Unicode
နောက်ဆုံးတော့ ရှီရင်းက ရှီရှန်းရဲ့ အိမ်မှာပဲ နေလိုက်ရတယ် ဒါပေမယ့် ရှီရင်းက ကျောင်းကိုတော့ သူမနဲ့ ဘယ်တော့မှအတူမသွားဘူး ရှီရှန်းက သူမသိက္ခာကိုတောင်ထည့်မတွက်ဘဲ သူ့နောက်ကနေ အရှက်မရှိလိုက်လာတယ်ဆိုရင်တောင် ရှီရင်းက အမြဲတမ်း မျက်ခြေဖျက်ပြီး ချန်ထားပစ်ခဲ့တယ်
အဲ့နောက်မှာတော့ ရှီရှန်းက ရှီရင်းကိုပေါ်တင်လိုက်ပြီး ပိုးပန်းတော့တယ်
ပန်းတွေ...ရည်းစားစာတွေ...သုံးလို့ရသမျှနည်းလမ်းအကုန်သုံးလေတယ်
အခုဆိုရင် အကယ်ဒမီတစ်ခုလုံးက သူတို့ရဲ့ အလှနတ်ဘုရားမ မီနိုင်းက ရှီရင်းကို ပိုးပန်းနေတယ် ဆိုတာသိကုန်ကြပြီ ဒါကြောင့် ယောက်ျားလေးအတော်များများက ရှီရင်းကို မျက်စိစပါးမွှေးစူးလာကြတယ်
ကောင်လေးတစ်ဖွဲ့က အခန်းထဲမှာ မီနိုင်းမရှိတဲ့ အချိန် ရှီရင်းကို ချောင်ပိတ်ပြီး ဝိုင်းထားကြတယ် ခေါင်းဆောင်ကတော့ သူ့ကိုယ်သူမီနိုင်းရဲ့ နံပါတ်တစ်ဖန် လို့ပြောတဲ့ ကျောင်းသား ဖြစ်တယ်
သူက ရှီရင်းအရှေ့က စားပွဲကို ခပ်လှမ်းလှမ်းထိရောက်အောင်ကန်ထုတ်ပစ်လိုက်တယ်
စားပွဲပေါ်က စာအုပ်တွေ စာရေးကိရိယာတွေ အကုန်လုံး ကြမ်းပေါ်ကိုပြုတ်ကျပြီး ပြန့်ကျဲကုန်ကြတယ်
"ငါတို့ရဲ့ နတ်ဘုရားမကတောင် မင်းကိုလိုက်နေပြီ ဒါကို မင်းကမာနကြီးနေသလိုလို စိတ်ကြီးဝင်နေသလိုလိုတွေ လုပ်နေသေးတယ် မင်းကိုယ်မင်း ဘယ်လောက်များကြီးမြတ်တယ်လို့ထင်နေတာလဲ.."
ရှီရင်းက နဲနဲမှတောင်မလှုပ်သွားဘဲ သူ့အရှေ့က ကျောင်းသားကိုစူးစိုက်ကြည့်နေတယ် "ဖယ်လိုက်.."
"ဖယ်လိုက်?...အဟတ်.." ကျောင်းသားကအေးစက်စွာရီလိုက်တယ်
"အကြောင်းပြချက်ကောင်းကောင်းမပေးနိုင်ရင် မင်းဒီနေ့လွတ်နိုင်မယ်မထင်နဲ့.."
ရှီရင်းရဲ့ မျက်လုံးတွေက မှေးကျဉ်းသွားပြီး မျက်စိသူငယ်အိမ်ထဲမှာ ရွှေရောင်အလင်းတန်းတစ်ချို့ လက်ခနဲ ဖြစ်သွားတယ် သူ့ဘေးမှာချထားတဲ့ လက်တွေကလည်း လက်သီးဆုပ်ပုံစံဖြစ်သွားတယ်
YOU ARE READING
ရှီရှန်း (႐ွီ႐ွန္း) Book 2 Arc 5 to Arc 10
Teen FictionThis is not my own story just for offline reading and Myanmar transalation . full crd to original uploder and english transatator.