💔اجزء183💔
نزلو للجناح ودخلو..بعدات عليه وحيدات لبينوار:اووف الصهد
بقة واقف وكيشوف فيها طلوعا ونزولا
شافت فيه:الوجع ماعرفتش مناش
قرب لعندها وجرها من خسرها:علاياش كتقلبي
عرفاتو عاق بيها همسات ليه:عليك
دار ابتسامة جانبية بحاليلا كيقولها من نيتك
هزات حاجبها:اه بغيتك..ولكن ماشي فداكشي لي فبالك
بعدات عليه وعطاتو بالضهر وهي كترجع شعرها اللور تاتضرب مع خصرها..وكملت كلامها كتمشة وسط لجناح :بغيت نوضعو حد لهدشي لي بيناتنا
قربات عند هارن وتحنات لعندو وباستو على راسو غير بشوية .بطريقة شبه محلونة كتلعب ليه على الوتر الحساس..تقادات فالوقفة ودارت بكامل جسمها لعندو وهي حاطة يديها على خسرها:بغيت نفهم انا وياك فين غنوصلو كتقولي ديري عقلك..واخة..ادن شغا يوقع لادرت عقلي اترجعلي حقي وولدي .
كان غير واقف وكيشوف فيها هاد البنت ماكاتفهملوش لحد الان مازال ماعرفش اينا وحدة فيهم..واش عويشة صغيورة ديال سبايستون..ولا عويشة مولات المشاكيل وزبايل لي كتلعب ليه على اعصابو ..ولا عويشة الجدابة الفاتنة .لي كتجدبو.وكتصرف بكل انوتة لي كتغري رجولتو.وذكية وفنفس الوقت شرسة ومراوغة
مافهمش شمن صنف ايصنفها
قرب لعندها وهي لسقات مع لحيط قبل يوصل ليها وحطات يديها على كرشها بحاليلة كتفكرو فلبي بي لي فكريشتها:ماجاوبتينيش
حط يد على الحيط قريب ليها وليد لوخرا على خسرها:شنو جاك فهاد الليل
بقات كتشوف فيه بعويناتها:جاوبني لادرت عقلي واش اترجع ليا ولدي
يوسف متبع حركات شفايفها:ولدك معاك
عائشة:يوسف ..كندوي على الوراق
يوسف حط صباعو على شفايفها:ششش..نتي دابة ماعارفاش راسك شكا تقولي ولحد هاد اللحضة بااضبط لي كتقولي فيها اندير عقلي مازال عقلك طاير فالسما..شتي واخة تنطقيها بفمك وتقولي اندير عقلي .ماغا نتأكد تانشوف بعيني
بعد صبعو من شفايفها وكمل كلامو:انا لكلام ماكايهمنيش وماكاياكلش دماغي
قرب تا لوجها:كنبغي تطبيق اعائشة..كنبغي راحت لبال.وانا لحد الان مازال مارتاحيت لتصرفاتك.
حط صبعو على راسو:دماغي حفة فهادشي وعارف شي حاجة فدماغك كدور باغة ديرها وعارف ماغاتعجبنيش..ونتي عارفة شكا يتسناك لادرتي شي حاجة لي غتخليني نكسيري
كانت غير كتشوف فيه بحاليلا كيقرا افكارها بحاليلا كان فحيوار بينو وبين افكارها ودماغها بلعات ريقها بغات تهضر وهو يقاطعها:ماتقوليش شي حاجة نتي ماقاداش بيها.تصروفاتك وعقلك الطايش كيتحكمو فيك..نهار تبداي تحكمي فراسك وطيشك.اتكون هضرا خرا وانهضرو بالعقل
عائشة:عمرك اتفهمني وعمرنا انتفاهمو بجوج انبقاو ديما هكا.انا كندافع على راسي ونت كتعاقبني
يوسف:فين عمرك دافعتي على راسك نتي كتغرقي راسك وكطيحي معايا بالخايب.راجعي افكارك.وكبري دماغك شوية.راكي ام لجوج ولاد دابة
عائشة:ونت داير راسك فوحدة يلاه عندها
17لعام
يوسف قوس حواجبو:سبعطاش وخشات راسها فشي حاجة كبر منها ادن تحملي لي غيجيك.
بقات كتشوف فيه غلبها بالهضرة نزلات راسها ونزلو دموعها وبدات كتبكي شوية بشوية ترفع صوتها .بدات تشهق وتبكي
تنهد وهز ليها راسها لعندو وجها كلو حمر وعنيها دامعين..هاهي رجعات عاود لعويشة صغيورة دسبايستون:لاش لبكة
عائشة:حكرتي عليا ايوسف ..حكرتي عليا
وحنات راسها وبتاسم عارف الحمل كيزيد يكمل عليها:اجي هانتي اتفيقي يوسف
هزات كتافها:خليه يفيق ماسوقيش
يوسف جرها معاه ودخلو للصالة لي فلجناح وهي مازال كتبكي.بعدات يديها من يديه:ماتقيصنيش ايوسف بعد مني ماحاملاش نشوفك قدامي
ودورات وجها كتمسح فدموعها
يوسف جرها معاه ودخلو للصالة لي فلجناح وهي مازال كتبكي.بعدات يديها من يديه:ماتقيصنيش ايوسف بعد مني ماحاملاش نشوفك قدامي
ودورات وجها كتمسح فدموعها لي مابغاوش يحبسو:صافي خليني عليك وسير عند مراتك..انا وياك عمرنا انتفاهوو..انبقة ديما برهوشة وعمري غنتبدل
شافت فيه بعويناتها دامعين:انبقة هكا سمعتيني
قرب لعندها وهي كتبعد:ماتقيصنيش
زاد قرب وزادت بعدات حتى كيشدها من سوميج لي لابسة من جيهت الصدر جرها منها تبان نص دصدرها ولصقات مع صدرو العاري لعريض بلعات ريقها:واش ماغاتسكتيش
عضات علا شفايفها كتحاول تحبس دموعها وبصوت باكي:بعد عليا.مابقيت بغيت نسمع منك والوووو..مابغيتش حتى نشووفك صافي خرج من لهناا رجع عندها هي لي كتفهمك وتفهمها..وهي لي كبيرة وواعية انا غا برهوشة
هزات يديها بجوج وبدات كضربو:خرج سيرر عندها..وبعد منيي انا غا برهوووشة طايشة بععد مني
كتبكي وتهرنن والضرب فيه وتقمش ..حتى قصحاتو فبلاصة الجرحة شد ليها يديها بجوج:صافي اعائشة حبسيي
كتنتر منو وتلوة وتبكي:رخيي مني سير مابغيييتش نشووفك ..رخييي منييي
مخرج فيها عنيه كيشوف هاد الحالة الجديد عاود فهاد ليل شهاد النفسية لمزفتة..تنترات منو..بغة يرجع يشدها وهي تعضو من يدو على حر من جهدها كتبرد فيه اعصابها ووحمها وغضبها وكاع داكشي لي كتحس بيه فالداخل..تا حسات بسنانها تلاقاو والدم تجمع ففمها ولحم غيطير من بلاصتو ..بعدات سنانها من يديه وشافت فيه كيف كيشوف فيها بجمود..ورجعات شافت ليه فيديه كيف معضوضة ودم كيسيل منها وسنانها مطراسين تماك ..مسحات فمها ماعرفاتش كيف دارت وصلات لهاد الحالة ..وكيف كانت متلددة وهي عاضاه وماقدراتش تقاوم سنانها هدشي جاها فشكل ..بلعات ريقها فاش هز يديه وشاف فبلاصة لعضة كيف كتنزف .وصدرو كيف مقموش بضفارها..رجع شاف فيها ببرودة:رتاحيتي دابة
هزات راسها باه وهي كتلهت ..ماتنكرش انها رتاحت فاش عضاتو ماحسات براسها تا جرها لعندو بالجهد وشد ليها يديها ..هضرات بخوف:يوسف شغا دير
دوز لسانو على سنانو بخفة وماجاوبهاش..فنفس لبلاصة فين عضاتو هو ..عضها تاهي تا غوتات من شدة لحريق..زير عليها وهي كضربو على كتافو وهو ماناويش يرخيها ..حسات بلحمها كيتقطع من بين سنانوو وعيات ضرب فيه وتغوت او والو..حتى بعد..وشدات يديها عندها كتبكي:شنووووو درتيييييي
شافت فيديها وشهقات دم وسنانو مطراسين رجعات شافت فيه مازال كتحس بالوجع
قبل تهضر .قاطعها:باش تعقلي عليها مزيان وعمرك تحاولي تعاوديها
جلسات فوق لكنابة وجامعة يديها لعندها:كنكرررررررهك بزاف ايوسف
وغطات وجها بيديها وهي كتبكي
خرج من صالة ودخل للشمبر حل لمجر وجبد لباكية ديالو وخرج للاتيراس شعل واحد نتر منو جوج نترات متابعين وساط دخان وعنيه على العضة لي فيديه بلا مايحس بتاسم بتسامة جانبية دغية ختافات مع معالم وجهو الصارمة..قرب يديه لفمو وباس لبلاصة فين عضاتو ..عارف هاد لاطراس اتبقة ديما فيديه وتاهي اتبقة ليها ديما فيديها..وعارف انه حرارة الوحم هي لي سيطرات عليها ..
سلا سيجار رماه فالهوة ودخل تاني للشمبر ..هارون باقي ناعس..دخل عندها لصالة لقاها خارجة من لحمام كتمسح فمها عرفها كانت كترد وكتمشة غير بشوية دوخة شاداها..تكات فوق الفوطوي وحطات يديها على كرشها بلا تاشي كلمة..بقة كيشوف فيها مغمضة عنيها وكتنفس بهدوء بحاليلا كتسترجع انفاسها وجها تخطف ودبال ..قرب لعندها وتحنة على ركابيه لعندها حط يديه فوق يديها لي على كرشها:نمشيو لطبيب
هزات راسها بلا:غير بعد مني
زير ليها على يديها:كندوي معاك .حبسي هاد المرض وقوليلي واش نمشيو لطبيب
حلات عنيها وشافت فيه:لا فاش كنرد كتشدني الدوخة .من بعد كنرجع كيف كنت ..
ماجاوبهاش ناض وخرج وخلاها متكية ..تنهدات ورجعات غمضات عنيها كتحس بدنيا كدور بيها بقات شحال حتى كتحس براسها رتاحت شوية حلات عنيها وناضت جالسة شافت فكرشها:ايمتى تانت نشدك بين يديا
وباست يديها وحطاتها على كرشها بحاليلا باستو ..تنهدات ودورات عنيها مابانش ليها ايكون مشا
عائشة:حتى كيفقصني عاد كيمشي..خليه يمشي لعندها هي لي تصلاح ليه
رجعات راسها اللور ويديها على كرشها جاها الجوع بزاف من بعد ماردات..ناضت وخرجات للشمبر كما على الله تلقاه والو ماكاينش خرجات لاتيراس ماكاينش..تنهدات وجلسات فوق النموسية :على سبة خصو غا فوقاش يمشي
عضات على شفايفها:فيااا الجووع ياربي
ناضت ولبسات بينوارها وصندالتها وحلات لباب وهبطات للكوزينة شعلات الضو خاصها شي حاجة تاكلها..حلات التلاجة مالقات تاشي حاجة واجدة تكلها بالحق كاين بزاف ما يتوجد ولكن ..ماباغاش تاكل لماكلة ديديها ماغاتقدش تاكلها غتردها مافيهاش الشك
جلسات فلكرسي وحطات يديها على وجها وبدات تاني كتبكي بالجوع ..جاتها قهرة فيها جوع بزاف وكلشي ناعس ماتقدش تفيقهم وتقلهم وجدولي ناكل ..عضات صبعها بالجهد وبعداتو على فمها دغية فاش تقصحات..وبصوت باكي:ياربي شهادشي واقعلي ياربي حاسة براسي غنفاجر وجوع ايقتلني.. بزاف على هدشي..ماحسيتش بيه فهارون..ياربي فيا جوع
وحطات راسها على طبلة كتبكي..حتى كتحس بشي حد دخل للكوزينة هزات راسها بالزربة شافت فيه بعنيها دامعين بحال شي بينية صغيرة ونطقات:فين مشيتي وخليتيني بوحدي حرام علييييك
مافهمش مالها تاني..قرب لعندها:مالكي
وقفات وقربات لعندو كتهضر وكتبكي:كنتي على سبة دغية مشيتي ايووسف حرام عليك
حطات راسها على صدرو وهي كتبكي
حط يديه على راسها ودفن صبعانو فشعرها وبدا يحركهم بشوية:صافي هنا معاك..شنو واقع
عائشة وراسها على صدرو مازال كتبكي:فين كنتي
يوسف:دابة قوليلي مالك
عائشة:قوليا فين كنتي
يوسف:فالجردة
زادت فالبكة وحاطة راسها على صدرو بسيف باش شادة راسها باش ماتعضوش عضات على سنانها بالجهد حتى كتحس بيه بعدها عليه ورجع ليها شعرها اللور:قوليلي مالك
عائشة كتحاول ماتبكيش:فيا جوع بزاف ايوسف
