:موافقة
بتاسم وهزها بكال جسمها كيضور بيها ويضحك:واخييييييرااا اتولي ديااالي الزعرة ديال مهديييي بابييي اتولي تقووول حبيبيييي هههههه
نزلها وهي كضحك:ناري تسطيتيي
مهدي باسها على شفايفها بالخف:زيدي نمشيو نضربو لاكط
اكرام:اناري واش حماقيتي
مهدي:ههههههه حماقيت تفلاشيت هبلت ماكايهمش زيديي نمشيو
اكرام:والله تا هبلتي اجي تسنة
مهدي وقف وشد راسها بين يديه وباسها:غتولي عندي تانا عائلة نتي هي عائلتي غنعيشووو فرحانيين ياك
هزات راسها باه وهي كتشوف فيه فرحانة
مهدي:اول ماغانتزوجو اتجيبي لياا ولد سمعتيني
خرجات فيه عنيها:كيفاااش
مهدي :كيف سمعتي بغيت بزاف دلولاد بغيت تكون عائلتنا كبييرة
اكرام:وا مازال الوقت على هدشي
مهدي:غير كنعلمك شكا يتسناك
اكرام بتاسمات وباستو على حنكو:فرحانة بزااف
مهدي:يلاه نضربو لاكط
اكرام:مهدي راه ماواجدين لا وراق لا والو
مهدي:خاص غا لاكارط ديالك وصافي غير زيدي
اكرام:لا مايمكنش تاواحد ماغايعجبو لحال علاش انديرو هكا وحنا ماعندنا تاشي مشكل انا غنمشي هاد النهار نقولهالهم وغدا نرد عليك
مهدي:نضربو لاكط مع عصام فنهار واحد صافي
هزات راسها باه وهي كضحك :اتمشي دابة تقوليلهم كلشي وانا غنرصي مع عصام تافقنا
اكرام:صافي تافقنا
عنقها بالجهد وهي دفنات راسها فصدرو بجوج فرحانين بزاف
اكرام:يلاه خليني نمشي
بعد عليها:وردي عليا
اكرام:واخة
يلاه اتركب فطموبيل وهو يشدها:اجيي كاع ماركبت ليك الخاتم
خدا ليها لبواطة وجر صبعها وركبو ليها مع قبلة على يديها:لي جاي غيكون زوين
اكرام:اه ايكون حسن من لي فات
ركبات وسد موراها لباب ديمارات ومشات بقة واقف ومبتاسم فرحان .ركب تاهو فطموبيلتو ومشا
داز الوقت طاحت الضلمة
عنقاتها وهي فرحانة ليها:الحمد الله لي شفت هاد النهار ابنتي ..ماكايهمني والو من غير نشوفك فرحانة لا كنتي نتي باغاه انا ماعنديش مشكل
اكرام بابتسامة:شكرا اماما بزاف
ناصر جرها وعنقها:انا ديما اتلقايني معاك ..ودار اتبقة دارك واخة تمشي عند راجلك ديما انبقاو عائلتك
باستو على وجهو:واحسن عائلة
نزلو دموعها:سمحولي بزااااااااااف
ناصر:مادرتي لينا والو باش نسمحو ليك
اكرام:درت بزااف سمحولييي
طاهرة عنقاتها كتبكي معاها:ماتبكيش ابنتي الله يخليك ديما ضاحكة
اكرام:اميييين ويخليكم لياا
طاهرة:اميين ياربي
اكرام مسحات دموعها:انديرو لاكط فنهار واحد مع عصام ودينيس
طاهرة:اتخويو عليا دار كاملين كلكم اتزوجو وتخليوني بدر غدا ايدير الخطوبة ولاكط وكلشي فدقة تقول كيجربو عليه وبعد غدا لاكط ديالكم شكون ايبقة ليا اناا
اكرام:غنبقاو نجيو عندك ونصدعوك حتى تجري عليناااا اماما
طاهرة:ماعرفتش كيف غندير بلا بيكم ..هاد الشهر غير ديال الزواج ماعرفت مالكم تقول الزواج ايطيييير اويلي
ناصر جر طاهرة:وانا فين مشيت
طاهرة:نت لي مصبرني
اكرام:الله يخليكم لبعضياتكم
ناصر باس لطاهرة يديها:امييين
فبلاصة خرا
كانو مجموعين عصام ومهدي وعائشة تاهي معاهم ايحضرو للخطوبة..ستقبلو ضيافهم ورحبو بيهم وضايفوهم مزيان ..كانو فرحانين ليها بزاف بحال ختهم وكتر
عصام:انا ماغانطلب منك والو من غير تهلا فيها وديرها فعنيك هي راه كتر من ختنا وتستاهل تعيش مزيانة
حمزة:وانا كنواعدك عمرها تشكة مني
عصام شاف فسارة:شنو قلتي
نزلو دموعها تخلطو عليها الاحاسيس مسحاتهم دغية:موافقة
عائشة عنقاتها:مبروووك فرحت ليك والله
سارة:الله يبارك فيك
الزاهية:مبروك عليكم الله يكمل بلخير
جنات ناضت عنقات سارة:مبروك ابنتي ومرحبا بيك فعائلتنا والله يكمل عليكم بالخير
سارة:شكرا اخالتي
حمزة قرب ليها وسلم عليها:مبروك علينا
سارة:الله يابرك فيك
ركبو لخواتم والزاهية كتغزت كون صابت تجيب لكروب ديالها لقديم خخخ وتفرح بيها ..داز كلشي على خير وتافقو لاكط فسيمانة جاية ان شاء الله حتافلو بالخطوبة من بعد كل واحد مشا بحالو
الزاهية:بنتي عائشة حالك ماعاجبنيش هاد الايام
عائشة:ماما ملي جيت ونتي تسولي فياا راه ماكاين والو غا الوحم عياني
الزاهية:شغا نقولك الله يوقف معاك ابنتي
عائشة:اميين اماما امين
شافت طليفونها كيصوني كان هو جاوبات :الو
يوسف:انا لتحت
عائشة:واخة
وقطعات وناضت:راه لتحت
ناض معاها عصام هز هارون عليها وهبطو لتحت..دار ليها هارون فلرولاكس اللوى وتحنة طل على يوسف:النسيب
يوسف شاف فيه:ولد الخالة
نزل عندو وهي ركبات
عصام:ماجابتهاش الفرصة فين ندويو ..حاجة تهلالي فختي راه تكرفسات بزاف فحياتها وهي مازلة صغيرة ايوسف ..وحيد داك القضية دتسجيل لولاد
يوسف بتاسم:ماكايناش داك القضية كاع
عصام:عرفتها من هضرتك داك النهار حيت لي كيخاف على ختو ما ايبغيش يادي بنات ناس وخصوصا هي مراتك وام ولادك ..
يوسف:داكشي لي غيكون عائشة ولات جزء مني ماانبغي تاشي حاجة الضرها
ودور وجهو وشاف فيها:خاص دير غير عقلها
عصام بتاسم:مازالة مراهقة لي فسنها مازال كيلعبو فالزنقة وهي مزوجة وزوج ولاد مازال الوقت فين دير عقلها صبر عليها
يوسف دار ابتسامة جانبية:صابر فوق الصبر..ونت مانوصيكش على ختي راه حساسة بزاف ودغية كتأتر وكتبغيك اعصام
عصام:عارف وانديرها فعنيا كون هاني من هاد النحية
يوسف مسح على راسو:ومرحبا بيك فعائلتنا
عصام بتاسم:شكراا
يوسف ضرب ليه على كتافو:تصبح على خير
عصام:تصبح على خير
ركب وديمارا ومشاو عصام بقة كيشوف بتاسم وطلع لفوق
فالطريق
كانت غا ساكتة وكتشوف فالطريق ..شاف فيها وشد ليها فيديها وحرها لعندو تا حطات راسها على كتافو وهو كيسوك همسات ليه:عياانة ايوسف
يوسف:ها خنا انوصلوو..تنهدات وغمضات عنيها ونعسات تا وصلو للدار :عائشة
ماجاوباتوش عرفها نعسات..قادها فالكوسان ونزل هزها بين يديه ودخل لدار .جات فطريقو الخدامة:هارون فطموبيل عطيه للمربية..
الخدامة:واخة
وطلع بيها للفوق حطها فوق النموسية بغة يبعد كانت شاداه من تيشيرط حلات عنيها بشوية :خليك عفاك ماتمشيش
دورات يديها مور عنقو وعنقاتو تا تكا فوقها غاطسة راسها فعنقو كتستنشق ريحة لباغفان ديالو ..بغاتو يبقة معاها هكاا حداها ومايبعدش بغات تنعس على ريحة عطرو لي من اول مرة شافتو عشقاتها ..غمضات عنيها وهي كترجع اللور بداكرتها من اول مرة شافتوو حتى لدابة ..حسات بيه شقلبها وجا هو فوقها حطات راسها على صدرو وشدات ليه فيديه شابكة صبعانو مع صباعو وهي مازال مغمضة عنيها
هو حاوط خسرها بيديه وكيحس بحرارة انفاسها على صدرو بغة يخليها على راحتها بقاو شحال هكا تا حس بيها نعسات قادها فبلاصتها وحيد ليها صنيدلة ديالها ونزل ليها سنيلة دلكسوة وحيدها باش تبقة مرتاحة وغطاها وناض دخل للحمام دوش ولبس عليه وخرج على صوت طليفونو هزو وخرج لاتيراس:الو يحيى
يحيى:ياك ماكنتي ناعس
يوسف:لا فايق
يحيى:تأجلات الرحلة لي كنا انديرو من دابة لتالي دسيمانة هدشي لي قالولي خاص نصبرو مازال
يوسف بقة ساكت كيفكر ماخاصهمش يتعكلو وفنفس الوقت ماخاصش يغامرو ويزربو:صافي تاندورها فراسي ونرد عليك
يحيى:واخة يلاه تصبح على خير
وقطع بقة واقف كيفكر مسح على راسو بالزربة ودخل للجناح حط الطليفون وقرب لعندها تخشا حداها وجرها لعندو دخلها بين احضانو ونعس تاهو
