Unicode
"ဟင့်အင်း..."
'စိတ်ပျက်စရာကြီး အဲ့ဒီမှတ်ဥာဏ်အပိုင်းအစဆိုတာတွေက ဒီသရဲနှစ်ကောင်နဲ့တကယ်ဆိုင်တယ်ပေါ့..အဲ့ဒါဆို ငါက ဒီအိမ်ကြီးနဲ့တကယ်ဆက်စပ်နေတယ်လို့ပြောတာလား...ဖာ့ခ်..နင်တို့ရဲ့ဇာတ်ကြောင်းကြီးကခေါင်းကိုက်ချင်စရာကြီး...နဲနဲလောက်ရိုးရှင်းလို့မရဘူးလား...'
"ငါ နင့်ရဲ့လက်မောင်းကိုကြည့်လို့ရမလား.."
အနီရောင်မိန်းကလေးက တောင်းဆိုတယ်
ရှီရှန်းက ခနလောက်ငြိမ်သွားပြီး အင်္ကျီလက်ကိုခေါက်တင်ပေးလိုက်တယ် 'ဒီသရဲက မှတ်ဥာဏ်တွေကိုရှာရမယ့်နေရာမှာ အရေးကြီးတဲ့NPCပဲ...သူမကို အပြစ်မပြုမိတာကောင်းမယ်..NPCတွေဒေါသထွက်သွားရင် တကယ်ကြောက်စရာကောင်းတယ်လေ..'ရှီရှန်းရဲ့လက်မောင်းအပေါ်နားမှာအနီရောင်အမှတ်ကလေးတစ်ခုရှိတယ် ကြည့်ရတာ ငယ်ငယ်တုန်းကဆော့ရင်းကစားရင်းရခဲ့တဲ့ဒဏ်ရာလေးလိုပဲ
...........
အနီရောင်မိန်းကလေးရဲ့နာမည်က နဥ်ရှန့်ဖြစ်ပြီး ကောင်လေးရဲ့နာမည်က နဥ်ယန် ဖြစ်တယ်
သူတို့က ရှီရှန်းနဲ့ဖုန်းကျင်းကို မြေအောက်ခန်းထဲကိုခေါ်သွားတယ် အထဲမှာ ညှီစို့စို့ပုပ်အက်အက်အနံ့တစ်မျိုးရှိနေတာကြောင့် ရှီရှန်းက ဖုန်းကျင်းကိုမျက်မှောင်ကျုတ်ပြီးကြည့်လိုက်တယ်
ရှီရှန်းရဲ့အပြုအမူကိုသတိထားမိတော့ နဥ်ရှန့်ကအားနာနေတဲ့ပုံစံနဲ့ပြောတယ် " ရှောင်ယန်ကအရမ်းအဆော့မက်တယ်လေ..သူက တွေ့သမျှပစ္စည်းတိုင်းကို ဒီထဲသယ်လာတာ.."
" ဒီမှာ နင်တို့နှစ်ယောက်တည်းနေကြတာလား.." ရှီရှန်းက အခန်းကိုစူးစမ်းလိုက်တယ် အရာအားလုံးကအိုဟောင်းနေပြီဆိုပေမယ့် ပရိဘောဂတွေအပြည့်နဲ့ဖြစ်တယ် အထူးလက်ရာမြောက်အောင် ပြုလုပ်ထားတဲ့စာအုပ်စင်တွေ ကြွရွနေအောင်ရုပ်လုံးဖော်ထားတဲ့စားပွဲကြီးနဲ့ထိုင်ခုံတွေ..အားလုံးကသူ့ခေတ်သူ့အခါက ထိပ်တန်းပညာရှင်တွေဖန်တီးထားခဲ့မှန်းသိသာနေတယ်..
YOU ARE READING
ရှီရှန်း (႐ွီ႐ွန္း) Book 2 Arc 5 to Arc 10
Teen FictionThis is not my own story just for offline reading and Myanmar transalation . full crd to original uploder and english transatator.