حمزة شد ليها فيديها وباسها:ماغانقولكش كنبغيك وماغانتسناش منك تقوليلي كنبغيك..ولكن قلبي رتاح ليك بزاف وبغيتك تكوني فحياتي والحب غيجي مع الوقت شنو قلتي
شافت فيه حاسة براسها عايشة فحلم لسانها تبلوكة
حمزة:جاوبيني
سارة قوصات حواجبها:خليني نفكر مازال ماستوعبت هدشي بغيت نجلس مع راسي
حمزة:صافي غدا تردي عليا؟
هزات راسها باه:واخة
بتاسم:نرجعك لدار ياك
سارة:اه
رجع ديمارا ووقفها حدا الدار:ماتنساينيش
سارة:لا بالعكس ماكاين غا التفكير
بتاسم ليها:يلاه بسلامة
خلاها تا دخلات عاد ديمارا ومشا
طلعات ستقبلاتها الزاهية بالاسئلة ماتفكات منها تا عودات ليها كلي
الزاهية:كيفاش غتفكري .واش حماقيتي ردي عليه دابة
سارة:لا ازاهية خليني نستوعبها بعدة انا مابغيتش نزرب الله يخليك
الزاهية تنهدات:شغا نقولك الله يسر ليك أمورك
سارة:اميييييين
داز الوقت
فالاوطيل
خرجات من لحمام لاوية عليها فوطة وشعرها مبلول عاد فاقو من نعاس..شافتهم جابو لماكلة ..جلسات كتاكل .كانت اتموت بالجوع سخفها وعاد الحمل والوحم ..شربات العصير وكلات كاع الماكلة وناضت غسلات يديها ..ووقفات حدا لمراية كتنشف فشعرها حتى شافتو خارج من البالكون بصدرو لعاري وشعرو مازال مبلول..بقات حادياه من لمراية عنيه على الطليفون حطو وشاف فيها بتاسمات وهو كيقرب لعندها وقف حداها .شافت ليه فصدرو العريض وطبايع لي خلات ليه ..وطلعات عنيها لعنقو وبتاسمات على داك الطبعة لي دارت ليه
يوسف حط يديه على عنقو:عجبك لحال
هزات راسها باه:باش تحس بيا منين كدير لي هكا
يوسف:انشوف
عائشة:شغا تشوف
حط يديه على الفوطة وهي راجعة باللور:نشوف طباعي لي درت ليك
لسقات مع الحيط وهو زرب عليها وهبط الفوطة من صدرها تا بان قدامو موشوم ببصمات قبولاتو
رجعان طلعات لفوطة:صافي
علات راسها هزات ليه يديه شافت فالعضة:ولكن هادي حسن
بتاسم وهو كيشوف اتار سنانها فيديه تفكر داك ليلة..شاف ليها فيديها تاهي
عائشة:عمرهم ايحيدو ياك
هز راسو باه وشاف فلخاتم لي كان عاطيها نعار عتارف بيها:تا هدا عمرك تحيديه
عائشة:لا اصلا يدي تنفخو واخة نبغي نحيدو مايحيدش
يوسف:قلت مايحيدش ماشي واخة تبغي تخيديه مايحيدش
بتاسمات:صافي واخة
يوسف:يلاه وجدي راسك نمشيو
هزات واحد لكسيوة غوز فيها وريدات ملونين وصنيديلة بلا ..خاصين بالاوطيل كيدخلو تاهوما فلخلاص..كان تاهو واجد هز سوارتو وبورطابلو ولي كارط ديالو .شاف جوان وهزو تاهو تا يمشي لدار ويحلو..هبطو التحت خلصو ليلة ديالهم وتمو خارجين كلشي كيشوف فيهم وكيبتاسمو.شافت فيهم وفطبعة لي علا عنقو ..كتمات ضحكتها ركبو فطوموبيل وكسيرا
للدار
دار الزعيم
كان جالس حاني راسو من بعد ماعاودلهم كلشي من غير الاغتصاب حيت داكشي بينو وبينها:السي ناصر انا امينة مانقدش نفرط فيها ونادم بزاف على داكشي لي درت ليها وكحلف ليك غنعوضها على كلشي غير ترجع معايا انا طحت فالغلاط وربي فيقني ..وغلاطي كبير ولكن غنصححو
ناصر:انا كون جات عليا من دابة ناخد ليها ورقة ديال طلاقها وعمرك تحلم بيها ..ولكن القرار كيولي ليها ماغانضغطش عليها باش تسمح ليك وماغانقولهاش ترجع ليك ماغاندير على قبلك والو هي بحدها اتقرر..ولي قالتو انا معاها.وكنقسم ليك لا طلبات طلاق ماغاتعاودش جوج مرات
محمد :واخة لي بغيتوه نديرو ولكن بغيت ندوي معاها
ناصر:فالحضور ديالنا
هز راسو:واخة
طاهرة طلعات عيطات ليها ونزلات هي وياها..جلسات بعيدة عليه
محمد:امينة غنبقة نعتادر منك حياتي كاملة وماغانوفيلكش حقك ..سمحيلي عفاك ونساي لماضي وماغايكون غا خاطرك.اتكوني بحال شي اميرة فحياتي وعمري نقلقك ولا نأديك غير ماتفرقيش عليا وخليك معايا الله يخليك
شافت فيه بهدوء:رجع هاد ليلة ونرد عليك..وحاجة وحدة
محمد:شنو هي
امينة:ايلا قلت ليك الطلاق بلا ماتزيد تطلب حيت ايكون قرار نيهائي
محمد:ولكن نتي كتسدي كاع لبيبان فوجهي
ناضت:انا هضرت
وطلعات بغة يتبعها وهو يوقفو ناصر:سمعتي اش قالت ايوا سير بحالك
تنهد وناض خرج مشا بحالو خايف لا تقولو طلاق وعارف لا قالتها راه ماغاتراجعش ومن غدا تصبح مطالقة..ركب فطوموبيلتو ومشا
طاحت الضلمة
كانت فلبيت غير جاو طللعات نيشان للجناح ..كانت شادة هارون قدامها كتلعب معاه ومتكية حتى كتسمع ااجرس الجناح كانت الخدام:بنتي كيتسناوك لتحت
عائشة:واخة
هزات هارون ماعارفاش اش ايوقع تنهدات وهبطات التحت لقاتهم مجموعين كاين تا عصام وليلى وعماد واكرام ونرجس المهم كلشي
طاهرة:بدر تعطل
امونة:دابة يجي راه فطريق
على برة وقفات طموبيل حدا دار نزلو كتحس بقلبها كيضرب فلمية شد ليها فيديها:كلشي ايكون مزيان
هزات راسها باه ودخلو..سلمو عليهم وشي كيشوف فشي
طاهرة:بقة محمد
يوسف وهو عاض على سنانو:لاش هداك
ناصر بحدة:يوووسف
سكت ماباغي صداع
حلات ليه لخدامة لباب ودخل جلس تاهو وعنيه على امونة
وقع الصمت كيتسناو اش غا يوقع
ناصر وقف وسط صالة وهوما كل واحد وفين جالس وشي واقف :فهاد ليام تالية شفت كلشي ترون كل واحد كايدير غا لي قاليه راسو شي كيشرق وشي كيغرب..انا ساكت كنقول كبرو ومامحتاجينش لي يقولهم اش يديرو..
شاف فيوسف:نت اتسالي عليا المخاصة مع تاج دين هو دابة من العائلة وبسيف عليك اتقبلو وسط منا حيت اتولي تشوفو بزاف ..
وشاف فعصام:ونت اتولي اتندامج مع هاد العائلة اتولي تحضر الاجتماعات ديال الشركات لي داخلين فيها شركة كاملين اتوقف مع باك واتقابل ممتلكاتكم وفلوسكم ..بغيت نكونو عائلة ماشي اعداء ..حنا صداقتنا ليها اعوام ماشي تجيو نتوما تدمروها اخر يامنا بنادم يسيق خبار المضاربات ديالنا.ماغانسمح لتا واحد فهاد العائلة يدمر هاد القرابة لي بيناتنا من اعوام..الهضرة موجهة لكلشي..نرجس وعائشة كلامي بغيتو يكون مفهوم وواضح..ماحدكم من هاد العائلة مانبغيش صداع والمشاكيل .الوقت جمعاتكم فهاد الدار ادن حتارمو هاد الدار وناس لي فيها
بقاو غا ساكتين وعارفين اي تدخل ماشي هو هداك
ايقلب فوق راسهم الدار
دور وجهو وشاف ففاتي:ونتي
شافت فيه:اناا..مالي
ناصر:داري هي دارك ماغانجريش عليك منها..ولكن ماغانسمحلكش تخلي دار وواليديك..هدشي زاد على حدو مك طلبات منك سماحة وبغاتك ترجعي لدار.ادن هاد ليلة اتباتي فداركم وسط واليديك..وحلو مشكلتكم فداركم .
شاف فبدر وزينب لي جالسة حداه:ونت شنو قصتك
بدر بهدوء:عادي زينب اتكون مراتي
ناصر:ومن ايمتى
بدر:الوليد زينب تعرفت عليها وعجباتي ما كنتش مأكد ولكن دابة عرفت انها هي لي بغيتها تكون مراتي
ناصر شاف فزينب:مرحبا بيك
زينب تلفات:ش..شكرا
طاهرة :فين تعرفتو
زينب:كانو طالبين سكريطيرة وجيت دوزت السطاج وتعرفت عليه
طاهرة:اه مزيان ابنتي سمحيلنا على هدشي ولكن هداك لي حداك راه مامفهومش جاتنا عجب
زينب بتاسمات:عارفة اخالتي ماشي مشكل
ناصر:هاد السيمانة انديرو الخطوبة
بدر:ولاكط فنفس الوقت مابغيتش هدشي يطول
طاهرة:والعرس
بدر:ماعندناش مشكل فالعرس تالمن بعد
طاهرة:حشومة خاص نفرحو بيكم
زينب:انا ماعنديش مشكل اهم حاجة نعيشو هانين العرس مازال يامات الله طويلة
طاهرة:ايوا الله يكمل عليكم بالخير
ناصر شاف فامونة:ونتي اشنو قررتي
هزات راسها وشافت فيه وهي كتلعب بصبعانها:غنرجع ليه ابابا
ناض فرحان قرب لعندها وعنقها:كنواعدك ماغاتندميش
ناصر:هدا كيبقة قرارك..ولكن نهار نسمعو بكاك ولا اداك ماغايلوم غا راسو
محمد باس ليها يديها:عمري نأديها
امونة:مابغيتش ولدي يتربة وسط واليديه مفارقين بغيتو يتولد ومو وباه حداه
كلشي تصدم ..محمد خرج عنيه فيها وهمس:حاملة
هزات راسها باه.تلاح عليها عنقها غيطير بالفرحة:ماتصوريش شحال فرحان غنطيير بالفرحة
همسات ليه حدا ودنيه:كونت بغيت نتأكد واش حاملة باش نشوف واش نرجع ولا لا.كون ماكنتش حاملة عمرك تحلم نرجع ليك
بعد عليها وشاف فيها :الحمد الله فجميع الاحوال
باسها على راسها:غنخليك تعيشي معايا بحال شي اميرة
شافت فيه يلاه اتدوي وهي تسمع كلشي كيبارك ليها وناضو كيسلمو عليها..على ود ولدها اتحاول تنسة واخة هدشي صعيب عليها ولكن ولدها لي فكرشها كيبقة اهم حاجة فحياتها
ناصر:غيوليو عندنا لحفايض وحنا مازال كنضاربو ديرو عقلكم ..ونتمنة كلامي يكون مفهوم حيت ماكانبغيش نعاود الهضرة جوج مرات ..بغيت عائلة دالزاعيم تكون ديما مجموعة ونهار نموت غنموت وانا هاني حيت خليت مورايا عتئلة صعبب شي حد يفرق بينهم
طاهرة شدات ليه فيديه:ماتجبدش الموت عفاك الله يطول لينا فعمرك
بتاسم:الموت علينا حق
طاهرة:عارفة ولكن كاتحبدهاش
باس ليها يديها ورجع شاف فيهم:والله يخلينا ديما مجموعين
جات الخدامة:لعشا فالطبلة تفضلو
طاهرة:يلاه نتعشاو
تجمعو على الطبلة كاملين كيهضرو وواقع الضجيج كل مجموعة وفاش خايدة..عائشة كدوي هي وأمونة وزينب على الحمل وكتعاود لامونة على تحريبتها وعلاياش توحمات..وامونة كتشارك معاهم تاهي تحريبتها وزينب كتصنت..دينيس وفاتي شادينها نميمة فالاحدات لي وقعو وكيحللو ويناقشو ومرة مرة كتشوف فعصام لي كيدوي هو وعماد ..من غير وحدة لي شوية والفورشيط تهرس فيديها وهي كتشوف فعنقو داك طبيعة هي دوزات ليلة كاملة فلبكة من بعد ما غوت عليها لبارح قدام كلشي وبهدلها بسبابها باش تبعد منها وتخرج من كريقها ولا غيرجعها لدار باها دوزات ليلة خايبة ..وهوما بايتين فالحب ورومانسية وجايبين دليل معاهم باش تزيد تفقص ..حسات بلداخل ديالها اينفاحر شربات من لما كتهبط ديك الماكلة لي مابغاتش تهبط ليها
