الجزء 62💕
مابقاش قادى يبقة غير متكي خصوصا وانه موالف كل صباح كيكمي حس بالقطعة ناض بشوية وهو حاط يديه على راسو شاف فصالة شافو ناعس تنهد ورجع شاف فالساعة 11ونص دخل لحمام غسل وجهو مزيان وخرج لقة تيشيرط ديالو كلو دم مشة عند مهدي وفيقو مابغاش يفيق :اصاكبي عطينا غا لكارو
مهدي:راهو اصاحبي ماكاتشوفش
دور وجهو لقاه محطوط فوق اطبلة مشة هز البكية ولبريكي وتم خارج
مهدي هز راسو:شوية دابة
عصام عز راسو باه وخرج من لبيت باش يخرج للجردة يكمي تم نازل فدروج ماعارفش منين ايخرج للجردة ..كانت داخلة للدار وهي تشوف شي حد غريب كيتسارا فدارهم تخلعات فلول ولكن تشجعات مشات هزات واحد لفاز وتمات تابعاه بشوية على ريوس صبعانها كتسنة الفرصة فين تعطيه لراس..عصام شاف فالمراية اونفاص معاه وهو يشوفها اضربو بعد قبل توصل ليه الضربة وشد ليها يديها:واش حمقة
فاتي خرجات فيه عنيها:نت شكا دير هنا
عصام خدا ليها لفاز من يديها وحطو بعيد:ونتي مالك
فاتي تنترات منو:كيفاش ونتي مالك راه دارنا هادي
عصام خنزر فيها ماعندوش الوقت ليها ولا دماغ لي يسمع لتخربيقات ديالها لي فيه كافيه:سيري بدلي ساعة بخرا
فاتي يلاه اتجاوبو وهي تسمع صوت ليلى من موراها:دري ضيف عندنا اش بغيتي بيه
فاتي شافت فيها:كنسولو هو ماشي نتي.
عصام شاف فليلى:واخة تسمحيلي نخرج للجردة
ليلى شافت فيديه لكارو فهماتو:مرحبا اولدي
شاف ف فاتي وكمل طريقو ومشا
فاتي شافت فليلى وطلعات لفوق مشات نيشان عند عماد كان فالمكتب ديالو دخلات وجلسات فوق المكتب اونفاص معاه:داك خينا شكا يدير هنا
عماد:شكون عصام.
عاود ليها كلشي:ايوا وهاهو معانا دابة يلاه لقيتيني هضرت مع كمال عيط للكوميسير ديال هنا وهو غيتكلف
فاتي:ااه ايوا مافيها باس
عماد:اتلاهيني على خدمتي بالهضرة
فاتي:هاهي غادة
خرجات من المكتب وهبطات كتجري فدروج كانت ادخل فليلى
ليلى:بشوية
فااتي وهي غادة كتجري كي شي عزري:ماشتكش
وخرجات للجردة شافتو واقف بعيد ححدا لابيسين وكيكمي مشات وقفات حداه
شاف فيها كمل لكميان بقة كيفكر حتى نسى الوجود.ديالها كيفكر فختو ومو ولبنت لي كيبغي حياتو .التفكير كيزيد يكمل عليه كيخليه يتعمق ويفصل حتى كيحس براسو غيطرطق تنهد بصوت مرتافع
