داز الوقت بدات الضلمة كطيح
كانو فالبيت وصوت الدراري على برة..دينيس عاسة عليهم فالشرجم كتشوف فعصام وهو راكب على العود كيتسابقو بيناتهم..دغية ندامجو مع حمزة هو اصلا واحد اجتماعي فين ما مشة يدير بلاصتو بحال باه فهاد القاضية ..وقفات حداها سارة:شتي باش زوينة،تكون عندك عائلة
دينيس:اه كتحسي بالايستقرار
فاتي:هاهي عندي وماحاساش بيها
سارة شافت فيها:بسباب الضروف وصافي..ماتعطيش للضروف اهمية كبيرة حيت الحياة غدوز ونتي اتبقاي فبلاصتك
فاتي هزات كتافها:ولفت
دينيس رجعات شافت فعصام وتنهدات:والزوينة هي العائلة الصغيرة لي كتكون خاصة بيك..مع شي واحد كتبغيه ويستاهل
سارة شافت فعصام كيف كيضحك:اه بصاح
دينيس شافت فسارة:ونتي ماعندك تاشي واحد فحياتك
سارة،بتاسمات:لا ختك وحدانية
دينيس:هاد الزين كامل بوحدو كيف درتي ليها
سارة:الزين ماشي هو كلشي لما كانش عندك الزهر راه واخة تكوني نتي هي ملكة الجمال
دينيس:هههه والله ماكدبتي
وشافت فعائشة لي يلاه خرجات من الدوش وكتنشف فشعرها:بحال دابة عائشة خايبة ..ولكن عندها الزهر .عندها راجل بحال يوسف وعندها هارون..ايوا كيقولك الله يعطينا سعد الخايبات ههههه
بدة كلشي كيضحك..عائشة ضرباتها بالفوطة:تفووووو عليك ..
وشافت فلمراية:هاد الزين كامل خايب من نيتك
دينيس:غا ضاحكة مالكي
سارة:راه مشة لحال خاص توجدي راسك ونتي قلتي ماباغاش لكوافورة
عائشة:اه ماعندي ماندير بيها ونتوما عندي ..ايوا بدايلي لماكياج ودينيس تصيبلي شعري
سارة:واخة
وبداو فالتجهيزات
على برة
ملات بلجلاس فلبيت وتموت وماتدخلش لبيت عائشة..خرجات لعندهم مشات عند ناصر وجلسات حداه حطات راسها على كتافو:بابي تانا بغيت نركب
ناصر:ماغاتعرفيش
اكرام:علمني
ناصر شاف فدراري بعاد..لقة،حداه غا مهدي:مهدي
شاف فيه:نعام
ناصر:ركب هاد باربي الله يحفضك
زيرات ليه على كتافو :بغيتك نت
ناصر:انا عيان ..مهدي راه كيعرف غا نوضي
مهدي بتاسم:غير نوضي اختي اكرام ماشي مشكل بحال خوك انا
بقات غير كتشوف فيه
عماد:زعمة راه بيناتكم لخدمة
اكرام ناضت وقربات لعندو وهمسات ليه:عنداك نطيح عارفاك تقدر ديرها بلعاني
مهدي كيمسح بشوية على راس العود باسو وسط عنيه وشاف فيها:نطيح انا وماطيحيش نتي
اكرام:بهل
بية كيضحك:ديري رجليك هنا
طلعات رجليها وحطاتها فواحد لبلاصة وهو شادها من خصرها باش يعاونها..هزها بشوية تا جلسات وخشات رجليها من الجيهة لوخرا فواحد لبلاصة خاصة بالرجل
مهدي:صافي مرتاحة
اكرام فيها شوية دالخلعة:اه غير ماطلقش منو..لا يمشي يبقة كيجري بيا تايجيبني مزدوحة
مهدي:ههههه كتفرجي فالافلام بزاف ..راه معاك مهدي مروض الحيوانات..حتى لمشاش بحالك
اكرام عضات على سنانها:بزااااف عليك نت هو الحيوان عرفتي شغا دير نزلني
بقة كيضحك وهو مازال كيتمشة بيها جنب لبحر :اسكتي يا لمشة
سكتات وهي كتشوف لبعيد وريح دلبحر كيضرب فيها وكيطير شعرها لقصير معاه..شوية بشوية عجبها لحال ومشة لخوف ..بتاسمات عاجبها لحال:زيد شوي فالسرعة
شاف فيها كيف مبتاسمة:ياك ما يحساب ليك راكبة فلفيراري دبابي ديالك..اولا بغيتيني نجري انا والعود باش تبقاي على راححتك
اكرام:صافي غا سكت..شنو كاين مور الاسطبل تماك
مهدي:كاينين الشجر وشي تخربيق
اكرام:ديني لتماك
مهدي:انا راه ماشي شيفور ديالك
اكرام:انا ركبت باش نتسارة ماشي باش تخليني فبلاصة،وحدة
بدل الاتجاه للبلاصة لي بغات :عرفتي تزيدي اوامر خرا نلوح مك فهاد الغابة
اكرام:ماتجبدليش مامااا
مهدي تنهد:صافي سموحااات
وصلها لبلاصة،دشجر عجباتها..الشجر عالي بزاف ومغروس فالارض ديالو الورد ومقادين بزاف ديال طرقان لي بغة يتمشة فيهم..ولامبات ديال الضو فكل بلاصة ..:وينو زوينة علات راسها لسما كتشوف الحد ديال الشجر..حتى كتحس بشي حد جلس موراها نزلات عنيها مالقاتوش عرفاتو هو لي موراها:شكااا دير
مهدي جرها لعندو تا لصقات فيه وشد لجام بيديه:قلتي نزيد فالسرعة..هنا غنوريك السرعة
بالخف ضرب برجليه الود باش يجيري..شوية بشوية بدا كيجري..اكرام زادت لصقات فيه وغمضات عنيها:مهديييي نزلني مابغيتش..عنداك يطيح بينا
مهدي :سكتي شمن ايطيح وشوفي فالطريق راه ايعجبك الحال..عيشي اللحضة
اكرام:حلف ماغايطيحش
مهدي:داكشي بيد الله ولكن ماغايطيحش
حلات عنيها وشافت فالطريق بقات شحال ترخات ..ونساجمات مع الوضع وشعرها طاير فالهوة هضرات وهي كضحك:هدشي زويييين عجبني ..طلقات يديها فلهوة بحاليلا كطيير:واااااو زويييين
مهدي مبتاسم:واجمعي يديك خليني نشوف طرييق
جمعات يديها وهي فرحانة ..شبع بيها دوران دار بيها لغابة صغيرة كاملة ...من بعد رجعو جيهت الاسطبل
مهدي نزل ومد ليها يديه:نزلي خليه العود يرتاح
حطات يديها على كتافو وهو شدها من خصرها وجرها لعندو بغات تبعد ولكن مازال شادها من خصرها :بعد واش تسطيتي
مهدي زاد جرها:قولي بعدة غا شكرا
اكرام:من نيتك..رخي مني نمشي بحالي بناقص كاع
بتاسم :قولي شكراا
اكرام:لااا انا ماقلتلكش ركبني
طبع قبلة على خدها:قولي شكرا
اكرام شهقات:واش حمق رخي منييييي..
طبع قبلة فالحنك لاخور وهي كتنتر وهو حاكمها:تا تقولي شكرا وتبوسيني هنا(دار اشارة على خدو)طلبت منك فلول غا شكرا ونتي راسك قاصحك
اكرام:والله لا كانت ليييك...بااابييييي
مهدي:عيطي تاتشبعي ماغايسمعك حد وحنا انبقاو هنا..لاخر مرة انقولك قولي شكرا
هزات راسها بلا وتي كتحاول تبعدو..ماحسات براسها تا تلاح على شفايفها كيبوسها تبلوكات ماعرفات راسها باش تبلات ..عيات ماضربو على كتافو او والوو..بعد على خاطرو:هدي شكرا ديالي
وبعد عليها خلاها كتنهج ومصدومة وهو كيضحك ..مسحات شفايفها:حاااااقييييير..ماكاتسواااااش شهادشي درتيييي
مهدي قرب ليها:هنا نوريك حقير شكا تسوة
رجعات اللور ومشات كتجري..بقة كيضحك:حمقة والله...ولكن كتحمق
ركب فوق العود وتبعها وهي مازال كتجري تقاد معاها فالطريق:ركبي
شافت فيه :لااا
تحنا لعندها وهزها بيد وحدة لعندو وجلسها جنب قدامو
،ا ماقالت والو تا وصلها ونزلها مشات كطير جلسات حدا ناصر:بابييي هدا ماكايسواش
ناصر شاف فيها:علاش
بقات ساكتة شوية وتبكي
ناصر شاف فمهدي:مالها
مهدي مبتاسم :قالتلي زيد فالسرعة وفاش بقة كيجري بيها خافت داكشي لاش
ناصر:عادي خاص تحيدي منك الخوف
هزات كتافها ودفنات راسها فصدرو بقاو كيضحكو عليها.
ناصر:ماضحكوش على بنتي
ومسح ليها فوق شعرها
💔التتمة💔
كانت واقفة حدا لمراية كتشوف فراسها كيف كات..الكسوة فلون وردي بارد طويلة ومنفوخة ملتحت شوية ملبوسة عليها ملفوق وشعرها طويل مبوكل نازل على ضهرها وكتافها..وماكياج مناسب ملاميحها والعقد دلالماس كيبري فعنقها ..جات بحال الاميرات..حسات براسها هي ساندريلا فهاد اللحضة
دينيس:جيتي كتحمقييي تبارك الله
سارة:كنتي كتحماقي على ساندريلا هانتي جيتي حسن منها
فاتي:ليوم الزعيم يصبح بيك الصباح
بقاو كيضحكو
عائشة:شكرا لبناااات..تانتونا جيتوو فناااااات..والعقبة ليكم
دينيس من قلبها:امييييييييييييين ياربي
كلشي شاف فيها
عائشة:عتارفي شكون هداااا
دينيس تزنكات:تا واحد
فاتي :كدابة انا لي عارفة شكون
دينيس:فاتي سكتي
عائشة:لا غا دوي افاتي ..ياك كتخبي علينا
دينيس بلعات ريقها:ماشي هكاك غير باقي ما تأكدت
عائشة:واغا قولي
دينيس :عصاام
وعضات على شفايفها بالحشمة
عائشة:هههههههه وينووو وكتحشمي ومن ايمتى هدشي
دينيس تنهدات:من شحال هدا..ولينا قراب من بعضياتنا بزاف كيعاملني زوين ضريف بزاف حنين معايا..كنخرجو بجوج وكيلمحلي مرة مرة..المهم هدشي عاجبني
عائشة:اياااااه ياختي ماساهلينش وانا،فدار غفلون
دينيس:نتي كنتي خايدة مع يوسف دا ليك العقل مابقيناش نلقاو الوقت فين نجلسو ونهضرو معاك
عائشة:ايوا ماغايلقاش ماحسن منك ..صراحة تواتيييتو والله
دينيس:دعي ربي يجمعنا تاحنا
عائشة:مايكون غا الخير
سارة بلعات ريقها ووحسات بدموع بين عنيها:لبنات هنا جاية
وخرجات..مانتابهو لوالو كملو هضرتهم
سارة سدات لباب ووقفات هدشي عارفاه عادي ..راه ضاروري يبغي تاهو شي وحدة ولكن صعيبة عليها ..بقات كتنش على راسها باش ماينزلوش دموعها ..تنهدات وهبطات لتحت بغات دخل للكوزينة تشرب لما ..مالقات فيها تا واحد من غير لماكلة لي فوق البوطة..كلهم كيوجدو لاتيراس فين ايتدار لعشة..عمرات كاس دلما وشرباتو فدقة .وبقات واقفة فبلاصتها كتفكر...دخل للكوزينة بغة شي حاجة باردة ..وقف فبلاصتو فاش شافها عاطياه بالضهر وشعرها كحل سامبل نازل تا لخصرها ..لكسوة لكحلة ملبوسة عليها جاية مع فورمتها لعامرة ..جية حد الركبة وكمام قصار..حسات بشي حد موراها وهي الدور شهقات :خلعتيني
بقة كيشوف فيها وفعويناتها دامعين:ياك لاباس
هزات راسها بلا وهي كتحاول تبان طبيعية:لا والو
قرب لعندها:متأكدة
هزات راسها باه وبدون شعور نزلو دموعها عطاتو بالضهر ومسحاتهم..قرب لعندها:واش واقعة ليك شي حاجة
هزات راسها بلا :ماواقع والو غير خاطري تكدر عليا غا بوحدو ..كتوقع لي بعد لمرات
بتاسم وخشا يديه فجيبو ومد ليها كلينيكس:زعمة وحدة زوينة بحالك عيب تبكي
خدات كلينيكس وبتاسمات وهي كتمسح تحت عنيها:كلشي كيقولي زوينة وماعارفينش راه ماعنديش الزهر
حمزة:علاش..ماكاينش شي واحد ماعندوش الزهر كل واحد وشنو عطاه الله ماتقوليش هكا
هزات راسها باه:نخليك احمزة
بتاسم وهو كيشوفها غادة:ونتي
وقفات وشافت فيه:سارة
حمزة:مشرفين
بتاسمات ليه وكملات طريقها..بقة حاضيها كيف كتمشة وكيف شعرها كيتحرك معاها تا غبرات سارة من النوع لي جدابة بزاف ..بتاسم وحل تلاجة جبد كانيط وخرج من الكوزينة عند الدراري
