دازو أيام
نهار السبوع بالضبط..فصباح بكري
نزلو من طيارة بتلاتة..كان فاستقبالهم عصام مشات كتجري عنقاتو بالجهد هزها بين يديه كيدور بيها:لقطيييطة دخوها رجعاات
باستو على خدو:تووحشتك بزااف
نزلها:تانااا لاباس عليك
مريم:الحمد الله اخويا فرحانة بزااف
رجعات عنقاتو كضحك فرحانة..مارخات منو تا سخافاتو
عصام:خلينا نسلمو على الضياف
قرب سلم عليهم ورحب بيهم:اتكونو عيانين يلاه نمشيو للدار كلشي كيتسناكم
ركبو فطموبيل نيسان لدارر يوسف الزعيم تماك فين تجمعو كاملين
غير دخلات لقات كلشي فايق وكيتسناوها صداع دلبرااهش مسمووع ودار غطرطق
غير شافوها تقلبات دنيا بلغوات وتعناق ولبوساان ولبكااا الزاهية كتبكي بالفرحة بنتها صغييورة رجعات
سلمات على كلشي وتحنات كتبوس فعمران وفهد حمقوهااا غرغرو عنيها بالدموع وهي كتشوف فيهم عضات على شفايفها:الله يخليهم ليك
عائشة جراتها وعنقاتها:أميييين..توحشتك اختي
عنقات ختها تاهي:تانا ماتصوريش شحاال
بعدات فاش سمعات صوتوو داخل مع لباب وفاتي مستقبلاه:ييحى شوف شكون جاا
شافت فيه كيف مبتاسم وكيشوف فيها ..بقات شحال كتشوف فيه وهو جاي فتجاهاا تا وقف حداها ..بتاسمات تاهيي فاش تأكدات انه قلبها خوى منو وانها كانت غا كتخربق وغير المراهقة خرجات عليها صعيبة بزااف...عنقهاا:على سلماتك
مريم:الله يسلمك
يحيى:نورتي دار
بتاسمات:شكرا
وقلبات الدور رجعات جلسات حدا ماماها حطات راسها على صدرها:توحشتك اماما
اازاهية كتمسح ليها على شعرها:وانا كتر ابنتييي
الزاهية شافت فجون وكارلا مبتاسمين عجبوهم الاجواء العائلية لي هناا عاد فهموو علاش كانت خايفة يسيقوو لخبار كانت اتخسرهمم ..مايمكنش تخسر علاقتها معاهم..
الزاهية:سمحولنا ماعطيناكمش الصواب مرحبا ليكم دار داركم
مريم ترجمات ليهم لهضرة
كرلا:لا ماشي مشكل بالعكس فرحانين حيت حنا معاكم الله يخليكم لبعضياتكم
مريم شرحات لمها اش قالو.
الزاهية:وا قوليهم يطلعو للبيت يرتاحو ويبدلو عليهم
مريم وقفات:اجي معايا
شافت فلخدامة:ورينا عفاك لبيوت
الزاهية:راه كلشي واجد هاهي اتوريكم فين
طلعو للفوق وصلات مع جون للبيت ومشات مع كارلا للبيت اتجلس فيه هي وياها
كارلا:هداك لي دخل فتالي هو يحيى ياكي
مريم هزات راسها باه
كرلا:نسيتيه ياك
مريم:نسيتو ومابقاش كيهمني..دابة كنفكر غا فراسي وعائلتي
كرلا:وشنو اديري مع جون
مريم:ماعرفتش خلينا نبدلو الموضوع عفاك
سكتو فاش تحلات لباب ودخلات فاتي
فاتي جلسات حداهم وهي مبتاسمة:رتاحو باش توجدو راسكم فليل اتكون واحد الحفلة بيناتنا وشي ناس ايجيو يلاه توجدو راسكم
فاتي:واخة اختي..كي بقيتي ولفتي بزواج
فاتي:دابة مزيان الحمد الله مفاهمة انا ويحى بزاف ماكنلقاو تاشي مشكل مع بعضياتنا
مريم:الله يخليكم لبعضكم
مريم وقفات:اميين يلاه رتاحو
وخرجات وخلاتهم بدلو عليهم وتكاو يرتاحو شوية
داز الوقت
ااجردة كانت مقاادة طبالي مفرقين فكل بلاصة ومزينين بشكل زوين وسيرفورا فكل جيهة شادين بلاصتهم ..الزاهية وطاهرة لابسين ومقادين وجدو على بكري وكيدورو من لهناا واش ناقصة شي حاجة وكاين لي جا من ضياف بكري
اما لفوق وبالضبط فبيت عائشة رونوه وشقلبوه لكوافورات حمقوهم...
عائشة بقفطان باج كلو مرصع بلحجر كيبري من جيهت الصدر مسانتري عليها راسم ليها فرمتها مع زادت فالوزن مع الولادة جات خطار..وشعرها مطلوق على طولتو دايرة ليه بوكلي غير ملتحت..دارت مكياج تقيل ترابي ..مع كعب عالي فلكحل ..قربات لعندها لكوافورة كتشوف فيها باعجاب وفيديها واحد تاج:جيتي كتحمقي
دارت ليها تاج فوف راسها ..جات بحال شي اميرة..
لبنات كيشوفو فيها باعجاب :جيتي فنننة
عائشة:شكراا بنات حتى نتومااا
مريم خرجات من لحمام من بعد مالبسات كسوتها ماخلاو ليها تاشي بلاصة تلبس فيها:ها كيف جيت
شافو فيها
سارة:هاي هاي على لبرهوشة كتحمقييي اجي صحاحيتيي وربيتي ترمة المسخوطة وتاتك لمريكان
مريم كتشوف راسها فلمراية:خمممسة لا تعينيني ودخل عاود
بقاو كيضحكو
عائشة:دابة بقيتي لينا غا نتي نزوجوك
بلعات ريقها ختافات داك الابتسامة لي على وجها ماجاوباتش
سارة:هههههه درية كتحشم غا تسناي يبان شي بوكوص ونشوفو واش اتبقاي تحشمي
مريم:انا ماباغاش نتزوج الالة غا سكتينا
فاتي:كاملين قلنا هاكاا وتزوجنا فتالي
مريم:ايوا نتوماا هدي انااا
اكرام متكية فوق النموسية وحاكة يديها على كرشها هدا هو شهرها تاهي باش اتولد :اووف فوقاش نولد تانا ونقااد فورمتي تانااا
عائشة:ايوا صبري مابقة ليك والووو
دينيس:شهيتوني تانا نزيد نولد
عائشة:ايوا شكا تسناي
دينيس:ايوا نفكو حريرتكم وندوزو ليا تانااا والله تاباغة نزيد شي بي بي
فاتي:كتسابقي معايا ولا شنووو..خلي تا نحمل انا ونولد عاد حملي ..ديها فبنتك
دينيس:ايوا نتي قلتي باغة تا يدوز عام على زواجكم عاد تفكري فلولاد
فاتي:وي بلاتي عليا
دخلات نرجس هازة قفطانها:هنااا جيت
عائشة:نتي لي عبرتي وجدتي راسك عند لكوافورة هربتي من زحام
نرجس:وياه عرفت اتكونو دايرين روينة..عرفتي جيتي كتحمقييييي ماشاء الله
عائشة:شكرا حبيبة تانتييي
مريم شافت فكارلا شادة طليفون وكتسيلفا مع لقفطان لي لابسة اول مرة اتجربو وهي لي ختارت تلبس قفطان
على لكسوة:كرلا يلاه نهبطو لتحت راه دنيا عمرات
جراتها وهبطوو
سمعو دقان
عائشة:دخل
دخل بكامل اناقتوو لكوستيم رمادي مغلوق وتاه مع عضلاتو وطولتوو بقات غير كتشوف فيه وزاد طراسة لحية ..هو تاني كان ساهي فيها وتاها لقفطان بزاف وشعرها لي كيزيد غيطوال ويقوى وفورمتها علاام اخور..كلشي نساحب وخلاوهم بوحدهم قرب لعندها حط يديه على خسرها وباسها على راسها ورجع باسها على خدها عاد نزل لشفايفها بوسة طويلة.ختمها بابتسامة بعد وهو كيحقق فيها بكل اعجاب همس ليها وهو كيهز ليها يديها ويبوسها:الاميرة ديالي جيتي كتحمقي
بتاسمات تاهي مدوبها:شكرا حياتي
قربات باستو على خدو ..بعد وهو كيفتح واحد لبواطة..وكيشوف فعنقها ..نزلات عنيها كتشوف فداك العقد دلالماس كلو كيلمع جا موراها وهو كيرجع شعرها لجيهة لوخرا وقبل يركب ليها لعقد باسها على عنقها ..عاد ركبو ورجع قادو ليها على عنقها هي كانت كتشوف فلمراية :زوييين بزااف شكرا بزااااااف احبيبة
وعنقاتو بالجهد:كنبغيييك
يوسف باسها على راسها:وانا كتر وتستاهلي كتر
بعدات وهي كتشوف فيه بكل حب وهيام حبهم كيزيد ويكبر كتحمد الله وتشكرو حيت تقادات حياتهم ..بيه سترجعات صحتها وقلبها بدا يقوى وبقاوش يجيوها نوبات لي كانو كيجيوها..يوسف ولا هو دواهاا بيه كتنفس..وهو ولا يعشقهااا ولات روحووو تبدل على قبلهااا ومازال كيتبدل..وتمرة حبهم جات فربعة دلوليدات كيحمقو ...
يوسف:نهبطو لتحت
هزات راسها باه شد ليها فيديها وهبطوو
لتحت كانت فالجردة هي وكارلا كيتفرجو فناس لي داخلين شادين طبلة ومريم كتعرفها بالناس لي كجيو وتشرح ليها شي حوايج..وقف حداهم كيشوف فيها باعجاب عنيها اياكلوها ..غير شافتو بتاسمات وهي كطلعو وتهبطو اول مرة ايلبس الكوستيم ديما لباسو صبور جا مختالف بان اكتر وسامة بلكوستيم لكحل ملبوس على جسمو الضخم وعضلاتوو..ومبين جمال وجهو الاجنبي شعر رطب ومسرح اللور بنيي ولحية على وجهو مطراسية بلون بني مغلووق وعنيه زورق كيف لبحر علام اخور:واااو جيتي زوين بزاف
جون قرب ليها:ونتي كتر كتحمقيي
بقات كدور فبلاصتها قدامو:بصااح
هز راسو باه اتحمقو ومازال مابغات دير معاه الحل:بزااف
كرلا:زعمة انا مابنتش ليك ولا شنوو
شاف فيها وفلقفطان كيف جاها:جيتي زوييينة
بتاسمات:شكرا
رجع شاف فمريم وقرب لعندها ماقادرش يزيد يصبر:مريم ماجاوبتينيش قلتيلي انفكر ومازال كنتسنى..هني دابة فداركم بغيت تعطيني الموافقة وندوي مع عائلتك
بقات ساكتة
كرلا:مريم جون راه كيحماق عليك ومافيه مايتعاب بفلوسو وشريكاتو شنو بغيتي كتر
عضات على شفايفها وشافت فيه:جون نت عارف شنو داز عليا قلبي بحاليلا مات نخاف نضلمك ومانقدرش نبغيك من بعد انا هدشي ساليت منوو ..
قاطعها:سبقت وقلت ليك نصبر عليك
مريم:نت كتحمل راسك مسؤولية داكشي لي وقع ليي هدشي علاش واقلة باغي تسترنيي وتريح ضميرك وانا مامحتاجاس لشفاقة ديالك اجون
بلا مايشعر شد ليها فيديها:ماتقوليش هكا سمعتيني داكشي لي فقلبي من جيهتك حب ماشي شفقة انا كنبغيك امريم وماباغيش نضيعك من بين يدياا شنو اتخسري لا جربتي معايا نقدك وننقد قلبي لي ملهوف عليك وكيتسنى الموافقة ديالك..شنو غديري فاش ايبغيو عائلتك يزوجوك ماغاتستحمليش تحطي راسك فداك ااموقف..هنا حداك كنبغيك وغنصبر عليك
بقات ساكتة كتفكر فكلامو جون ماكايتعابش بفلوسو مؤخرا باه كتب ليه كاع الاملاك بسميتو ولا رجل اعمال وهو لي مسير المشاريع حيت باه عياا مابقاش قادر يتحمل المسؤولية..وغير هدا عارفاه كيبغيهاا ..وكلامو صحيح تا لايمتى اتهرب ايجي واحد نهار ايبغيو يزوجوها وهوما من دابة كيلمحو ليها شنو فيها لا جرباات ..
شافت فكارلا كتشجعها بعنيها..تنهدات وشافت فيه وبتاسمات:موافقة
بالفرحة عنقهاا بالجهد مامتيقش:ميرييي انا فرحااان بزااف كنوااعد عمرك اتندميييي شكرا بزااف
مريم:جوون بعد غيشوفونااا
بعد عليها كيقاد فلكوستيم:بالفرحة ماقديتش نصبر
بقات كضحك شنو فيها لا عطات فرصة لراسها تنسا لماضي وتبدا من جديد
بعد عليها كيقاد فلكوستيم:بالفرحة ماقديتش نصبر
بقات كضحك شنو فيها لا عطات فرصة لراسها تنسا لماضي وتبدا من جديد
دورو وجهم على صوت تصفيقات دناس كانت عائشة ويوسف هي هازة فهد وهو عمران رتافع تا صوت تزغريت وموسيقى مغربية كيصفقو معاها النااس..كلشي فرحان لييهم حيت عارفين اش داز علييهم
فجيهة لوخرا
واقفة كتصفق وعنيها على الدخلة كتسناه يدخل تعطل خافت مايجيش..حتى قفزات فاش سمعات صوتو:كتقلبي عليا
بتاسمات وشافت فيه:يحسابلي ماغاتجيش
كريم:وانا نقد مانجيش وهاد ليلة مهمة بالنسبة لياا
نرجس كتافات بابتسامة.
كريم:جيتي زوينة بزااف
نرجس:شكرا
كريم:ماغاترحمينيش وتقوليلي اشد درتي
نرجس:دابة يجاوبك بابا
كريم :عطيني امل بعدة موافقة ولا لا
نرجس:وصافي قلت ليك بابا غيجاوبك سير عندو
كريم:هاهو غادي دابة نيت
مشا وهي مراقباه تا وقف حدا باها
كريم سلم عليه وبقاو كيهضرو شحال عاد دخل فالموضوع:السي كمال مازال كنتسنى لجواب ديالكم
كمال حط يديه على كتافو:لبنت موافقة مرحبا بيك نت وعائلتك
ضحك تا بانو سنانو باافرحة ..تعانقو عناق رجولي :تهلا ليا غا فبنتي راه حنينة بزاف وتستاهل لي يعطيها قيمتها
كريم:كون هاني انديرها فعينيا
دور وجهو وشاف فيها لقاها كتشوف فيه وهي مبتاسمة هز ليها راسو بمعنى مزيان وحط يديه على قلبو بحاليلا عاد رجعات فيه الروح..ضحكات على حركتوو
فبلاصة قريبة ليهم
الزاهية:مرييم جري شوفي هارون يجي يتصور مع مو وباه وخوتو
مريم شادة كاس دلعصير فيديها ماساخياش بيه:واخة
الزاهية:وااا جري اناري.
مريم:وااااخة بلا ماتغوتي عليا
ومشات كتجري.الزاهية بقات كضحك على بنتها ودورات وجها كتشوف فبنتها كيف فرحانة مع وليداتها وشافت فجيهة لوخرا عصام مع بنتو ومراتو كيصفقو ويشطحوو..عاد رجعات فيها الرووح تنهدات براحة شنو بغات كتر
فجيهة بعيدة لوخرا
واقفة هي وياه خاشية يديها فدراعو وكيشوفو فولادهم تاهوما كل واحد مع مراتو وكل وحدة مع راجلها فرحانين
طاهرة تنهدات براحة:كون رجعنا اعوام اللوور مايجيش فبالنا كاع انوليو هكا واتكون عندنا بحال هاد العائلة
بتاسم :ربي كيدير المعجزات وهدي هي احسن حاجة وقعات فحياتي..من نهار دخلتي لحياتي ولا كلشي زوين
حطات راسها على كتافو:الحمد الله على كلشي
وقف حداهم احمد والطاهرة الام
الطاهرة الام:ولات عندنا عائلة كبييرة
احمد حط يديه على كتاف ناصر:الله يخلينا ديما مجموعين هكاا
وبقاو واقفين مجموعين كيشوفو فعائلتهم لي كتزيد غا تكبر نهار مور نهار..واسم الزعييم غادي وكيزيد يترسخ فالادهاان
كانت واقفة حداه ووليداتهم فيديهم كيتصورو وجوهرة لاسقة فماماها فرحانة تاهي..قرب لعندهم عصام:عطيوني نتصور انا ومراتي مع توينز نديرو لفال نجيبو تاحنا شي توام هكا
دينيس شدات عمران:وينووو ماكرهتش والله
عصام شد فهد:هاهو خالك البوكوص
ووقفو كيتصورو بيهم
عائشة شافت فيوسف .شاف فيها تاهو وشد ليها يديها وباسها وجرها لعندو معنقها خاشيها وسط صدرو عنقاتو تاهي كيعبرو على حبهم لبعضهم ..والانضار كلها عليهم ..
نفس الوقت
فجيهة لوخرا..غادا كتجري ولكاس دلعصير فيديها ..شافتو غادي كيجري من جيهت لباب عيطات:هاااارون
ماسمعهاش وخرج..مشات كطيير تلحقوو..مع لخرجة حسات براسها دخلات فشي حاجة تا من لكاس تلاح وترش داك لعصيير فسما وكاع تهرس..غمضات عنيها كتسنة تزدح مع الارض ولكن لا..حسات بشي حد شادها محاوط خصرها بين يديه..بقات شحال كتحاول تستوعب ريحة عطرو تغلغلات ليها فالاعماق وحرارة انفاسو على وجها كتحرق فيها..وعاد يديه على خصرها..هدشي ماغريبش عليها فلحضة قلبها ولا يضرب فلمية..حلات عنيها بشوية جات عنيها فعنيه الصارمين معقودين..كيشوف فيها من قبيلة وجها وملاميحها محفورين فذاكيرتوو كيفاش يقدر ينسة هاد الوجه..حلات عنيها لعسليين مفتوحين بحال النمر زاد تأكد انه هي ولكن شكا دير هنااا سها وهو كيشوف فيها..هي بقتت غير كتشوف ماعرفاتش علاش قلبها كيضرب فلمية ..شكون هداا..حسات على راسها وبلعات ريقها وهي كتشوف لفيسط ديالو تكب عليها لعاصير عضات على شفايفها بتوتر حشماات ..وهو مراقبها ومراقب حراكاتها..رجعات اللور وهو بعد يديه على خصرها كيشوف فيها بهدوء
مريم :ويلي شنوو درت سمحلي عفاك بزاف
دورات وجها كتشوف فهارون لي جاي:كنت كنجري مور هاد البرهوش اجي لهناااا جري عند ماماك وباباك كيتسناوك تصور
مشا كيجري بحمااس ايتصور مع خوتو
