كان كلشي واجد تا من الصحافي جا
طاهرة:ايكون فالطريق
امونة:تعطل
طاهرة تنهدات:على الله مايكون واقع والو
اكرام:ايكون تنادم معاه لحال باينة
طاهرة:اكراام وجه الله ما حيدي من قدامي..عر فتي شنو انا لي انوض
وناضت وخلاتها جالسة
امونة:عجبك الحال
هزات كتافها وناضت:وانا مالي
وطلعات الفوق وهي كتندب:ما عرفتش شغا ندير ..بابي لي قلت ليه ماكايديروش وماكايسمعش لياا لهاد الدراجة كيبغيها..
ودوزات النمرة دلخدامة:الووو..درت داكشي لي قلتيلي وجبدت ليهم داك ليلة وماداوهاش فيا..وبغيت نجمع داك الحقيرة مع امين وماسمعاتليش خلاتني كندوي ومشات...حتى امين كنجبد ليه الهضرة على طاهرة كيميك ..فكري فشي حاجة
الخدامة:ماماك لي ماماك ماقدراتش عاد انقدرو انا وياك..راه السي زعيم كيموت على مراتو صافي نساي عليك هدشي..عمرو يوقع داكشي لي باغة
اكرام:اوووووف..ناصر مستحيل يبقة مع طاهرة انا بيدي انفرقهم..ناصر لا ماكانش لماما راه غيكون ليا انااا
وقطعات وهي كترجف:بزاف على هاد الحووب
سمعات شي صوت موراها:اه قوليلي كتبغي الزعيم ..
ضارت وهي مصدومة بلعات ريقها
بتاسم:هدشي مجهد عندك كتبغي راجل كبر منك مزوج وولادو كبر منك..نتي راك حمقة
قربات لعندو:كتصنت علياا
ضحك:نتي لي كتهضري بطريقة اجيو سمعوني
رجعات شعرها اللور:بعد مني امهدي هدشي ماسوقكش فيه
بغات تمشي وهو يشدها:فين غادة ازين..عاوديلي اش هاد لحماق كديري
تنترات منو: بعد منييييي
ومشات كتجري
بقة واقف:هادي قصة جديدة..كنت عارف اللعب مع هاد الزعرة غيسلينيي
ومشا كيضحك:شريرة هاد اكرام ..ماساهلاش
فالبيت
عائشة:باينة ضحك عليا وانا دايرة راسي فيه..ماكايجاوب لا فطليفون..لا والو
سارة:صبري اصاحبتي
عائشة وقفات حدا لمراية :انا لي حمقة ديما كنتيق فيييه
سارة:تسناي نجيب ليك لمااا عنداك تبكي وتخسري لماكياج
وخرجات وخلاتها
عائشة كتشوف فلمراية:ماغانسمحلوش هاد المرة لا دارها
سهات حتى كتحس بلباب تحلات :اجي حيدي معايا هادشي ..تيقت راسي بزاف
دورات وجها وهي تلقاه قدامها كيشوف فيها من لتحت لفوق ..بقات مبلوكية نطقات بصوت هامس:يوسف
هز راسو باه وهو كيقرب لعندها كيدقق فكاع تفاصيلها:اه
وقف اونفاص معاها:مالكي
عائشة:يحسابلي ماغاتجيش
يوسف حط يديه على خسرها:علاش
عائشة:ماعرفتش..علاش تعطلتي
خشا يديه فجيبو وجبد واحد لبواطة:عمري خلفت بالوعود ديالي...على قبل هدا تعطلت
وحلو اونفاص معاها بتاسمات وهي كتشوف الخاتم الالماس لي فيها شافت فيه:زويييين بزاااف
خدا ليها يديها وخشاه فصبعها وباس يديها فوق الخاتم:ماتحيديهش
بقات كتشوف فيه فيديها فرحانة بزاف قرب وباسها على راسها:جيتي زوينة..اميرة ديزني
شافت فيه وهي مبتاسمة:شكراا
طاهرة دقات وحلات لباب:كلشي واجد خاص تهبطو
شاف فيها:تعلمتي دقي لباب
بتاسمات:كون تحشم ونزلو
ورجعات سدات لباب ..جبد شي وراق ومدهم ليها .عرفاتهم ديالاش ..شافتهم كلهم موقعين.حاسة براسها غا كتحلم..حلات لمجر ووقعات تاهي..وشافت فيه:ماتصورش شحاا فرحانة
قرب لعندها وباسها على شفايفها:وغتبقاي ديما فرحانة
وجرها باش ينزلو
قربات ومسحات ليه اتار لعكر من شفايفو:دابة مزيان
شد ليها فيديها ونزلو ل لاتيراس
كان كلشي مجموع فلاتيراس
غير شافهم بداو كيسفقوو .وصحافي كيصور داكشي لقطة بلقطة..شرحو ليه انهم ماكانوش باغين يعلنو زواجهم لاسباب خاصة ودابة جات الفرصة يعلنو زواجهم ويبينو ولدهم..كان كلشي فرحان ..
دينيس خدمات اغنية لي كتعجبها وجرات عائشة ولبنات يشطحو فالوسط...يوسف دور وجهو وهو يشوفو ..ماردليهش لبال .لي عصبو كيف كيشوف فعائشة وهي كتشطح مع لبنات وتغني..قرب لعندو :بان ليا ماكاتعلمش
جعفر بتاسم:انا دابة،وليت صديق العائلة عصام ولا بحال خويا..ونت ماعندك تاشي دخل..
يوسف:من تالي قولي شنو باغي.ولاش جاي لهنا انا كنعرفك مزيان كتر ملي كتعرف راسك..
جعفر:باش كتعجبني كتفهمني..بغيت غير نقولك من اليوم اتبقة تشوفني بزاف..حيت باغي نرجع داكشي لي خديتي ليا
يوسف جرو من دراعو وخرجو من لاتيراس وشاف فيه:ماسمعتش مزيان
جعفر علا حاجبو:غنرجع داكشي لي خديته ليا
يوسف دار ليه ابتسامة استهزاء وقلب وجهو لجيهة لوخرا وهو كيدوز يديه على شعرو ..مع الدورة كيجمع معاه بكروشي تا طاح فالارض وتحنة لعندو وزادو اخور تا سال ليه الدم من فمو وشدو من الكول وخلاه يوقف وهو مزير عليه:ادن موتك اتكون على يدي لا قربتي ليها
جعفر بقة كيضحك بصوت مرتافع:هههههههه اانا ماعندي مانخسر ..نت لي اتخسر بزااف ايوسف..من يامات الجامعة فأمريكا ونت ديما كتاخد داكشي لي باغي وكدير غير لي فراسك..وكتوصل لداكشي لي فراسك..ولكن دابة غنبين ليك العكس
يوسف دفعو تا طاح فالارض:مزيان ملي كتعرفني..وراه لحد الان مازال كندير داكشي لي فراسي..وكيف قلت ليك شحال هدا ..لا كان شي واحد ايقتلك شي نهار راه انا..وجرب اجعفر وحاول تقرب لجيهتها كنقسم ليك روحك اتخرج على يدي
ومشة وخلاه طايح فاللرض بدمياتو
جعفر ناض وهو مبتاسم دخل لاقرب حمام غسل وجهو من دم ومسح بالفوطة شاف فالمراية:كلشي ولا قريب دابة
وخرج رجع للاتيراس..
عصام:مالك فوجهك
جعفر:دخلت فلباب هههه
عصام:بدة ترد لبال اصاحبي مازال ماحتاجينك
جعفر:كون هاني
ليلى كانت واقفة هي ودينيس ومعاهم يوسف وطاهرة وناصر كيتفرجو فعائشة وسارة ومريم مازال كيشطحو فرحانين
ليلى مشات وجرات عصام يوقف معاهم: عقلتيو شحال من مرة كنت كنقول ايلا رجع ليا ولدي ماغانلقاش ماحسن من دينيس تكون مراتو
دينيس تزنكات مسات بقلبها غيطير فهاد اللحضة ..شافت فيه لقاتو كيشوف فيها
يوسف ببرود:هدشي كان غا ضحك..حنا راه فالواقع.ودينيس مازال صغيرة على زواج يشوف شي وحدة خرة لي تناسبو
ليلى بقات غير كتشوف مصدومة
عصام بابتسامة:وانا ماطلبتهاش منك ..نهار نجي ونقولك بغيت نتزوج بختك قول هاد الهضرة..كي قلتي هدشي غير ضحك ودينيس بحال ختي..حتى تشوف لختك لي يناسبها
ومشا وخلاهم كيشوفو
دينيس بقات غير مصدومة حسات بسطل دلما تكب عليها وبحال شي ضربة قوية جاتها للقلب نيشان.زيرات على كسوة ديالها شوية،وتقطعها هزات راسها شافتو واقف مع مهدي كيضحكو عادي ..بلعات ريقها حاسة بالدنيا ضارت بيها
داز الوقت
حطو لعشة..تجمعو على طبلة طويلة كيتعشااو فصمت وصوت موسيقى هادئة خدامة..كانت جالسة جسد بلا روح ماكاتاكلش هضرتو مازال بين ودنيها ..نزلو دموعها مسحاتهم بالخف..شافت راسها غير اتزيد تعدب..ناضت:سمحولي
وطلعات نيشان للبيت تلاحت فوق النموسية كتبكي ..ماتوقعاتش هدشي منو كااع
لتحت
سلاو لعشة ..
عائشة كانت شادة هارون نعس:نطلع نحطو فبلاصتو
طاهرة تبعاتها يلاه اطلع فالدرو وهي تشدها:اريه يبات معانا ونتوما غا طلعو رتاحو
عائشة:لا اخالتي غا خليه معايا ..ماغايدينيش النعاس بلابيه
الطاهرة:تاتنعسي بعدة..تي اري الولد وطلعي
عائشة عاد فهمات بلعات ريقها:احم ولكن
الطاهرة خدات هارون:ودابة طلعي
حنات راسها وطلعات للبيت سدات لباب وبقات واقفة كتشوف فالناموسية فوق منها واحد سوميج فلموف توبها دلحرير ..هزاتها كتشوف فيها زوينة واصلة لنص لفخاد وتاصدر نص فيه مشبك وغا خويطات من لكتاف بحاليلا مالابسة والو..ومعاها بينوار بنفس الطول..وقفات حدا لمراية ماسخاتش تحيد الكسوة عاجباها بزاف..وحتى هو من عنيه باينة عجباتو عليها..ختارها حيت عارفها اتجيها زوينة..بتاسمات وحيدات الكسوة بقات صولو ولبسات سوميج على زبيطة ولوات عليها لبينوار واخة ماساتر والو ..هزات لعطر ورشات على راسها كتر من مرة ..مسحات لماكياج كلوو .ودارت قلوس كيلمع فلموف فنفس لون سوميج..وطلعات رموشها بلماسكارا وصافي...دخلات للحمام عمرات لبانيو بلما،دافي وحطات فوطة وخرجات هزات لكسوة مطاتها فوق الكنبات ..ورجعات وقفات حدا لمراية كتشوف فراسها..وتعاود ترش لعطر ..دورات وجها فاش شافتو داخل وقف حدا لباب وهو كيسدها برجليها..ميل راسو كيطلعها ويهبطها مزيان..زادت دارت لعندو بكامل جسمها المغري وتلعب بخصلات شعرها..كان هاز فيديه قرعة دلويسكي وكاس قرب لعندها ...
عائشة:وجدت ليك لحمام
جرها من خسرها معاه وجلس فوق الفوطوي وحط لقرعة فوق الطبلة وجلسها حداه..حيد سوميج ورماها حداه بقة بصدرو عريان وشاف فيها:شنو قلتي
بتاسمات :لحمام واجد
بتاسم وعمر كاس وشربو فدقة:درنا علاش ندوشو
هزات راسها بلا
وقرب وغطس راسو فعنقها وباسها بوسة تقيلة خلاتها تبورش ريحة عطرها خلاتو مايسخاش يبعد ..جرها من يديها باش تجلس فحضنو كانت مقابلة معاه دوز اطراف صبعانو بشوية على حنيكاتها تا وصل لشفايفها وحبس:عمري شفت بحالهم
همسات ليه:شنا هوما
قرب وطبع قبلة على شفايفها:هادو
زاد جرها من خسرها .وهي غير مسايراه متبعاه بعويناتها مدوبينها حراكاتو
