الجزء 147💔
عصام تعصب:سيييري وضبري لحل لرااسك خرجيني انا من هدشي ديالك مرضني فراسي سيريييي
بقات كتبكي ماباغاش خوها يكرهاا
الزاهية قربات عند عائشة وهمسات ليها:غير سيري خوك قلبو هشيش .وماغايدوزكش وحنا كاملين معاك ماعندك مناش تخافي
الزاهية رفعات صوتها:حوايجك دابة نصيفطهم ليك
دخلات جابت ليها ساك دلبي بي وشي حوايج خفاف :قدي بهادو
شداتهم بين يديها وهي كترجف شافت فخوها واقف وكيشوف فيها باينة فيه معصب بلا قياس وماباغيهاش تمشي .بغات تهضر وهو يعطيها بالضهر تنهدات وشافت فيوسف خرج سبقها تبعاتو وهي كتبكي .ركبات اللور وهو كسيرا نيشان .طريق كاملة هي كتبكي ..وقف الطموبيل فالجنب بالجهد ودار لجيهتها وهو مخنزر:وااش اتبقاااي كتبكي ضريتيني فراسي
عائشة :كلشييي بسباااك خويا دابة ايكرهني
يوسف:هدشي حتافضي بيه فنفسك سمعتيني
عائشة:واش ماعندكش القلب
ضرب على لفولون تاقفزات وزيرات على اولد:قلت سكتي
سكتات وهي كتدعي فييه فخاطرها
كمل السوكان تا وصل حدا الفلة نزل ونزلات موراه دخلو لداخل جات لخدامة ستقبلاتهم عائشة مابقاتش قادرة تزيد تهز الولد:شديه علية عفاك
الخدامة شافتها كتبكي ويوسف معصب خدات الولد وغبرات ..
عائشة ضارت لعندو:عرفتي نهار على خووه كنزيد نكرهك وكنطلب من ربي يعطيك فاش تخيد وتبعد منييي الله ياخد فيك الحق الحيوااان كنكرهك والله تاندمك على هاد الزوااج حلفت وغنوفي بحلووفي الحقيييير
ماجات فين تكمل هضرتها حتى كتحس بصقلة دوخاتها حتى طاحت فالارض بقات شحال طايحة فالارض ماقدراتش تحل عنيها قلبها تزمت ترخات حتى كتحس بيه جرها من دراعها ونوضها لعندو شدها من شعرها:هدشي كلو ماغايبقاش انا غنعلمك كيف غتولي تعاملي معايا واخة نعرف فمك نريبو ليك
بقات غير كتشوف فيه مقصحها فشعرها ترخات مابقات كاتقشع والو من غير ضبابة فاش كتعصب بزاف هكا كيوقع ليها كتجيها هاد الحالة .طاحت ليه بين يديه شدها مزيان وهي مرخية سخفانة ضربلها على وجها بشوية مافاقتش تنهد وهزها طلع بيها لبيت دخلها نيشان لحمام حطها تحت الرشاش وشعل لما بارد تكب عليها حلات عنيها وهي كتشهق حاطة يديها على قلبها شافتو قدامها واقف بغات تنوض هو يرجعها لما خنقها مع طالقو بالجهد كتحاول تنوض هو شادها :رخيييييييي مني
جرها لعندو تا نضربات فيه:مازال غنربيك البرهوشة
وهي كتلهت وكتشوف فيه وكترمش بعنيها دفعها تاكانت اطيح يلاه أيخرج من لحمام وهو يوقف:هاد ليلة غنجي موراكم نمشيو لدار وجدي راسك
