💘الجزء 208💘
داز الوقت
خرجات من الشركة عيات ودوة لي ولات كتشرب كيزيد يعييها تنهدات وهي كتشوف الشيفور واقف حدا الطموبيل خنزرات فيه:قلت ليك سير من لهنا
الشيفور:سمحيلي امدام ولك السي زعيم وصا باش ماتسوقيش وانا لي نتكلف
ساطت فالهوة حتى من الضوبل ديال سوارت طموبيل عندو عاطيهم للشيفور لي ماكايتزحزحش كينفد وصافي ماغايخليهاش تركب فطوموبيل بحال فصباح كوما كانتش مزروبة وتواجد ديالها فالشريكة ضروري ماكانتش غتخليه يوصلها
مدات يديها لساك وجبدات طليفونها دوزات نمرتو تواني وسمعات صوتو الهادئ ممزوج ببحة رجولية:شنو واقع
شافت فشيفور:واش انا شكيت عليك قلت باغة شيفور اسيدي لابغيتو انديرو لراسي دابة من لخر دوي معاه يبعد من طموبيل يخليني نمشي بحاليي
يوسف:سوقان بوحدك راك ماغاتسوكيش سمعتي اش قال طبيب داك نهار وايلا عاندتي اتلقايني قدامك غنوصلك انا شخصيا
قطعات ليه فوجهو وهي كتسوط عارفاه يديرها ويجي حلات لباب وركبات اللور:تحرك دغية
مشا ركب فبلاصتو وديمارا وصلها تا لدار ونزل حل ليها طلعات نيشان لدار تنهدات براحة واخيرا دخلات للدار خدمات التدفئة حيدات منطوها وصباطها دارتهم فبلاصتهم ودخلات لبيتها تبدل عليها وتكة ترتاح جبدات بيجامتها لبساتها بالخف وتكات فبلاصتها كتشوف فالساعة مازال لجوهرة نص ساعة وتجي من لمدراسة تكة شوية ولكن قبل شربات دواها..وقدات المنبه ديال طليفونها على الوقت دجوهارة حيت عارفة هاد الدوة كيدير ليها النعاس وغمضات عنيها ودغية داتها عنيها مع لعية
نزل من طموبيلتو ماقدرش يصبر تا لغدة ومايشوفها وهي هازة ولدو فكرشها باغي يطمن عليها بعنيه..وصل للباب كان عندو ساروت حل لباب ودخل سمع سقيل فدار شد لباب بهدوء وهو كيتمشة فدار بخطوات خفاف تا وصل لبيتها دخل وهو يشوفها ناعسة بهدوء شعرها سايح على لمخدة ويديها فوف كرشها قرب بشوية كيشوف فيها تا وصل لعندها تحنة لعندها منزل يديه لخدودها كيتلمس فيهم بشوية نازل مع دراعها باطراف صبعانو تا وصل ليديها لي على كرشها تحنة كتر وباسها على جبهتهااا ويديه كتحسس فكرشها هنا كاين ولدو التالت الولد لي غيحضر عليه فجميع مراحليلو حتى يتولد ويهزو بين يديه وهو بي بي صغير فنهارو اللول اللحضة لي تحرم منها فولادو بجوج تنهد وهو كيجلس حداها بوشية ويديه مافارقاتش كرشها كيشوف فيها طلع تاني يديه لوجها عارفها شحال تعدبات وحالف تا يغوضها على كاع داكشي لي شافت معاه قوصات حواجبها ديرونجاوها لمساتو على وجها بتاسم وهو كيشوفها كتغوبش غطس صباعو فشعرها مبعد من وجها دغية رجعات للهدوء وكملات نومها..بقة مراقبها جدبو شكلها وهي ناعسة بهدوء وسكينة وصوت انفاسها المنتاضم وصدرها لي طالع هابط بشوية..شف فالبلاصة لي حداها وتكة حداها وجرها لعندو بشوية وحط ليها راسها على صدرو طلعات يديها وحطاتها جيهت عنقو وتقادات فالنعسة ..باسها ليديها وغمض عنيه وداتو عنيه تاهو ونعس
دازت نص ساعة حتى كيتسمع صوت طليفون لي متحت خديتها بالجهد ولفيفروور تاهو حلات عنيها بصعوبة مازال باغة تنعس وهاد صوت ديرونجاها حتى كتحس بشي يدي محاوطاها على خصرها وصوت دقات قلبو كيتسمعو فودنيها عرفاااتو وشكون من غيرو ولكن كيدار تا كا وفوقاش وكيدارت تانعسات على صدروو بلا ماتحس ..تهزات من بلاصتها كتشوف فيه كيحل عنيه وهو مغوبش شاف فيها بصوت باااح بالنعاس:طفي هاد المرض
عائشة:شكا دير هنااا وايمتى جيتيي وبأشمن حق ناعس حدايا
ماجاوبهاش مد يديه تحت لمخدة جبد طليفون وطفا التنبيه وشاف فيها وهو كيمسح على راسو :مراتي فهمتي دابة
غوبشات وهي كترجع للقدام باش تنزل من اانموسية:خااص نبدل لبلاجة دلباب هدشي بزاف عليا
زرب عليها ومد يديه وجرها تا طاحت فوقو قراب بزاف:خاص تبدلي هاد الدماغ لي عندك اما لبلاجة حالها ساهل
بلعات ريقها كتشوف شفايفو قراب من شفايفها بزاف لدرجة لدرجة نغييييزة ويتلاسقووو بغات تنوض وهو يزير عليها وعنيه فعنيها:ماعندك هروب مني اعائشة
عائشة:مابقة والو وكل واحد ايشد طريقو داك ساع هدشي غيسالي
دار ليها واخد الابتسامة جانبية تدوب لحجر ماشي غا لقلوب:آآآه يا عائشة وشنو مازال كيتسناك معايا
تلفات مع داك الابتسامة لي قليل فين كتشوفها مشا ليها لكلام وولات حاضية غا ملاميحو لمبتاسمة وشفايفو مرسومة عليهم داك الابتسامة
حط يديه على خصرها كيزيد يقربها بشوية:حلالك اعائشة شكا تسناي
حسات على راسها بغات تنووض:رخييي منييي ايوسف ونوض سييير بحاالك
حكمها مزيان وهو كيرجعها لبلاصتها ولنفس الوضعية قراب بزاف:شششش اعائشة
بغات تهضر وهو يحط صباعو على شفايفها وفلحضة ستبدل صباعو بشفايفو كيجر فشفايفها بسنانوو ويبوس فيهم بشوية وفوقما تبغي تبعد هو كيجرها متحكم فالشدة مزيااان كيبوس ويحرك يديه على خصرها ويطلعهم تا لضهرها ويلعب بشعرها لي مليوح على ضهرهااا مستمتع بحلااالووو بعد وهي كتلهت كيسخفها ضرباتو على صدروو:طلللللللق منيييييي شكا دير
رجع تاني باسها بالجهد وبعد:كنحقق ليك داكشي لي ماقدرتيش طلبيه
خنزرات فيه وهي كتنوض وتقاد فحوايجها وتمسح فشفايفهااا:-شكاا تخربق
ناض جالس :كنقرا عنيك
حلات لباب:خررج عليا دابة يلاااه
وقف كيقاد فحوايجو وقرب لعندها:هاني فصالة قادي قهوة وتبعيني
ومشا وخلاها واقفة معصبة خرجات من لبيت وزدحات داك لباب من موراهاا وتبعاتوو:شكااا تحساب فراااسك هااا قووولييي
شاف فيها وميل راسو ودوة:الزعيم ومن لا يعرفوه
عائشة زاد عصبها:زعيييم على رااسك سمعتينيي ولكن غير صبر هدشي كاامل غيساالي نهار غنطلقوووو داك ساع اول ماغاتحط رجليك هناااا انعيط للبوليييس هوما يتكلفو بيك
قرب لعندها:ماكانضنش غيجي هاد النهار
قربات لعندو تاهي بتحدي:غتشوف هاد النهار بعنييك
يلاه ايهضر وهوما يسمعو الدقان سااطت:اوووووف لاهيتينييي تا ماهبطتش تلاقيت بنيتي
مشات دغية حلات لباب لقاتها واقفة هي وهارون وشكيكراتهم فيديهم بتاسمان:ويييينو هارون
تحنات عنقاتو:شكون جابك
هارون:شيفوور
باستو ورجعات عنقاتو:ولدي توحشتك
باسها على خدها:تانا بزااف اماما
بعدات وباست تا جوهرة:بنتي لحبيبة على سلامة زيدو دخلووو
دخلاتهم وسدات لباب وهي كتشوفهم مشاو كيجريو عند باباهم هزهم بجوج معنقينو جلس وهوما فحضنو كيعاودوو ليه جلسات اونفاص معاهم كتشوف فيهم شحال شكلهم زوين ويوسف عاطيهم لخاطر كيتصنت ليهم سهااات فيهم حتى كتسمع صوت هارون:ياك اماما انا غنتعلم دغية للعربية جوهرة كضحك علياا حيت ماكانعرفش نطق لحروف صحاح
عائشة بتاسمات:اه اولدي غتعلم حيت تبارك الله راك دكييي وجوهرة غير كضحك معاك ياك ابنتي
جوهرة:اه اماما غير كنضحط
يوسف داك النعسة دقبيلة دارت ليه شقيقة زير على راسو وشاف فيها:وجديلي قهوة قاصحة دابة
بقات كتشوف فيه وناضت كتسوط ودخلات للكوزينة وجداتها ليه ودارتها فطاس وقبل تديها ليه بتاسمات وهي كتحل طاسة دلملحة ودارت ليه جوج معالق داقت شوية وقبحات وجها مداق خايب بزاف مع القهوة قاصحة بلا قياس ولملوحة هدشي كامل باش يتعلم...شربات لما يمشي لمداق وخرجات للصالة وحطاتها قدامو:اجيييو امااما خليو باباكم يشرب قهوتو جلسو حداها وكملو كلامهم طفولي كيعاودو لبعضهم على ذكرياتهم تعودو على بعصياتهم فوقت قصيير اصلا بغاو بعضياتهم قبل يتشاوفو
عائشة حاضياه فوقاش ايبدة يشرب داك القهوة حتى كيهزها وشرب شوية ورجع حط لكاس نتاضرات شي ردة فعل ولكن والوو تعجبات تا دخلها الشك واش غلطات ودارت سكار ولكن لا هي متأكدة هاديك ديال لملحة حيت داقتهااا رجع تاني شرب بهدوء عادي كتزيد تصدم واش هدا ماعندوش الاحساس لهاد الدراجة ولا ماكايفرقش بين لملوحة ولحلاوة داز الوقت حتى سلا طاس دلقهيوة ديالو وقفات باش تدي داك طاس للكوزينة قبل تهزو شدها من دراعها وجرها لعندو:كون درتي فيها السم كنت انشربو كامل اعائشة
بلعات ريقها كتشوف فيه وفهاد التغيير لي ولا فيه ماشي هدا هو يوسف لي كتعرف يوسف المتصرع والمتهور العصبي بلا قياس لي كون دارت ليه هكا كون قلبهاليها فوق راسها ولكن لا هدا لي قدامها واحد مكالمي كيدير داكشي لي فراسو بهدوء كينفد ويطبق غا بلكانة كيعرف يتحكم فأعصابو تا كلامو ولا موزون ماتعرفيش اشنو متحت راسو شحال هدا داكشي لي كان كيدور فراسو بالاعصاب كينطقووو ويهدد بيه ..وعاد تعامولو معاها لي ولا فشكااااااال ..
رجعات اللور وهزات طاس ومشات للكوزينة حطات داك طاس وبقات واقفة كتفكر ويظيها على قلبها كيضرب بالجهد غسلات وجها وخرجات تاني عندهم جلسات..حتى كتشوف فيها جوهرة:ماما عرفتي شنو
عائشة:شنو ابنتي
جوهرة:صاحبتي ماماها جابت ليهم بي بي
عائشة:ايوا مزيان مبروك عليها
هارون:غيولي عندهم بي بي صغيور فدار
جوهرة:اااه صغيور بزاف
هارون شاف فعائشة:ماما عفاك جيبي لينا تاحنا بي بي
جوهرة:اه اماما تاحنا بغينا خونا صغيور عفاااك
عائشة ماعرفات راسها باش تبلات بدات غا كدور فعنيها.وتمسح على شعرها حتى كتسمع صوتو:داكشي لي غيكون ياك اعائشة
شافت فيه بحاليلا كتقولو من نيتك:غنعاود نشرح ليك من لول ايوسف ولا شنو
هارون قرب عند باه:واش بصاح تاخنا شي نهار ايولي عندنا خونا صغيور
يوسف مسح ليه على راسو:اه لابغات ماماك
رجع تاني لعندها شادين ليها فيديها:عفااك اماما قولي اه بغينا يكون عندنا خوونا عفااك
خرجات فيه عنيها ورجعات شافت فيهم :ولداتي داكشي ديال ربي لابغة راه غيكون عندكم خوكم ماشي لابغيت انا غا لاباكم الله يهديك باغي يوصل لشي حاجة مستحيلة
مافهمو والو من كلامها من غير انه ربي لي يمكن ليه يجيب ليهم هاد لبي بي
جوهرة:غنكلبو من ربي يولينا تاحنا عندنا خونااا
عائشة:سيري للبيت نتي وخوك وطلبوو
مشات كتجارا هي وخوها وكيقولو:ياااربي يكون عندنا خونااا
قفات وهي كتشوف فيه:علاش كدخل دراري فهادشي
وقف تاهو :عادي هوما بغاو خوهم
عضات على سنانها:ونت عارف هادشي مايمكنش لاش كتزيد تكبر لموضوع
قرب تا لعندها وحط يديه على كرشها:كلشي ممكن اعائشة انا داك نهار قلت ليك بغيت ولد فأقرب وقت وكيبانلي وليتي كتنساي
رجعات اللور:لا ماكانساش كيف عاقلة انني قلت ليك مستحييل
مسح على راسو وهو كيسمع طليفونو كيصوني جاوب:وي لينا..صافي هاني جاي
رد طليفون لجيبو وشاف فعائشة:غنجيبو ليهم خوهم بغيتي ولا كرهتي انا غنمشي دابة ونتي رتاحي ورجعي تنعسي حيت بنتي ليا عيانة
عائشة:ماشي سوقك فياا ديها غا فلينا ديالك لي بابل واحد خلاتك تمشي طاير عندها
علا حاجبو:بغيتيني نبقة
دورات وجها:لاا سيير
بتاسم وقرب لعندها وجرها من دراعها لعندو وهضر بجدية وعنيه فعنيها كيأكد عليها:تهلاي فراسك سمعتيني وايلا بغيتي ندي دراري معايا باش ترتاحي
بقات غير كتشوف فيه هدا مالو
يوسف:ماشي وقت شوفان اعائشة
حسات على راسها ورجعات اللور:انا مرتاحة وولادي معايا غير سيير لا تعطل عليها
يوسف:عيطاتلي على الخدمة اعائشة
عائشة جمعات يديها لعندها:ماشي سوقيي لاش كتشرح
تنهد وهو كيهز راسو :هاني مشيت
بقات حاضياه تا حل لباب ومشااا تنهدات:قاالك الخدمة
سااطت بالجهد:وانااا مالييي
طلات على دراري لقاتهم كيلعبووو
ورجعات للصالة تكات فوق الفطوي عاضة على سنانها تهندات وناضت مشات لبيت كتنعل شيطان لي كيلعب ليها فراسهاا دخلات للبيت وتلاحت فوق النموسية عيات صابرة وهي تهز طليفونها وتكتب ليه ميساج تعصبو شوية :ماتنساش غدا المحكامة ديال طلاقنا
سيفطاتو ورجعات تكات:قالك باغي ولد اخوور ايوا حلم تاتشبع
دااز الوقت وماموصلها منو والووو واخة طلع ليها قرا المسااج تمتمات:واش هو عند داك لعوجة عاد عندو لوقت يجاوبك نيييت سرهم متواتين يبعد غا منيي
تنهدات والوفت كيدوز حتى
وصلها ميساج:ماتخافيش غنكون حاضر فالوقت
خنزرات فداك الميساج ورجعات طليفون تحت لمخدة دقايق ووصلها تاني ميسااج حلاتو كانت صورة كدل انه فاجتماع وكتب :غا نعسي ورتاحييي راه غا اجتماع
عضات على شفايفها حاليلا جالس حداها وعارفها متكية وفاش كتفكررر صيفطات ليه ميساج:ماشي سوقي والله يخليك ماتعاودش تصيفط لي هدشي
وقطعات لويفي وتقادات فبلاصتها وغمضات عنيها ونعسات داك سااع ترتاح شوية وتنوض توجد لوليداتها ماياكلو
