يحيى حل لباب ودخلووو وهي غير تابعاهم
فاتي دورات عنيها على الدار عجباتها بزاااف كان ايطاج اللول لي كيتكون من صالة كبيييرة مقسومة على تلاتة دصالونات طل واحد وشمن ستايل مفرش ومديكوري من العصري للبلدي..كان من تصميماات فاخرة وديكورات متميزين عجبها بزاااف دوقو
يحيى مراقبهاا باغي يعجبها هادشيي خايف يكون غا رون هدشي ومايعجبهاش ولكن رتاح فاش شاف نضرة اعجاب فعنيها والابتسامة لي ترسمات على وجها نطقات وهي كدور بين الاتات:هدشي زوين بزاف واعر
شافت فيه:عندك الدوق
مسح على راسو:شوية وصافي. لا ماعجباتكش شي حاجة نبدلهاا غير قولي
فاتي:بالعكس زويين ماتبدل والوو
قرب ووقف حداها جرها من يديها:اجي نطلعو تشوفي بيت نعاس وشي لاخور
فاتي:وااخة مريم اجي معانا
مريم نزلات عنيها حيت كتشوف فيهم شحال فرحانين بعينين دامعين:لا غير سيرو هانا هناا نزيد نشوف
يحيى جر فاتي:يلاه خودي راحتك امريم
وطلعو للفوق ويديه فيديها ودخلو لبيت دنعاس لي ايكون ديالهم ..بقات غير كتشوف عندو دوق زوين اتات هادئ وفنفس الوقت كلاس كل حاجة فبلاصتها ..ناموسية كبيرة فالوسط دلبيت بفراش باج متناسق مع الوان الاتات لي مندامج بين الدهبي والمارو والباج..بيت تبدال وحمام وبالكوون ..دورات وجها وشافت فيه:عجبنيييي بزاف والله
يحيى فرحان وهو كيشوفها مبتاسمة:عاد رتاحيت ملي عجبك ...اجي شوفي بيت تبدال
دخلوو وهي تصدم فاش شافتو شاري ليها الحواايج مستفين تماك..من بيجامات سوميجات دونوي حوايج لخروج كساوي حتى الملابس الداخلية ..صبابط بجميع الانواع سيكان وأكسيسواراات باينة غاليين
يحيى:مابغيت تاشي حاجة تنقصك
فاتي:علاش هدشي كامل راه هدشي خاص نشريه اناا دابة انا شغا نشري غا قولي
بتاسم:والووو اولا لا بانت ليك شي حاجة ناقصة شريها
فاتي كدوز يديها على لحوايج شرا داكشي لي كيعجبها ستايلهاا:باش عرفتي انني كنلبس هكا وهدشي لي كيعجبني
يحيى:قلت ليك كنبغيك ولي كيبغي كيهتم بأدق ااتفاصيل ديال حبيبتوو ..
عضات على شفايفها مبتاسمة اطير بالفرحة..ميل راسوو كيحماق على ابتسامتها وزادتها عاضة على شفايفها ماحس براسو حتى جرها لعندو وعنقهااا مامنعاتوش تاهي كانت باغاه يعنقهاا ..بقاو شحال وهو يبعد شوية مرفوع كيحس براسو طااير بقة كيشوف فيها وهي كتشوف فيه حتى بدا كيقرب شوية بشوية لشفايفها وبدا كيبوسها بدون اي تجاوب منهااا حتى قفزاات ودفعاتو قلبها كيضرب فالمية حاطة يديها على شفايفها بغات تمشي وهو يشدها من يديها:فرحاان بزاف وكنتسنة النهار لي ماتفارقينييش
بتاسمات وهي مخبية وجها منوو..رخة منها وخرجات كتجري من لببت قلبها كيضرب بالجهد وسخونية طالعة معاهاا ..وهبطات لتحت..
بتاسمات وهي مخبية وجها منوو..رخة منها وخرجات كتجري من لببت قلبها كيضرب بالجهد وسخونية طالعة معاهاا ..وهبطات لتحت..
كانت واقفة فبلاصتها ماتحركاتش باغة غا فوقاش يمشيو حتى كتشوفها هابطة كتجري وقفات حداها وهي مبتاسمة
مريم بقات كتشوف فيها وفشفايفها لي لعكار مشاا منهمم وباينة باسهااا زيرات على تريكو لي لابسة هزات راسها شافتو هابط من دروج تاهو مبتاسم وقف حداهم:نمشيو
فاتي:اه يلاه
مريم غير كتشوف فيهم والفرحة لي فعنيهم وأتار لعكار لي على شفايفوو العافية شعلات فيها سبقاتهم بلا تاشي كلمة
خرجو وركبو فالطموبيل ديمارا حتى كيسمع صوتها:وصلني عفاك لدار ختي
يحيى:واخة فين جات
نعتات ليه فين
فاتي:لاش اتمشي عندهااا
مريم:والو غير بغيته نشوفها
فاتي:صافي وااخة
دقايق وكانو حدا الداار
مريم:شكرا
ونزلات وهوما ديماراو ايوصل فاتي للدار وايتغدا معاهم ليلى بغات علاقل دير غداء عائليي على ود لاكط
دقاات حتى تحلات لباب كانت عائشة..غير شافتها بدات كتبكييي صافي نفاجرات:ختييييي حاسة بروحي اتخرج
وتلاحت عنقاتهاا كتبكيي...عائشة عنقاتها تاهييي مخلووعة:ختيي مالك ياك ماوقعات شي حاجة
مريم غير كتبكي
كان فلبالكون كيكمي حتى كيسمع شي صوت خرج للصالة ووقف كيشوف فيهم
مريم بصوت باكييي:مابقيييتش قادرة نشووفوو قلبي كيتقطع اختييي..كنموت وانا كنشووفهم بجوووج ديريلي شيي حل قبل ماغاندير شي حاجة فرااسي
عائشة:لااا ماتقوليش هادشيي اجي معايا
جلساتها فوق الفطوي:تهدنييي فين كنتي
مريم بحرقة كتفكر كتزيد تبكي:مشييت معاهم لدارهم لي ايسكنو فيها شفت كلشي بعنياا شفت شحال فرحانين وشحال كيبغيها وتبغيييه انااا غنحمااق مافيييهاش
وبدات كضرب على صدرها وتبكي:شهاااااد لقلب عندييييي علاش دغية بغاااه علاااش... بغيتو يوقف ويهنييينيي
عائشة بدات كتبكي تاهي وتشد ليها فيديها باش متضربش راسها:صاافي براااكة عفااك ماديريش هكااا
مريم عقلها ايخرج بلبكااا:كنقووولك كنمووت وانا كنشوفهم بجوووج كيف بغيتيني نصبر ..كيف غندير نهار عرسهم لااا غنموووت مابقيتش قاادرة اختييي راها ختييي وهو راجل لي كنبغيي قاصحة علياااا
عائشة رجعات عنقاتها بالجهد:صافي هناا معاااك راكي غتنساايه والله حتى غتنسايه
مريم:مااانقدش عارفة ماغانقدش خصوصا لابقيت كنشوفهم بجووج
علات راسها وشافت فيوسف ودموع فعنيهاااا كتقولو بعنيها عاونييي..تنهد وهو كيمسح على راسو ماكاين تاشي حل من غير تمشي من لهنااا تقرا خارج لبلاد..قرب وجلس حدا مريم من جيهة لوخرا وجرها لعندو
علات راسها وشافت فيوسف ودموع فعنيهاااا كتقولو بعنيها عاونييي..تنهد وهو كيمسح على راسو ماكاين تاشي حل من غير تمشي من لهنااا تقرا خارج لبلاد.قرب وجلس حدا مريم من جيهة لوخرا وجرها لعندو غير شافتو تصدمااات :يووسف
مسح ليها دموعها ورجع ليها شعرها اللور:مريم نتي باقة صغيرة وهدشي لي كدوزي منو عادي غادي تنسايه هادي حاجة باينة تيقي بيااا..حيت ماكاين تاشي حل من غير تنسايه الحياة ماكاتوقفش على شخص واحد داز فحياتنا ..شخص ربي من لول مامكتبوش لينا صيفطو يجي فطريقنا باش يكون بمتابة اختبار لينا ويعلمنا درس وصافي ونتي خاص تكوني دكية ماشي تقتلي راسك بلبكا عليه صافي فيقييي وبداي تحيديه من حياتك كيف مابغيتيه دغياااا راك قادرة تحيديه من قلبك دغية حيت مابقة تاشي سبب يخليك مازال تزيدي تبغيه هو تزوج وكيبغي مراتو وماعارفكش تا واش كتبغيه وزيد عليها راجل ختك ونتي براسك ما اتبغيش لختك لأدية يااك
هزات راسها باه وهي كتبكي
يوسف:ادن خلي هاد الفكرة فراسك باش تنسايه ..عتابريها تجربة ودزتي منهااا....وحنا انعاونوك باش تنساايه
مريم:كيف غندير
يوسف:اتسافري فهاد السمانة لخارج لبلاد تكملي قرايتك ايلا بعدتي عليهم ومابقيتيش تشوفيهم غيبدا يمشي من بالك شوية بشوية وغتلاهاي بلقراية وان شاء الله اترجعي وقلبك خاااوي منو
هزات راسها باااه:كنتمنننى هدشي لي بغيت والله تا باغة نساه
يوسف:وغادي تنساايه
وجرها لعندو عنقها وهي كتبكي بصمت
شاف فعائشة كتبكي تاهي هز يديه ومسح ليها دموعها:وصافي
غمضات عنيها وقربات باست ختها على راسها:ها حنااا معاااك تا وليداتي معاك
مريم هزات راسها:فين هوماا مازالين فالمدراسة
عائشة حطات يديها على كرشها:كندوي على هادو لي فكرشي..احم راني حاملة بتواام
مريم خرجات فيها عنيها وضحكات وسط دموعها:كيفاااش هههههه
عائشة:اه عندي جوج فناكش فكرشي اتولي خالة عوتانيي
مريم:وينوووووووووو مبروك عليييكم فرحت ليييييكم والله واخييرا اتقاد اموركم بهاد تويينز ناري شحال زويينة
وعنقات ختها:مبروووك
عائشة باغة غير تشوف ختها فرحانة:الله يبارك فيك صافي كلشي ولا مزيان دابة وعمرنا انوليو نتفارقو
مريم بعدات وهي مبتاسمة:واخيييرا
وقربات عنقات يوسف:مبروك عليك فرحت ليكم من قلبي اصلا كانت باينة عائشة ليوسف ويوسف لعائشة
يوسف:ههه الله يبارك فييك
عائشة:تانتي امورك اتقاد وانفرحو ليك دابة تشوفي
مريم تنهدات بتعب:كنتمنننى
يوسف وقف :غنعيط لعصام يجي باش ندويو فهدشي
مريم:هو فكرة نقرا على برا رافضهااا
يوسف:كوني هانية من هاد الناحية
وناض خرج للبالكون
مريم حطات راسها على كتاف عائشة :بغيت نرجع للوور فاش كان قلبي خاوي كنت عايشة هانية..ودابة شوفي فين حطيت راسي وكي ولييت انا حمااارة
عائشة:ماتقوليش هكااا.كيف قال يوسف هدا اختبار من عند الله نتي خاص تجاوزييه فكري فكلامو وكلامي مزيان واتلقاي عندنا الحق
مريم تنهداات كتفكر فكلام ختها ويوسف :ان شاااء الله ياربي
