💔الجزء 172💔
جليلة بفرحة:ها العروسة جات
بقة شي كيشوف فشي
طاهرة:على سلامة ..عائشة بنتي اجي تسلمي
عائشة مافاهمة والو .
قربات سلمات على طاهرة وناصر عاد دارت سلمات على جليلة ووصلات لاسامة لقاتو مبتاسم مدات يديها وهو يوقف سلم عليها وعنيه اينقزو بالفرحة:عائشة لاباس عليك
عائشة: الحمد الله
وبعدات وسلمات على باه
ورجعات وقفات فبلاصتها
طاهرة:جلسي
عائشة:لا خاص نشوف هارون
جليلة:ايوا ماحد خوها هنا ندخلو فالموضوع
عائشة نسات كلشي:عصام هناا فين هو
طاهرة :لا هي كتقصد..
جليلة:يوسف ابنتي علاه عندكم شي ولد سميتو عصام
عائشة عاد تفكرات:لا بحال خويا
جليلة شافت فيوسف غير واقف ويديه فجيابو وكيتفرج:ولدي يوسف .اسامة عاودلي على سوء تفاهم لي وقع بينك وبينو اخر مرة..طبعا من حقك عائشة كتبقة ختك وكتخاف عليها
يوسف على حاجبو بحاليلا كيقولها من نيتك
جليلة كملات كلامها وهي مبتاسمة:ولدي اسامة راجل محترم ماشي ديال داكشي ..بخدمتو وعندو شريكة خاصة بيه مرضي الحمد الله
يوسف باقي مافاهم والو وعلاش هاد المحاضرة كاملة
شاف فعائشة عرفها هي مولات الفكرة انه خوها
رجع شاف فجليلة مازال كتدوي وتشكر فولدها:ايوا حتى شاف ختك وبغة يخطبها ماتصورش شحال فرحت ..وحنا جايين لهنا باش نخطبوها ان شاء الله
يوسف شاف فالطاهرة وناصر وشد عائشة من يديها وتم غادي:ها الواليدة والوليد هوما يعرفو كتر مني وطبعا لا وافقات دينيس
زادو جوج خطوات وهو يوقف مصدوم من الهضرة دجليلة وهي مبتاسمة:تانت فهمتي غلاط ولدي بغة ختك عائشة اولدي
عائشة،كانت مصدومة كتر منو ..اما السي زعيم بقوة الصدمة كان ايهرس ليها يديها .رخة منها ودار لعندهم:شكون قلتي
اسامة:يوسف بغيت نبين ليك انه النية ديالي حسنة وماباغيش نتفلة انا ماشي دهادشي عائشة بغيتها مراتي ومات ولادي ان شاء الله ..وغنديرها فعينية ..وماكرهتش هاد النهار نديو الموافقة
جليلة:اه باش نوجدو للعرس ان شاء الله..بغينا نديرو شي عرس زوين كلشي يسيق ليه لخبار .نفرحو شوية
الاب:وحنا موجودين لاي شروط واي حاجة بغيتوها مرحبة
يوسف ولا كيغلي هادو شكا يخربقو ..حس بعروقو غيطرطقو ودمو كيغلي
طاهرة بلعات ريقها وشافت فيوسف:عائشة لي غتقرر هدي حياتها ولي بغاتها حنا معاها..
يوسف هضر بواحد البرود عكس لبركان لي فلداخل ديالو:الواليدة شنو بان ليك توصليهم للباب ولا نوصلهم بيدي
طاهرة ناضت:يوسف
قاطعها وهو مازال كيحاول يتحكم فأعصابو :الواليد مراتك بانت ليا ماشي هي هاديك ..ومازال ماكاتعرفنيش من الاحسن دير هدشي لي قلت
جليلة:اش واقع
طاهرة:والو عائشة هي لي اتقرر..شنو قلتي ابنتي اسامة راجل كامل مكمول وصراحة انا عجبني ويستاهلك عارفاه غيتهلة فيك .اش قلتي
يوسف شاف فعائشة وعنيه داك شوفات لي يقدرو يقتلوها بلا مايدوي وكلشي قفز من صوتو لي هاد المرة كان مرتاافع .وفيه الغضب :تحركي تقودي طلعيي شكا تسناااي...تحركييي
طاهرة شافت فناصر باقي جالس مادار تاشي ردة فعل:ناصر قول شي حاجة
ناصر ماجاوبهاش كيشوف فيوسف كيف كيغلي
طاهرة وقفات:عائشة اجي لهناا ماعندك فين تمشي حياتك هدي..ونت طلع عند مرااتك
يوسف كيزيد غا يجهل يلاه ايدوي وهو يسمع صوتو ..دار شاف فيه..
اسامة وهو جاي لعندو:يوسف خلينا ندويو غا بالعقل ..انا ماطالب تاشي حاجة فيها لعيب ..انا طالب الزواج
يوسف ماحس براسو تا جمع معاه بكروشي طاح فالارض وشاف فالطاهرة:هدشي لي بغيتي
جليلة مشات كتجري لولدها فمو كيسيل بالدم:الله اربي اش درتي الولديي
الاب:شهاد الحالة واش سيبة هنا فالدنيا
يوسف زدح الطبلة دزاج برجليه تا تشقات:بربي وماتهزو ولدكم وتحركوو تقودو روحو انخرجها بيدي ...زواج راه ماكاينش
اسامة تنتر من مو وناض:علااش .عائشة لا قالت اه راه كنقسم ليك ايوسف ماغا يحيدها لي غير ربي لي خلقني لحد الان باقي محتارمك
طاهرة وقفات بيناتهم خافت بزاف عارفة ولدها يقدر يدير شي موصيبة:صافي اولدي اسامة سيرو ..يوسف معصب دابة..انا بنفسي انرد علييكم ونحدد موعد معاكم فوفاش ترجعو
يوسف ..جر اسامة من قداام الطاهرة تاكانت اطيح من قوة الجرة لي دار ليه..شدو من الكول ديالو وزير عليه شوية ويهزو لفوق:سمعني مزيااان اتولي تجبد سميتها على فمك راه فبلاصتك فين واقف اتدفن على يدي ..
ودفعو تا طاح فالارض ودور يديه مور ضهرو جبد لفردي بالخف تيراا فالسمة تا تهرسات الترية لي معلقة:هز عائلتك وخرج مانولييش نشوفك كدور هنااا ولا ماتلوم غا راااسك
طاهرة حطات يديها على فمها مصدومة ومخلوعة هدا شكا يدير
عائشة،طلعات كتجري لبيتها وسدات عليها
عائشة،طلعات كتجري لبيتها وسدات عليها
يوسف رجع ضرب فالارض وشاف هاد المرة فجليلة:بغيتي ولدك يمووت
هزات راسهت بلا وهي كترجف شدات فولدها لي كان واقف ومصدوم:زييييد نمشييييو زييد هدا راه ايقتلناا يلاه اولدي
يوسف كيلعب بالفردي فيديه:وهادي لي باغي ولدك،يتزوج بيها راه مزوجة وعندها ولد .عائشة مراتي انا لي ولدك باغي يخسر روحو عليها
جليلة كتجر ولدها:استغفر الله العظيييييم ..الله ياربي شهاد الموصيبة جبتي ليناااا..جايبنا نخطبو وحدة بولادها وراجلها
اسامة خرج وهو ،عائلتو ايحماق مافاهم والو
بغة يهضر وهو يقاطعو باه:سسسكت
ركبو فطوموبيل ومشاو
لداخل
يوسف رجع لفردي مور ضهرو وقاد التيشيرط ديالو ودار شاف فالطاهرة واقفة ومصدومة:اخر مرة تدخلي فشي حاجة نتي بعيدة عليها ..المرة جاية شي واحد ايموت هنا دويت
طاهرة شافت فناصر:واش اتبقة كتفررج شوف ولدك اش دااار دوي معاه زاد فيه
يوسف ماتسناش وطلع نيشان للفوق
طاهرة جلسات حداه:عععجبك لحاال يااك عجبك ولدك يتكرفس على البنت..فكرك فيااامك..ولكن ما انخلييهش يديرها ما انخليهاش تجرب داكشي لي جربتو
بغات تنوض وهو يجرها لعندو:و ايلا كان باغيها مراتو
طاهرة:لا هو ماباغيهاش
ناصر :ماشتيش فعنيه كيف كان ..كان قادر يقتلو غير ما يسمعش داكشي..وراه يقتلو لا حاول يديها
طاهرة:هدشي كاامل باش تبقة معاه ويعدبهااا..نسيتي اش درتي لياسين نسيتييي..كنتي باغي غير تعدبني وصاافي
ناصر :مابغيتيش تفهمي..نهار قالهالي ياسين شعلت حيت حسيت بيه ايديك ليا داكشي كامل لي قلت غير كنبرد على راسي حيت بغيتك ليا بوحدي
سكتات وهي كترجع شعرها اللور:ولكن جرحتيني داك نهار
ناصر:حيت انا براسي مابغيتش نعتارف اني كنبغيك وقلت داك الهضرة
طاهرة نزلو دموعها:هي باقة صغييرة اناصر مابغيتش نضلموها فقلب دارنا
عنقها وباسها على راسها:يوسف ولدي وانا كنعرفوو
طاهرة شافت فيه:غتدوي معاه ياك ..واتعرف شنو متحت راسو..باش ايلا كان العكس انا بيدي انطلقو منها ونزوجها
هز راسو باه :وماتبقايش تجبديلي الماضي
هزات راسها باه وهي كتمسح دموعها:ماشي لخاطري
لفوق
حل عليها لباب بالجهد كانت جالسة فوق النموسية يلاه بردات من الخلعة ودابة جاي
عائشة شافت فيه جاي لعندها:داك المدراسة نسااايهاا سمعتيني
عائشة ناضت:علااااااااش قرايتي هديك ..ماشي انا لي قلت ليه اجي خطبني مادخلش شي فشي
يوسف:وحاجة خرا..مانشوفكش قريبة ليه واخة غا بالصدفة حيت ماتصوريش شنو ممكن ندير داك سااع
عائشة:ماكاتهمني لا نت لا هو ..انا بغيت قرايتي
يوسف شدها من دراعها وجرها لعندو:حاولي تزطمي على هضرتي وشوفي داك ساع
زدحها تا تلاحت فوق النموسية .وتم خارج حل لباب
وهي تنوض معصبة:يووووسف
شاف فيها
عائشة:حنا غنطلقووو فجميع الاحوال كيف كنتي باغي..وانا راه لابغيتو راه ماغاتمنعنيش
يوسف رجع زدح لباب تسدات بالجهد وقرب لعندها :عاودي اش قلتي نسمع
رجعات اللور:كيف سمعتي
يوسف من بعد كاع،داكشي لي وقع بيناتهم كتقولو دابة زواج وطلاق جرها من شعرها وقرب وجها لوجهو تاتخالطات انفاسهم:تموتي على يدي وماتزوجيش اعائشة .وراكي عارفاني شحال كنوفي بشي حاجة
عائشة كتشوف فعنيه:لي سمعك يقول كتبغيني ..ونت كتحماق على مراتك ..خليني نعيش حياتي تا انا
يوسف :حياتك اتعيشيها هنااا ..
ودفعها :وهضرتي غتطبق كوني هانية..وغنتفاهمو على انا خووك من بعد
عائشة:شنو بغيتيني نقولو داك نهار انك راجلي ماحملنيش..نت براسك باغي زواجنا يبقة مخبي حتى نتطلقووو
ماجاوبهاش خرج وزدح لباب موراه
عائشة تلاحت فوق النموسية كضحك:هههههههه برافو اساامة جيتي فالوقت المنااسب..هنا غنوريك ايوسف..غنعطيك غا بلباارد
وعنقات لخدية وكدير داك الضحكة الشيطانية
