الجزء 170💔
ليلى بقات غير واقفة ومصدومة حتى كتحس برجليها فشلو شدات فعماد وترخاات كانت غطيح وهو يشدها
شداتها معاه الطاهرة وبدات كتضرب ليها على وجهاا
طاهرة وهي كتبكي على هاد الحالة لي وصلو ليها:ختي واش كتسمعينيي فيقيي ..الله ياربي شهاد الموصيبة،وصلنا ليها
الزاهية:انجيب ليها كاس دلماا
عماد:لا انديها لطبيب
الزاهية:هادشي عادي مامحتاجاش الطبيب غير اتزيد تكمل عليها
شافت فااسيرفوور:ارا اولدي شي كاس دلماا
رشات ليها على وجها وشوية وحلات عنيها
عناد:ليلى واش بيخيير
هزات راسها باه وبدات كتبكي تاني
دور وجهو شاف كلشي كيتفرج هزها ودخلها لداخل
كلشي باقي مصدوم والناس كتفرجيرهم الشخدة ..والصحافة دايرة خدمتها
كانت داخلة هي وياه وقفو وهوما كيشوفو الروينة وعماد هاز ليلى صخفانة ولبكة مافهمو والو..
شافت فيه وخنزرات..امونة..:دابة عجبك لحاال جايين تا لدابة
بتاسم وشاف فيها:بقة فيك لحال حيت ماحضرتيش لدكشي لي وقع
زادت عبسات وجها:حقييير
يلاه ايجاوبها وهي تجي عندهم الطاهرة مزروبة:امينة تكلفي بضياف والصحافة ..قوليلهم سوء تفاهم وصافي وانه ايتحل .هدشي كيوقع فكاع العائلات وفاتي ماعارفاش راسها شكا تقوول...يلاه تحركي شكا تسناي
امونة:ماما ولكن عاوديلي اش واقع
طاهرة وهي غادة:خاص نشوف خالتك من بعد
مشات وخلاتها واقفة حايرة
محمد وهو باقي مبتاسم:ديري خدمتك
ماجاوباتوش كتفكر شغا دير ..هي من طبعها ذكية اكيد اتعرف التصرف
هزات كاس وضربات عليه بمعلقة باش كلشي ينتابه ليها ..اصلا ناس كانو مجمعين فبلاصة،وحدة
امونة:احم سمحولنا على هاد الليلة كنا بغينا نكملوها بشي حاجة زوينة ولكن دوماج هههه..سوء تفاهم وقع عادي كتوقع فكاع لعائلات ..وفاتي ماعرفاتش راسها شكا تقوول ..ووو
قاطعوها الصحافيين لي تجمعو عليها
الصحافي اللول:وداكشي لي قالت لبنت صغيرة دليلى واش بصاح
ااصحافي التاني:هي تاهمات مها انها دارت علاقة غير شرعية مع عماد،قبل الزواج وحملات منو واش داكشي بصاااح
الصحافي التالت:بانت ليا بنتهم ماشي هي هديك حالتها كانت بحال شي وحدة كتعاطى المخدرات واش بصااح
