ရှီရှန်း (႐ွီ႐ွန္း) Book 2 Arc 5 to Arc 10

Arc 5.3

Unicode

ရှီရှန်းက သူမရှိ​နေတာကို အ​ကြောင်းမ​ကြား​တော့ဘဲ ကိုယ့်အခန်းထဲကိုယ်၀င်လာခဲ့လိုက်တယ်
ဒီမှာရှိတဲ့လူတိုင်းကသူမကိုမနှစ်သက်ကြဘူး​လေ သူတို့ရဲ့သခင်မ​လေးအဖြစ်​တောင် သတ်မှတ်ထားကြမှာမဟုတ်ဖူး

ကျင်း​ရှောင်ယွီက အဲ့ဒီမိန်းမလှ​လေးကဘယ်သူလဲလို့​မေးချင်​ပေမယ့် ​ပေ့ကျဲ့ရဲ့ မျက်နှာအမူအရာက မဲ​မှောင်​နေတာ​ကြောင့် ဘာမှမ​ပြောရဲ​တော့ဘဲ သူမရဲ့အိမ်စာ​တွေကိုပဲပြီး​အောင်လုပ်​နေလိုက်​တော့တယ်

အဲ့ဒီမိန်းက​လေးက ညစာဆင်းမစားတာကို​တွေ့​တော့ သူမအ​ကြောင်းကိုပိုပြီးသိချင်လာတာ​ကြောင့် အိမ်​တော်ထိန်းဦး​လေးဟယ် ကိုသူမအ​ကြောင်း​တိတ်တ်ိတ်​လေးမေးလိုက်တယ်

"ဦး​လေးဟယ် ကျွန်မ ​​နေ့လယ်က ​တော်​တော်လှတဲ့​ကောင်မ​လေးတစ်​ယောက်ကို ခြံထဲမှာ​တွေ့လိုက်တယ် သူမကဘယ်သူလဲဟင် "

"​အော်..သူမကငါတို့ရဲ့ မမ​လေး​လေ သူမကဒီ​နေ့မှ အိမ်ကိုပြန်လာတာ "

"..မမ​လေး လား...!!! "

ကျင်း​ရှောင်ယွီက ​ခေါင်းရှုပ်သွားတယ်

'​ပေ့မိသားစုမှာ သခင်​လေး​ပေ့ကျဲ့တစ်​ယောက်ပဲရှိတယ်လို့ ငါသိထားတာ မမ​လေးက ဘယ်က​နေ​ရောက်လာတာလဲ'

"သိပ်ပြီးမစပ်စုစမ်းပါနဲ့.."
ဦး​လေးဟယ်က ကျင်း​ရှောင်ယွီကို သတိ​ပေးတဲ့အ​နေနဲ့ တစ်ချက်ကြည့်လိုက်တယ်
သူကဒီအိမ်မှာအလုပ်၀င်လာတာကြာပြီဖြစ်လို့ ကိစ္စ​တော်​တော်များများကို သိတယ်
သူက ​ပေ့ဇီကို သနား​ပေမယ့်လည်း ဒီကိစ္စက  အလုပ်ရှင်​တွေရဲ့ အတွင်း​ရေးဖြစ်လို့ သူတို့လို အ​စေခံ​တွေ၀င်​ပြောသင့်တဲ့အ​ကြောင်းအရာမဟုတ်ဘူး

ကျင်း​ရှောင်ယွီက "အိုး.."
လို့ပဲ​အသံ​ပေးလိုက်ပြီး ​ပေ့ကျဲ့လှမ်း​ခေါ်​နေတဲ့ဆီကို ထွက်သွားတယ်

.......................

ရှီရှန်းကညစာကိုသူမရဲ့အခန်းထဲမှာပဲစားပြီးရှေ့​နေယန် ကသူမအတွက် Alice Academy မှာတက်ဖို့ စာရွက်စာတမ်း​တွေအကုန်ပြင်ဆင်​​ပေးထားပြီဖြစ်လို့ အဲ့ဒါ​တွေကိုပဲ ဖတ်​နေလိုက်တယ်