Legend of the Dragon King (နဂါးဘုရင်ရဲ့ဒဏ္ဍာရီ)

နဂါးဘုရင်ရဲ့ဒဏ္ဍာရီ အခန်း(၅)

Novel:Legend of the Dragon King
Author:Tang Jia San Shao
နဂါးဘုရင်ရဲ့ဒဏ္ဍာရီ
အခန်း(၅) နာအာ

တန်ဝူလင်း မ‌ပျော်ရွှင်သော မျက်နှာထားဖြင့် တောင်တန်းနီအကယ်ဒမီ၏ တံခါးဝမှ ထွက်လာသည်။ဒီနေ့တစ်နေ့လုံး သင်တန်းကျောင်းမှာ ဖြစ်ပျက်ခဲ့တဲ့ အကြောင်းရာအများစုမှာ သူ၏မျှော်လင့်ချက်များကို ‌သိသိသာသာ လျော့နည်းသွားစေသည်။

တန်ဝူလင်းသည် စိတ်သဘောထား ပြည့်ဝသော သာမန်မိသားစုတွင် ကြီးပြင်းလာခဲ့သည်။သူ၏မိဘများမှာ သဘောကောင်းသူများဖြစ်ပြီး သူ့ကို တုန်နေအောင်ချစ်ကြသည်။သူအမှားလုပ်မိရင်တောင် သူ့ကို
လမ်းမှန်‌ေရာက်‌ေအာင် ပြုပြင်ပေးကြသည်။

သို‌့သော်လည်း ဒီနေ့က (စိန်ခေါ်မူ)ဆိုတာကို သူ့အနေဖြင့် ပထမဆုံးအကြိမ် ကြုံတွေ့ရခြင်းဖြစ်သည်။သူ၏ ငွေပြာရောင်မြက် သိုင်းဝိညဉ်ကြောင့် အခြားရွယ်သူကျောင်းသားတွေ၏ ပစ်ပယ်ခြင်းကိုခံခဲ့ရသည်။ပိုဆိုးတာက ဆရာကလည်း သူ့ကိုအခြားကျောင်းသားတွေနဲ့ တန်းတူမဆက်ဆံခဲ့ဘူး။

နေ့ခင်းပိုင်းမှာ ဆရာက သူ့ကို တရားထိုင်နည်း သင်ပေးဖို့ အချိန်နည်းနည်းလေးပဲ သိသိသာသာ အသုံးပြုခဲ့သည်။

(ငါ့ရဲ့သိုင်းဝိညဉ်က တကယ်ပဲ အသုံးမဝင်ဘူးလား?) တန်ဝူလင်း၏ စိတ်အားငယ်မူများသည် အလျော့မပေးချင်သောစိတ်များအဖြစ် တစ်ဖြည်းဖြည်းချင်း ပြောင်းလဲလာသည်။(ငါ့ရဲ့သိုင်းဝိညဉ်က အမှိုက်ဖြစ်နေရင်တောင် ငါကအရေးပါတဲ့ ဝိညဉ်သခင်တစ်ယောက် ဖြစ်လာမှာသေချာတယ်။ အဖေကငါ့ကို အောင်မြင်တဲ့လူတစ်ယောက်ဖြစ်လာဖို့ ကိုးဆယ့်ကိုးရာခိုင်နှုန်းက ကြိုးစားမူ ကျန်တဲ့တစ်ရာခိုင်နှုန်းက ပါရမီပဲလို့ ပြောခဲ့တယ်။ ငါ့ရဲ့သိုင်းဝိညဉ်က မကောင်းတော့ရော ဘာဖြစ်လဲ! ငါဒီ့ထက်ပိုပြီး ကြိုးစားရမယ်။)

တန်ဝူလင်း၏ အကောင်းမြင်တတ်သည့်စိတ်က သူ၏စိတ်ဓါတ်ကျမူများကို သူ့ကိုယ်တိုင်တောင် သတိမထားမိဘဲ ကျော်ဖြတ်နိုင်ခဲ့သည်။

(ဒါနဲ့ ဘာလို့ငါက ဗိုက်အရမ်းဆာနေရတာပါလဲ?) တန်ဝူလင်း သူ၏ဆာလောင်နေသော ဗိုက်ကလေးကိုပွတ်ရင်း ပဟေဠိဆန်စွာတွေးလိုက်သည်။အကယ်ဒမီတွင် နေ့လည်စာအတွက် ထမင်းတစ်နပ် ပါဝင်ပြီး ကြိုက်သလောက် စားလို့ရသည်။ပြီးတော့ ဝိညဉ်သခင်အတန်းသည် သာမန်အတန်းတွေထက် ပိုပြီးကောင်းမွန်သော အစားစာများစွာကို ရရှိခဲ့သည်။တန်ဝူလင်းက အလွန်အကျူးစားခဲ့သောကြောင့် (ဆန်အိုးလေး) လို့ နာမည်ပြောင်ပေးခြင်း ခံခဲ့ရသည်။သူက အခြားကျောင်းသား ဆယ့်နှစ်ယောက်စာ၏ တစ်ဝက်လောက်ထိကို စားနိုင်တာကြောင့် အရွယ်ရောက်ပြီးသူ တစ်ဦး၏ စွမ်းရည်ကို ကျော်လွန်သွားခဲ့သည်။