هزات راسها بشوية وشافت فيه كان مبتاسم وسنيناتو بويض مستفين وسط داك الابتسامة ولحيتو لمطراسة باتقان مزينة وجهوو الوسيييم حواجبو نيفو كيشي سيف مقااد شعرو لكحل كي ليل مرجعو اللور ريحت عطروو ولكوستيم رمادي لي لابس مبين عضلاتو وصدرو لعريض..رجل لي كتحلم بيه اي انثى .رجل ديالها بحدها لي تسناتو هدي سنيين هاهو دابة قدامها خطيبها وزوجها مسقبلااا
يحيى كيشوف فيها ويتأمل وجها لبيض لي المكياج مامغطيش مالاميحها زوينين عويناتها زورق وسط داك الكحول لي زادهم جادبية شفايفها لغووز حنيكاتها المورضين بالحشمة وشعرها الذهبي لبوكلي على كتافها ولقفيطين لي راسم جسمها المنحوت ماضعيفة ما غليضة هي هديك مع الصبور وتمرينات لي كدير ..نزلات عنيها فاش شافت الاعجاب فعنيه والفرحة لي باينة على وجهو هدشي لي بغات ..الزاهية كتزغرت هي وليلى ودينيس كتعاونهم هي وسارة ويصفقووو عليهم..وطاهرة كتمد ليهم لخواتم يركبوهم لبعضهم تحت انضار الجميع كلشي فرحان ليهم ..الا وحدة لي واقفة وكتحس بقلبها كيتعصرر كتحس بشي احساس خاايب اول مرة فحياتها اتجربوووو .احساس جديد عليها كينهش فيها ويقطع فقلبهاا ..داكشي لي حلماات بييه وتخيلاتو فدماغها هاهو دابة قدامها كتعيشو وحدة خرااا..كانت كتسهر ليل تا كيقرب الصباح وهي كتفكر فيه راجلها .وكتحلم باللحضة لي غيجي يخطبها تمنات تكون كتحلم وغتفييق داابة من هاد الحلم لي غيقتلهااا .عائشة لي حاسة بختها قلبها كيتقطع عليهااا مابغاهاش تعيييش هاد اللحضة خايبة بزاف حاسة بيهااا وحاسة شحال خايب هاد الاحسااس وعاد باقة صغيرة بزاف.شادة ليها فيديها ومزيرة عليهاا
عائشة:مريم اجي معايا الله يخليك ماعندك ماتشوفي فهادشي
مريم ماجاوبتهاش ماهيااش فهاد العلاام مرفووعة للفوووق ماعالم بيها غا ربيييي ..فيقهاا من سهوتهاا صوت ليلى لي فيديها صنية فيها جوج كيسان دلحليب وتمر:مرياامة اجي نتي لي اتعطيهم لحليب وتمر حيت ختها صغير
مريم شافت فيها بعينيها لي ولاو حومرة حابسة دموع باش ماينزلوش
الزاهية:مريييم خودي صنية اناري مالكي مبلوكية شدييها واجي
ليلى مدات ليها صنية ..مريم غكتشوف فداك الصنية
ليلى:وا هزيها دغية
هزات يديها لي كيرجفوو وخدات داك صنية وهي كلها كترجف شافت فعائشة تعتقها
عائشة:اريها انا ناخدها عليييك
يلاه اتمدها ليها وهي تجرها الزاهية:زيدي
مشات مع مهاا وفالداخل ديالها كتغوت وتقوول لااا مانقدش
مشات مع مهاا وفالداخل ديالها كتغوت وتقوول لااا مانقدش ..وقفو حداهم وهي عنيها مافارقوهش كيف مبتاسم وفرحان وكيشوف ففاتي بكل حب وهيااام مامسوقش لكاع لي ضايرين بيه ماحاسش بهادي لي واقفة حداه كتشربل هي وقلبهاا
الزاهية:تفضل اولدي شربها لحليب على الله تكون يامكم بيضة كيف لحليب
بتاسم ونزل عنيه وشاف فمريم وزاد بتاسم وهو كيشوف فيها خدا من عندها لحليب:شكرا
ورجع شاف ففاتي وقرب لكاس من فمها:شربي
بتاسمات وشربات من داك لحليب شوية .وهزات لكاس لاخور وشرباتو تاهي لحليب وبجوج مبتاسمين..ونفس شي التمر ..ليلى خدات من عند مرييم الصنية:هزي شربي من كيسان لعرساان باش تانتي نفرحو بيك
مريم لسانها تربط مابقاتش قادرة تدوي
يحيى هز كاس ومدو ليها:تفضلي
شافت فيه وفداك لكاس كيزيد غا يكمل علييها هزات يديها بشوية وخدات داك لكاس شربات جغمة هبطات فحلقها كيشي سم مابغاتش تبلع بسيييف باش سرطاتها ورجعات لكاس للصنية
شافت المصور كيدير ليها اشارة باش تقاد يصورها معاهم
فاتي:مرريم تقادي تصوري معانا
شافت فالكاميرا منين غتجيب هاد الابتسامة وهي جنازة نايضة فلداخل ديالها ..المصور صورهم ..ورجعات شافت فييه كيف غياكل فاتي بعنييه ..حتى كتشهق بليد لي تحطات على كتافها كانت عائشة:اجيي
مابقاتش قادرة تزييد تصبر تبعات ختها وهي كتنفس بالجهد تخنقاات .رجليها كتحس بيهم فشلو مابقاتش قادرة تزيد لقات غا الكوزينة دخلات ليها عائشة تنهدات وتبعاتها
مريم حمدات الله لكوزينة خاوية وقفات كتشوف فالارض كتستوعب هدشي لي هي فيه..عائشة سدات لباب ووقفات حداها
مريم شافت فيها نزلو دموعها حارين على خدهااا:ختيي حاسة بقلبي كيتقطع
عائشة عنقاتها كتبكي معاها حاسة بيها همسات ليها:صافي نساايه
مريم زيرات علييها ماعارفاش شغا ديير باش يبرد ليها قلبهاا بدات كتشهق بصوت مرتافع:صعييبة علياا اختييي صعيب بزااااف
عائشة مسحات دموعها وبعدات وشدات ليها راسها بين يديها:سمعينيي امريم نسااايه هادييك راها ختك سمعتيينيي نسااايه ماعندك ماديري بيه صافي
مريم بصوت بتكي وكتهز راسها بلا:صعييييب واش عارفة شنو معنى بغيتو من اول نهار شتو واش عارفة شنو معنى نبات ونصبح كنفكر فيه ونتبعووو فين كيمشي وفين كيجي صعييبة عليااا اختيي قوليلي شنو نديير قوليلي شي حاجة نبرد عليااا هاد لعافية لي فقلبيي
ورجعات اللور كتهضر بحدهااا:واااش خاص نموووت ياكيي
ودورات وجها لقات غا واحد لموص هزااتو:نقطع قلبي بيدي ومايتقكعش بهاد الطرييثة
عائشة حطات يديها على فمها شهقات:لااا امريم حطييييه لااااا
مريم كنبكي ماعارفاش شكا تقول ولا شكا دير:غنمووت اختي مافييهاااش
عائشة حاضية غا داك الموص قربات لعنده:ختيييي حيديه من يديك عفاااك ماتخلعينييش ماشي هكااا كيتحل
مريم:علااااش انا علاااااش ياربي ملي ماغايكونش لياااا لاش جا فطريقييي لاش دخل لحياتي قلبي
عائشة مخلووعة ولات كترجف:ستغفرييي الله ونعلي شيطان عطيني داك الموص
مريم رماتو فالارض بالجهد:علااش اختيي هدشي صعيب عليا
عائشة قربات لعندها وعنقاتها :صاافي اختي كلشي فيدووز ماديريش هاد الحالة فراسك راكي مازال صغير
مريم غا كتبكييي حتى كيقفزو فاش تحلات لباب شافو فلباب كانت الخدامة..مريم حنات راسها عاضة على شفايفها:نطلع الفوق
خرجوو وهوما يتلاقاو ليلى:علييكم كنقلب فينكم
مريم كملات طريق
عائشة كتلاهي ليلى:كنا فالكوزينة ياك لاباس
ليلى:اجي معايا بغيتك
مشات معاها وهي كتلفت تشوف ختها..مريم لقات لحمام قدامها دخلات ليه وغسلات وجها كترش عليه لما وتعااود كما على الله تبرد هزات يديها كتشوفها كترجف ودموع مابغاوش يحبسو وداك الاحساس مازال كينهش فيها كيطعن فيها ..تنهدات مسحات وجها بقات شحال مابغاتش تخرج ويتلاقها شي حد ويشوفها فهاد الحالة ويزيد يكملو عليها خرجات من الحمام كتشوف فالارض حتى كدخل فشي حد علات راسها وهي ترجع اللور كتشوف فيه.بقة كيشوف فيها ميل راسو:ياك لاباس
ماقدراتش تجاوبو كيزيد يفتح ليها جروحها
قرب لعندها وحط يديه على كتافها تاحس برجفتها:ياك لاباس
مريم هزات راسها بلا:والو ماكانشربش لحليب
فهم وهز راسو باه:وعلاش شربتيه
حنات راسها حابسة دموعها:سمحلي
بغات تمشي وهو يجرها من يديها لعندو تا شهقات..
بغات تمشي وهو يجرها من يديها لعندو تا شهقات...شافت فيه لقاتو مبتاسم فلحضة مشا بالها لبعييد حتى كينطق:فهمت دابة لاش كنتي كتجي دوزي من حدا داري ولقاك حدا شريكة
هي غير كتشوف
كمل كلامو والابتسامة مازالتش من وجهو:باينة فاطمة الزهراء هي لي صيفطاتك تشوفيني شكا ندير ياكي وانا كنقول علاش كتراقبيني ساعة هي لي مصيفطاك دابة ماعندك لاش تراقبني هنا وليت من العائلة
عضات على سنانهااا هدا حالف تايقتلهااا هزات راسها باه:اه
رجع اللور:عقبال نزوجوك تانتي
بالسيف عليها بتاسمات ليه:سمحلي عفاك
وكملات طريقها غتنفااجر دموعهاا بداو كينزلوو تانييي بالجهد طلعات كتجري فالدروج تا وصلات لبيتها دخلات وتلاحت فوق النموسية كتبكي بحرقة ومعنقة لخدية كتبكي وتشهق وتقوول علااش ياربي جاتها صعييبة بزاااف وصورتوو بين عنييها كتحس براسها اتحمااق عضات لخدية بسنانها تا قطعااتها بالجهد ولات كلها عرقااانة باغة تغووت ربي لي خلقها دير شي حااجة المشكلة ايتزوج بختهااا تا لابغات تنساه ماغاتقدش وهي اتبقا تشوفوو ديمااا .دابة خاص تحيدو من قلبها واخة وعرف تحيد قلبها من بلاصتو وتزطم علييه...
نهبطوو لتحت
كانت واقفة متكية على الحيط وكتشوف فالارض حابسة دموعها وهي كتفكر فختهاا وفحالتها باقة صغير والمراهقة صعيييبة جربات تاهي هاد الفترة وعاشتها ماكاين ماصعب منهاا تنهداات وهي كتفكر فاش هزات الموص ختفت ختها دير فراسها شي حااجة....مانتابهاتش للعنين لي مراقبينها من قبيلة ..وقف وقرب لعندها حط يديه على خصرها علات راسها وشافت فيه بعويناتها دابلين :مالكي
عائشة نزلات راسها:والو
يوسف:دوي مالك شوفي وجهك كيف مخطوف
عائشة:قلتلك والو غا عيانة
عرفها مااغادويش جرها من خصرها معاه للجردة وهي غير تابعاه وقف وشاف فيها:مالكيي
بقات كتشوف فيه وهي تنفاجر بلبكااا وتشهق مافهم والو نحنا لعندها كيمسح فدموعها:مالكيي وتش قلقك شي حد ..دواك مع شي حد
هزات راسها بلا وهي كتبكي:لااا
حطات راسها على صدرو كتبكيي:يووسف انا خايفة بزاف
مسح ليها على شعرها:دابة اش واقع قوليلي
هزات راسها وشافت فيه وبصوت باكي:ختي ايوسف ماعرفتش شنو ندير باش نعاونهاا غاضييع منا لما درناش شي حاجة
يوسف:حبسي من لبكا وعاوديلي
مسح ليها دموعها بيديه..بلعات ريقها وبدات كتعاود ليه كلشي وهو كيتصنت.
عائشة:طليفونها عامر غا بتصاوروو وداتبة عليه حياتي وتمشي تراقبو حدا دارو وحدا السريمة وتعيط ليه بلبريفي عرفتي حالتها ثعيبة ايووسف قولي شنو نظير
مسح على راسو وهو كيتنهد
كملات:خايفة دير فراسها شي حاجة
يوسف :لا ماتخافيش دابة نشوفو شنو نديرو
عائشة:يوسف انا راه خايفة علييها
باسها ليها راسها:ماغايوقع والوو خلي دوز هاد ليبة على خير ولي جاي غنحلوه
هزات راسها باه:زعمة
هز راسو باه:ماتخافيش
تنهدات:كون تشوف حالتها ايووسف مابغيتهاش دوز من هدشي وهي باقة صغيرة لا وقعات ليها شي حاجة نحماق مافيهاش
يوسف:هي باقة صغيرة وهدشي عادي مع الوقت غيدوز
عائشة:ان شاء الله ياربي
يوسف:اجي ندخلو دابة
شد ليها فيديها دخلو لداخل لقاوهم كيهصرو فتفاصيل
يحيى:احم سمحولي عندي شي حاجة بغيت نقوبها
كلشي شاف فيها كمل كلامو:العرس بغيتو يكون فالسيمانة الجاية .وبغيت نديرو ففليسطين كتبقا بلادي وعندي ناسي تماك بغيتهم يفرحو معايا داك ساع لا بغيتو نديرو عرس تاني فالمغرب ماعنديش مشكل
عماد:ماعنديش مشكل اشنو بان ليك ابنتي
فاتي:لي درتوه هاني معاكم
عماد:ايوا الله يكمل بلخيير
بداو كيحددو موعد العرس بالضبط ويهضرو فتفاصيل ويتافقو على الباقييي
فجيهة خراا
كانت كتسوط طموبيل وقفات بيهم وطليفونها طفااا وزيد تا شيفور طليفونو طفا ماعرفاتش مال هاد العكس..واقفة كتشوف فشيفور كيحاول يصلح الطموبيل قربات لعندو:واش مازل
الشيفور:هنا كنحالو معاها
نرجس تنهدات كتشوف فطريق خاوية وضلام شكون ايعاونهم وطموبيل لي كدوز ماكاتشوفش مع جنابها ..تكات على الطموبيل معصبة
كان سايك راجع للدار كان مسافر حتى كيشوف من بعيد طموبيل واقفة فالجنب وشي وحدا متكية عليها خفف السرعة كيشوف فيها حتى فاتهم بقة كيشوف من زاجة لي قدامو عرف طموبيل خاسرة ليهم ..رجع ماشاريان لعندهم تا وقف حداهم ونزل زاجة:ياك لاباس
نرجس:خسرات لينا الطموبيل
نزل :علاش مالها
شيفور:ماعرفتش من صباح وانا معاها كنحاول
علا كمام القميجة ديالو بخفة:انشوف
الشيفور رجع اللور وهي قربات كتشوفو شغا يدير..بدا كيختشف فلبياس دطوموبيل شي ربع ساعة علا راسو وشاف فالشيفور:دور الساروت
الشيفوى مشا دور الساروت حتى كديماري الطموبيل..بتاسمات:الحمد الله شكرا بزاف عدبناك شحال من واحد داز ماداهاش تا فينا
قرب لعندها وهو مبتاسم:هانية حشومة نخليكم فطريق ماجاتش
نرجس كتافات بابتسامة
بقة كيشوف فيها ماعرفش فين شافها عاد نطق:نرجس ياك
هزات راسها باه
بتاسم:ماعقلتيش عليا
نرجس كتشوف فيه :لا
ميل راسو:كريم المجاهد
بقات شحال عاد عرفاتو:هاااا كريييم المجاااهد هدا نت
هز راسو باه:ملي تلاقينا ففرنسا ماوليت شتك
رجعات شعرها اللور:نت غبرتيي
كريم:كنت عايش فامريكا عاد جيت هادي ربع سنين للمغرب وستاقريت فيه
نرجس:اه مزيان
كريم:ونتي اشنو درتي
نرجس نزلات راسها:والو كملت قرايتي ودابة كنوجد لمشروع خاص بيا خدامة عليه
كريم:مزيان ماتزوجتي ماوالو
نرجس:قصة طويلة
كريم :صافي باينة مزروبة تانوليو نتشاوفو
بتاسمات:ان شاء الله يلاه نخليك
سلمات عليه يلاه اترمب فطموبيل وهو يوقفها صوتو:-زيانيتي تبدلتي على اخر مرة شتك
شافت فيه وبتاسمات:شكرا
وردبات وديمارا ااشيفور طموبيل بقة واقف وهو مبتاسم وتم غادي لطموبيل ركب ونطق:نرجس صدفة زوينة
وديمارا وهو كيتفكر فاش تلاقاها ففرانساا كانت باقة صغيرة يلاه بنت 16 تلفات ففرانسا وماعرفاتش كيف ترجع للاوكيل لي كانت فيه حتى كيتلاقاها كتبكي وسولها مالها وبالصدفة كان نازل فنفس الاوطيل وصلها تا للاوطيل..ايوا طول المدة لي بقاو فيها ففرانسا كان كيتلاقاها ومرة مرة كيساريها ففرانسااا من بعد رجعات هي للمغريب بقة بيناتهم طليفون كيهضرو هادي حتى نقاطعات اخبارها ونمرتها مابقاتش خدامة...
