.تصدم قرب لعندها وتحنى لعندها مخلوع:امييينة مالكي ..شواقع ليك
بغة يشدها وهي تنتر منو :بعد ماتقيسنييييش
محمد:شنوو هادشي منين جا هاد الدم واش مجروحة خليني نشوووف
بغات دفعو ولكن كان قوة منها جرها لعندو وهو كيشوف الدم منين جاي
رجعات اللور وهي كتبكي:واااش حمق خررج عليا من لبيت خليني بوحديييي
محمد تعصب ماعارفش مالها شدها من دراعها بااسيف عليها:سكتيييي براااكة مالك،معكسة...شوفي حالتك كيف دايرة قوليلي ماالك شنو واقع ليك واش نديك لطبييب .زيدي نمشيو
امونة تحنات تاني فاش شدها الوجع :اااااااي
ماعرفش اش يدير وهو كيشوفها كتبكي وتنخصص تحنة لعندها:صافي ماتبكيش غير قوليلي ماالك ماتخلينيش هكاا
امونة:بغيتك غيير تخرج عليا مابغييتش نشووفك قداميي
محمد:مايمكنش نخليك هكااا
امونة :هدي راه الدورة الشهرية فهمتي دابة واخررج من قدامي
محمد بقة غير كيشوف.. كيفاش ماعرفهاش ..تنهد:شنو خاصك واش ندير ليك شي حاجة
هزات راسها بلا وهي كتبكي
محمد قرب لعندها ومسح ليها على وجها:صافي اجي معاياا
امونة طاوعاتو ودخلها للحمام بشوية عليها
امونة :غير خرج
محمد:واش مأكدة
هزات راسها باه
خرج وسد عليها الحمام عيط للخدامة طلعات جمعات داكشي ..ووجدات ليها حوايجها
محمد:جيبي ليها شي حاجة سخونة تشربها
هز الموايج ودق عليها:هاهوما حوايجك
حلات لباب شوية،وخداتهم..لبسات عليها ودارت اافوطة ااصحية وخرجات لقاتو هاز كاس فيديه:هادي القرفة شربيها
تحشات فبلاصتها ومدها ليها شرباتها
حل لمجر وجبد واحد الدوة:هدا دلوجع
هزات راسها بلا:ماكيوالمنيش
هز راسو باه:صافي نعسي ورتاحي
حطات راسها على المخدة وغمضات عنيها وهي كتنازع مع الحريق تا نعسات عاد ناض خرج من البيت وهي تلاقاه الخدامة: ااسي محمد فصباح لقيت هاد الميلف ديالك نسيتيه واقلة
محمد خداه منها وهو مصدوم ماجاوبهاش ونزل فالدروج ماحاملش راسو:ولكن هييي لي مولفة كديرهت هي لي بغات هكا
خرج من دار وهو كيسووط
نمشيو لجيهة خرا
خرجو من لافاك ماحاملينهاش اصلا ماكانوش باغين يقراوها كانو باغين يرتاحو هاد العام ولكن ناصر بزز عليهم يقراوها
دينيس:الله يسمح لبابا وصافي
فاتي:وا لماالال شهادشي لبااك راه كان زوييين
وقفو حدا الطموبيل:خاص نديرو شي حل
يلاه اتجاوبها وهوما يسمعو صوتو:واحد السلام عليكم
دينيس بتاسمات:وعليكم السلام..عصاام صافا
عصام:الحمد الله ونتي
دينيس: تا انا
شاف ففاتي كتشوف فالجيهة لوخرا:شي وحدين قالبين وجهم
فاتي:دينيس يلاه نمشيو
شدها من دراعها:خوك جاي تا لعندك واتسمحي فيه عييب عليك
فاتي تنترات منو:ماخوياش
عصام:نكرتيني ابنت العبد .شوفي خووك جاي يوصلك للدار
فاتي:ماخوياش وماتوصلنيييش يلاه ادينيس
عصام:يلاه هنا عارض عليك تمشي تاكلي معقودة فأحسن سناك اش بان ليك
دينيس غلباتها الضحكة
فاتي:واش مابغيتيش تفهم بعد مني
عصام:يلاه مابغيتيش معقودة نمشيو ناكلو لبيبوش وقولي تاهادي لا
فاتي:واش حمق راه ماغانمشيش معاك
عصام:صافي ناكلو الرايب الحرشة اش قلتي
فاتي:دينيس انا غنشد طاكسي ونمشي
جرها من يديها:وا تسناااي طاكسي وانا هناا..شوفي اخر مراااا ...انخلص عليكم لحريرة هادي غتعجبك
دينيس ماقدراتش تصبر بقات كضحك:ههههههه
عصام شاف فيها:كضحكي نتي مازال غنتفاهم معاك
وغمزها..دغية جمعات الضحكة
عصام:دابة غتمشي ولا ماغاتمشيش
فاتي:لااااا
عصام:صافي سيري
يلات اتمشي وهي تحس براسها طايرة فسما هزها وتم غادي بيها:نزززلنيي فين غادي
عصام:دينيس زيدي لا تبعنا هادي انبقاو بالجوع
كانو فالطوموبيل
طريق كاملة وهي كتنكر وتغوت فتالي سكتات
عصام شاف فدينيس راكبة حداه:الله على راحة الهدوء شحال زوين
فاتي:نزلنيييييي
عصام:صاافي هنا ساكت غا سكتيي
وصلو لواحد الجيهة حدا لبحر وقف الطموبيل وشاف فيهم:واحد المطعم يلاه تحل خاص غا بالحوت نزلو راه فيا الجوع
نزلو كاملين فاتي غادة بحدها ماباغاش تشد معاهم الطريق
دخلو للمطعم كان كلاس وراقي ..ستقبلهم السيرفور:مرحبا بيكم
عصام:بغينا شي بلاصة على برا
السيرفور:هي لولا تفضلو معايا
تبعوه وجلسو فبلاصتهم:اش حب الخاطر
عصام:شوف تلاتة ديال لي بلا ديال الحوت ميكس .وشي حاجة باردة على دوقك
السيرفور:واش كتشربو اسيدي شي حاجة ديال الكحول
عصام:الله اودي حنا عائلة محترمة ماكانشربوش الشراب وماكانعرفوش تا ماداقو كيف داير جيب شي حاجة عادية
السيرفور:هي لولا
عصام:قلك شراب واش دابة باينة عليا كنشرب الله يسمح ليه عمري دقتو
شاف ففاتي لقاهت جمعات الضحكة:غا ضحكي مالكي
فاتي:ماكانضحكش معاك
عصام:عارف كضحكي مع الحيط اصلا من نهار اللول شكيت انك ماشي هي هديك
فاتي:الحمق هو نت
عصام شاف فدينيس:واش انا جبدت على فمي شي حاجة دلحماق .هادي مالها
فاتي:واش ماكاتسكتش
عصام:عزيز عليا ندوي
جاب ليهم سيرفور داكشي لي طلبو ..حط حدا كل واحد طبسيلو :بصحتكم
ومشا
دينيس:ريحتوو شحال زوينة..كيشهي
عصام:خاص دوقيه بعدة
بدات كتاكل..شاف ففاتي:كولي
فاتي:لا
عصام:كاع لا
وبدا ياكل تاهو
داز الوقت ..دينيس وعصام كلاو كلشي ماخلاو تا حاجة وفاتي طبسيلها باقي كيف هو
عصام:ماغاتاكليش
فاتي:قلت ليك لا
عصام جر الطبسيل لحداه:لهلاااا
يلاه ايحط يديه وهي تجر الطبسيل:ماتقيييسوش
وبدات كتاكل اصلا كان فيها جوع غا صابرة
كلات كلشي تا شبعات
عصام:هاي هاي على فاتي تواضعات وكلات تقدم ملحوض
فاتي:يلاه نمشيو
عصام:يلااه
فاتي:نمشي للحمام ونجي
مشات وبقاو كيتسناو
عصام شاف فدينيس:كتغبري تا كنتوحشوك
دينيس:لي توحشني راه عارف فين غادي يلقاني
عصام:وزعمة نتي ماتسوليش
دينيس:ماكاتجيبهاش الفرصة
عصام :ولي بغة غدا يشوفك اش يدير
دينيس:يطلبها عادي
عصام:وانا بغيت نشوفك غدا
دينيس:وانا انقولك واخة
عصام بتاسم:صافي مع 7 دلعشية انجي موراك
دينيس:ويلي سبعة نخرج ومعاياش انرجع بسلامة
عصام:باتي معايا
دينيس:من نيتك
عصام:ههههه غنرجعك ماتخافيش..غا اجي
دينيس:صافي دابة نشوف
جات فاتي:يلاه عييت
خرجو من المطعم ركبو فااطموبيل وصلهم لحدا لدار نزل معاهم:فاتي
شافت فيه
عصام:انا خوك وانبقة ديما معاك ..واخة نتي ماحاملانيش...واي حاجة حتاجيتيها هنا معاك وفوقما بغيتيني اتلقايني حداك..يلاه دخلي ترتاحي بسلامة
يلاه ايركب فالطموبيل وهي تشد ليه فيديه:خويا
شاف فيها وبتاسم:عوينات خوها
وعنقاتو ..هزها وبقة كيدور بيها وهي كضحك
نزلها:دابة عاد رتاحيت
فاتي:سمحلي على هضرتي الخايبة .نت راك خويا وراه فرحت فاش عرفتك خويا ولكن براف دلحوايج ماقدروش يتنساولي
عصام:كاملين غنساو شوية بشوية ماديريش فبالك
فاتي:مامقلقش مني
عصام:وانا نقدر
فاتي رجعات عنقاتو:عنداك تبدل عليااا تانت
عصام:عصام هو الوحيد فهاد العلام لي كيبقة فصباغتو خصوصا مع الناس لي كيبغي
فاتي شافت فيه:الله يخليك لينا
عصام:امييين ..دخلو ترتاحو ومازال انهضرو فبزاف دلحوايج
فاتي:واخة
وسلمات عليه ومشا
