جات ليلة جديدة
كان جالس فالصالة .حتى كيشوفو داخل ورجال موراه ناض مبتاسم:تبارك الله عليك
يوسف:كاع التحف فديبو..ولفلوس هاهي
كانو رجال هازين الشنطات عامرين بلفلوس حطوهم حداه وحلوهم..
أكرم:ماخليتيلي مانقول خليتيني نشك انك كنتي خدام مع المافيات
يوسف ماجاوبوش
أكرم:اتكون نت هو رأس المدبر لكاع العمليات الجاية انمشيو على كاع الخطط ديالك
قرب لاقرب شانطة هزها ومدها ليه:هادي ليك
يوسف خداها:غنمشي
أكرم:غدا عندنا اجتماع اتحضر ليه من مو الزاج وغتدر العملية وتعطينا خطة
هز راسو بأه وخرج ركب فالطوموبيل دور وجهو كيشوف الشانطة دلفلوس لي حداه ..وقف حدا واحد المبنى ودخل للمكتب فاش استقبلوه..حل الشانطة وجبد نص دلفلوس:هدي للايتام لي هنا عاودو صلحو الخيرية واي حاجة محتاجينها دراري ديروها..غنجي من بعد نتأكد
وخرج ركب فطوموبيلتو كيفكر فهاد الطريق لي غادي فيها فين اتوصلوو..حتى كيوصل للخيرية وحدا خرا عطاهم نفس المبلغ وخرج
داز الوقت وجميع الخطط هو لي كيخططهم ..وكلهم ناجحين وأكرم فرحان .دازو عماين وهو مخبي لعالام الجديد لي ولا فيه..ولا كيعرف بزاف فعالم المافيا..كاع المفيات رجعو اللور من القمة لي وصل ليها أكرم بسباب يوسف الزعيم..خلا كاع المافيات يحسبو ليه الف حساب ويبغيو يتعاملو معاه..وكل مرة أكرم كيعطي مبلغ كتر من لي سبقو ليوسف..ولكن كاع لفلوس كتمشي للخيريات والجمعيات وناس لي محتاجين..حتى لنهار الموعود كيف كان حاسبو بالضبط وكيف نتاضرو بفارغ الصبر من بعد ما أكرم ولا ثيتيق فيه بحال راسو ..يوسف لعب لعبتو ودار ليه انقلاب..خلا كاع رجال أكرم يوليو فصفو هو.. رجع هو لي مسيرهم بدون علم اكرم..حتى تأكد انه خلا كاع رجال بين يديه وكاع الاسرار عندو..وجمع الادلة لي عندو على باه كاملين..وهو يقلب اللعبة ضد أكرم..فأخر عملية حفر ليه حفرة مع كاع المافيات من بعد ما عطاوه لفلوس والسلعة ماجاتش..خلاه بينو وبينهم ونساحب وخلاه معاهم تيراو فيه وفنفس الوقت بلغ عليهم اابوليس جاو مع الكومبااا..شدوهم كاملين وأكرم قبل يوصل للطبيب كان مات..بقة يوسف مترأس المافياا ..بغة ينساحب ولكن لقة هاد العلام جزء منو .كمل فالمافيا ولكن كمحارب للمافيا....لمافية لي دخل معاها .ماكايخرج منها حتى كيدمرها.،وهو غادي عجباتو اللعبة ..حتى لنهار لي بدر كتاشفو فأمريكا..الحل لواحيد لي كان عند يوسف يعاود ليه كلشي..وهنا بدر بغة يولي مع خوه فنفس العلام..واخر عملية هي ديال المافيا الاسرائيلية دخلو معاها كأنهم مستاعدين يساعدهم باش يهربو الاسلحة .وكتاشفو انه فالدولة كاينين عاديمي الضمير لي كيساعدو هاد المافيا..ونهار كلفو يوسف باش يخرج الاسلحة من المصنع الدولي للاسلحة الخاص بالمغرب..هرب ليهم بيها ..ودابة الاسرائيليين باغين يرجعو الاسلحة بلا صداع وبداو بتهديد ليه فالفيرمة ..والخونة من خوفهم قالو انه تسرقو ليهم الاسلحة ...وتعملت ضجة كبيرة تدخلات فيها بزاف ددول
وقف الطموبيل حدا دار..نزل
ودخل لقا طاهرة جالسة ومعاها هارون كتلعب معاه.جلس حداها وهز بين يديه باسو على راسو
الطاهرة:كتبان لي عيان..ملي خرجتي من طبيب ماعطيتي الراحة لراسك
يوسف:عارفاني ماكانحملش جلسة فالفراش
الطاهرة:بحالك بحال باك
دفات صباعها وسط شعرو وبدات كتماصي ليه راسو بشوية بحنان ترخة،وحط هارون على صدرو وغمض عنيه ماكاينش لي كيتقن الماساج بحال مو
يوسف :بغيت غا نعرف يديك اشنو فيهم
طاهرة بتاسمات:من عند الله
بتاسم وهو مازال مغمض عينيه
جلس حداها ناصر:هاد ليدين فيهم واحد السحر كنعرفو غا انا
وقرب يديها لفمو وباسها
يوسف حل عنيه وشاف فيهم:ايوا سعداتك بيها
طاهرة:مزوج بجوج عيالات كي راك شبعان ماساج
بتاسم وهو كيعطيها هارون شداتو :شبعان ..
وسكت وهو كيضحك..شافت فيهم بجوج وهي مبرقة فيهم عنيها فاش شافتهم كيضحكو بجوج
طاهرة:كضحك تانت ..كتشوفو مابقة يحتارم حد وكضحك معاه
ناصر:مالو اش قال.كنقولك ديما دماغك كيصرف بزاف
يوسف :الوليد خاص تجرب جوج عيالات..
ناصر:وياه راه تعطلت اولدي
طاهرة زيرات ليوسف على شعرو:نت لما سكتييش كنقسم ليك نعاود لولدي لختانة
يوسف وقف:هاهارون ديه فبلاصتي ..الوليد اي مساعدة مرحبا
ومشى وهو كيضحك وطاهرة كتعاير فيه
شافت فناصر:من نيتك نت داوي وزايد ليه فيه
ناصر:و اش فيها نتي اتبقاي كيف مانتي ماغاتشوفيهاش انسكنها بوحدها
عضات على سنانها:ناااااصر ماتعصبنيش
بقة كيضحك:راه مانقدش واش لي عندو نتي عاد يزيد تانية..رجع باس ليها يديها:ماخلاقتش هادي لي تكون موراك ديما كنقولها
طاهرة:تا بالضحك ماتقولهاش
ناصر:تا بالضحك صافي
طاهرة تنهدات براحة:عاد حسيت بنرجس..ولكن الضروف لي خلات هدشي يوقع
هز راسو باه
تلاقة لخدامة:فين عائشة
الخدامة راها مع لبنات فالجردة
قلب الدورة ومشا للجردة كيسمع صوت ضحكاتهم من لبعيد..بقة كيقرب تا كيبانو ليه كيلعبو الغميضة..عائشة كانت مغطية عنيها ببانضة وهوما كيدورو قدامها حتى كتقرب تشدهم ووكيهربو..وكيضحكو وهي كتسبهم
قرب بشوية..بقة،كيشوف كيف كتنقز من بلاصة لبلاصة بحال شي درية صغيرة وشعرها كيلعب معاها..اف فالكسوة الحمرة كيف لايقة على جسمها وشعرها طويل كيضرب فخسرها..سها فيها .شافوه بغاو يهضرو وهو يدير ليهم اشارة باش يسكتو ويكملو
دينيس:عائشة كنتي كتشدينا دغية.هاد لبي بي لي فكرشك رجعك تقيلة
عائشة قربات غتشدها وهي تبعد:زدتووو فيه والله كتلشوو .ماخصكمش تبعدو بزاف
فاتي ضرباتها بشوية على ضهرها:نتيي احبيبة لي تقاليتي
عائشة دارت بالزربة باش تشدها .ومالقات والو:اوووووف
دينيس:شكون قالك اختي حملي
عائشة:خوووك سباب مزرووب بلا قياس
بقاو كيضحكو.وهوما كيقرب ليها تا وقف موراها..دار ليهم اشارة بيديه باش يمشيو
عائشة حسات بشي حد موراها دارت بالزربة وشداتو من تيشيرط وزيرات:شدييييييييييتك هههههه
سكتات فاش شمات ريحة دلعطر ديالو بقات مبلوكية
دينيس:شكون قالك اختي حملي
عائشة:خوووك سباب مزرووب بلا قياس
بقاو كيضحكو.وهوما كيقرب ليها تا وقف موراها..دار ليهم اشارة بيديه باش يمشيو
عائشة حسات بشي حد موراها دارت بالزربة وشداتو من تيشيرط وزيرات:شدييييييييييتك هههههه
سكتات فاش شمات ريحة دلعطر ديالو بقات مبلوكية
بصات شادة فيه وهي كتستنشق ريحة دعطرو كتغلغل ليها فالاعماق ..كتعجبها وفهاد اللحضة ولات كتعشقها..طلع يديه بشوية وحيد ليها لبانضة من عنيها ورماها فالارض كانت مازال مغمضة عنيها .قرب يديه لوجها وبعد شعرها على وجها وشدها من دقنها ورفع وجهو ليها ..حلات عنيها وشافت فيه..
يوسف همس ليها وعنيه فعنيها:حاوليلي على ولدي
عائشة:علاش
يوسف:سخفتيه بالجرى
وحط يديه على كرشها:ردي لبال ليك ولولدي
بغات تبعد وهو يشدها من خسرها:فين غادة
عائشة:ندخل عييت
يوسف:قوليلي بعدة
عائشة:شنو
يوسف:كيفاش انا مزروب..
كيهضر وكيحرك يديه على كرشها:تانتي كنتي مزروبة
بلعات ريقها فكرها فالايام الخوالي:يو..سف رخي مني
يوسف زاد قربها ليه وغطس راسو فعنقها طبع ليها قبلة خلات كاع جسمها يتبورش عليها وقرب لودنيها:جا معاك لحمر
ضربها الضو هدا شكا يقول تزنكات وحمارت:احم يوسف بعد عليا
يلاه اتزيد تهضر وهو يسكتها بقبلة طويلة حنينة على شفايفها.بعد وشاف فيها وهمس ليها وراسو على راسها:ماتبقايش تقولي بعد
هزات راسها باه وهي كتلهت..بعدات ليه يديه ورجعات اللور ودخلات كتجري للدار.بقة واقف دوز يديه على شعرو وتبعها لداخل
دخلات ..دارت لقاتو موراها..كملات طريقها للصالة
طاهرة كتهضر هي وناصر وكضحك ..قرب وباسها على خدها:ضحكت شحال زوينة
شافت فيه:بيك احياتي
وبتاسمات ..جرها شوية لعندو:هارون ماغاتحطيهش وتديها فيا شوية
عضات على شفايفها وهي كتشوفو كيقرب:اويلي اناصر ماشي هنا
زرب عليها ودخل معاها فقبلة دافية خلاوها ترخة بالسيف عليها..مازال كيأتر عليها بحال شحال هدا ماتبدل فعلاقتهم والووو
عائشة دخلات للصالة وهي تشهق من المنضر لي قدامها..وقف يوسف حداها وكات عنيه على عصافر الحب لي قدامو..عائشة بغات تمشي وهو يشدها من دراعها:فين غادة
طاهرة قفزات مخلوعة فاش شافتهم تمنات الارض تبلعها دورات وجها غتموت بالحشمة
ناصر وقف وشاف فيهم وهو كيدوز يديه على راسو:ماكاديروش الحس
يوسف:هادي صالة ماشي بيت النعاس
طاهرة شوية وتغراق فحوايجها ..ويلي على ولدها وعروستها شافوها فداك المنضر.
يوسف قرب لعندها وخدا منها هاروة:ماتعلموليش ولدي قلة الحية باقي صغير
ناصر هز يديه بحاليلا غيضربو:بالي بصاح نيت مابقيتيش تحشم
يوسف بتاسم وشاف فطاهرة:بعدة انا فالبيت ماشي فصالة بداو تحتارمو الناس
ومشة كيضحك وطاهرة كتسبو
طاهرة:شهاد الترابي دلويييييل جمع فمك..ناصر هضر معاه
يوسف جر معاه عائشة وطلعو للجناح
عائشة:ويلييي واش حماقيتي ناري حشمتيني معاهم كون مشينا بلا ماحسو بينا
حط هارون فبلاصتو وشاف فيها :وجدي ليا لحمام
عائشة ماجاوباتوش ودخلات للحمام قداتو ليه وحطاتلو حوايجو وفوطة وخرجات..دخل دوش ولبس عليه وخرج..لقاها واقفة حدا لمراية وشادة لقريعة دلعطر ديالو وكتشمها..كترش فالهوة وتقرب نيفها وتستنشقها وهي مغمضة عنيها..حتى كتحس بيه محاوط خسرها..حلات عنيها كتشوف فلمراية صورتهم معكوسة فيها هزات طليفون كان حداها وماعرفاتش علاش جا فبالها تصور هاد اللحضة ..شافت فطليفون كيف جات صورة عجباتها بزاف..حطات ااطليفون ..ودارت شافت فيه:انا باقي مانسيت لي درتيلي ومازال الغمة على قلبي ولكن ماغانستسلمش ايوسف..راه عمري نولي نتيق فيك
بقة كيشوف فيها وبعد ..حل لباب وخرج وزدح لباب
عائشة:مزيان غضب وهنيني منك
شافت فهارون وصيفطات ليه بوسة فلهوة وخرجات لاتيراس دوزات نمرتو بقة كيصوني حتى كتسمع صوتو:الو جعفر
جعفر بتاسم:اهلان بعائشة ماعرف كي طرا
عائشة:غير بغيتك فشي حاجة
جعفر:مرحبا
عائشة:نت قلتي اتعاوني
جعفر:وانا مازال عند كلمتي
عائشة:بغيت الاسهم دعمي تشريهم من عندو بفلوسي..وبغيت الشريكة تبقة ديالي بوحدي..تعاوني باش نزيد بيها للقدام ويولي اسمها فعالم البورصة معروف..انا غنصيفط لي وكالة باش تكلف..بغيت هدشي يكون سري بيني وبينك.تاواحد مايعرف خصوصا يوسف
جعفر:كوني هانية
عائشة:عفاك نت لي كنتيق فيك دابة
جعفر:وانا ديما معاك تا يهديك الله وتفكي من ديك العائلة
عائشة مابغاتش تجاوبو:يلاه نخليك بسلامة
جعفر:بسلامة
قطع ورجع بكامل جسمو للور:واخة اعويشة لي بغيتيه ايتنفد..حتى نوصل لداكشي لي باغي
بتاسم وحرك طليفون فيديه كيلعب بيه
داز الوقت قربات طاحت الضلمة
عائشة كانت فلبيت ملي خرج ماولاش رجع
عائشة:كاع لايرجع
سكتات ورجعات نطقات:هادي هي لي اترجع حقها وكلشي كي كان اوووف
ناضت لبسات صندالتها شافت هارون ناعس حلات لباب يلاه اتخرج وهي تشوفهم طالعين للجناح شادة ليه فيديه ولابسة كسيوة قصيرة شوية ومقادة لحالة وكتحلون عليه بقات واقفة مبلوكية تا غبرو من قدامها
رجعات دخلات للبيت كتحس بنفس الاحساس ديال داك ليلة فاش شافتهم فلبالكون..حطات يديها على قلبها كيضرب بالجهد كاع داكشي لي دار ليها ومازال لغيرة كتلعب ليها على لميموار..تنهدات بصوت مرتافع هدشي راه غيوقع ليوم ولا غدة حيت تا نرجس عندها حق عليه
جلسات فوق النموسية كتشوف راسها كلها كترجف كتقلب على شي سبب حتى نطقات:لا والله لا كانت ليها
ناضت حلات لبلاكار جبدات شوميز دو نوي فلكحل لبساتها وسرحات شعرها دارت شوية دلعكر .وقفات حداا لمراية كتشوف كيف طالعة على فخادها وصدرها يونادي من بعيد..لبسات لبينوار وحلات لباب وطلعات عندهم للجناح.دقات مرة وجوج حتى كيحل ليها لباب بصدرو لعاري وطريف دلفاصمة عليه وشعرو مخبل بقة كيشوف فيها
غير شافتو فهاد لحالة عضات على شفايفها ونطقات:يوسف انا..
طلات عليها نرجس بسوميج شبه مستورة خنزرات فيها:مالكي
عائشة بتبوحيط شافت فيوسف:يوسف ماجانيش النعاس شدني واحد لوجع خلعني
وحطات يديها على كرشها مقوصة حواكبها بتمتيل وكملات:اجي عفاك معايا لبيت باش لا وقعات شي حاجة نمشيو للطبيب
نرجس:حنا غير حداك فاش توقع شي حاجة انكونو عندك غا سيري
عائشة نزلات جوج دميعات:مانقدش نبقة بوحدي
وشدات فراسها بحال شي دوخة
شدها بالزربة من خسرها ورجعات وقفات:يوسف انا خايفة على ولدي
يوسف:صافي اجي
نرجس:يوسف فين غادي
يوسف:نرجس ماكاتشوفيش
نرجس غطرطق..وهي كتشوفو شادها من خسرها وغادي بيها
نزلو للجنام ودخلو..بعدات عليه وحيدات لبينوار:اووف الصهد
بقة واقف وكيشوف فيها طلوعا ونزولا
شافت فيه:الوجع ماعرفتش مناش
قرب لعندها وجرها من خسرها:علاياش كتقلبي
عرفاتو عاق بيها همسات ليه:عليك
