الجزء 82💕
💕لعشقك لن أنحني💕
دازو الايام وجا نهار الافتتاح
نرجس كانت واقفة بكامل أناقتها قدام لمراية ماشي راه مرات يوسف الزعيم غتكون واقفة حداه بصيفتها مراتو اامساندة ديالو خاص تكون بأبهة حلة رشات من العطر ديالها ودورات وجها شافت فالخدامة هازة لبي بي:كي جيت
الخدامة:تبارك الله وماشاء الله تهبلي الله يحفضك
نرجس بتاسمات :شكرا
قربات وباست وليد :ماشي حرارتو مرتافعة
الخدامة:عادي باقي صغير الالة مرة مرة كترتافع
نرجس:ايوا صافي
الخدامة:كوني هانية غا دوزي وقت زوين
نرجس:ان شاء الله
هزات الكاب ديالها البوشط فيديها:يلاه بسلامة
وخرجات نزلات لتحت شافتو واقف كيتسناها وقفات حداه باغاه يشوفها
دور وجهو وطلعها وهبطها:جيتي زوينة
فرحات فاش شافت الاعجاب فعنيه:شكرا حياتي
خدا منها الكاب وفتحو بين يديه باش تلبسو بتاسمات ولبساتو:شكرا
خشات يديها فدراعو وخرجو ركبو فلوطو نيشان للشريكة فين يتقام للايفتتاح وصلو كانت الصحافة على برة غير نزلو تجمعو عليهم كيصورو ويطرحو الاسئلة جاو سيكيرطي خواو ليهم طريق باش يدوزو وصحافة مازال تابعاهم حتى دخلو لداخل .ستقبلاتهم وحدة من الموضيفات خدات لكاب من نرجس وكملو طريقهم لقاعة الافتتاح فين كاينين أشهر المجالات والصحافة ديال بصاخ خداو ليهم صور دون اي أسئلة عارفين غيجي وقت طرح الاسئلة كلشي كان منضم كل واحد شاد بلاصتو وكيشوفو بعينيهم وكل واحد وشنو هاز فقلبو .نرجس غطير بالفرحة ويديها فيديه والانضار عليهم وقفو حدا العائلة ديالهم عائلة الزعيم.ناصر كيشرب من كاسو وهو مفتاخر بولدو زاد هز ليه سميتو وزاد وسعها عالميا
فجيهة لوخرا
الزاهية:سمعي يا ويلك وتفوتي 12 دليل
سارة كضحك:ههههه قولنالك سندريلا غا بضحك ماشي ديريها بصاح
الزاهية:هههه بنتي حسن من ساندريلا من حقي نخاف عليها
عائشة باستهم بجوج:صافي 12نكون هنا
سارة:ايه عطاتك ليام اعويشة كيتي انا
عائشة:قلت ليك يلاه مابغيتيش
سارة:مرة خرا دابة فكي حريرتك نتي بعدة شوفي جيتي لووووز كتحمقي جيتي كلاس ديال لا كلاس داكشي دناس الالبة زعزع ليوم يحوالولو لعينين
عائشة:يلاه مجد كيتسنة لتحت
لبسات كاب جاي كلاس فلغوز بارد واصل حد ركبة مع كعب عالي شدات صدافات وخلات شعرها مليوح على ضهرها وساك على كتافها نزلات ركبات فلوطو اللور
