Chapter 125
၀မ့်ချမ်မှာသူမ၏သွေးသောက်ညီအစ်မများက သူမကိုရောင်းစားလိုက်ပြီဖြစ်ကြောင်းမသိရှာချေ။
သူမ၏ခံစားချက်များကကောင်းမနေချေ။
သူမသည် ဤကျောင်းမှဆရာများက ကျန်းယန်ရှန့်ကိုဘက်လိုက်လွန်းသည်ဟု ခံစားရသည်။ သူမ၏အရင်ကျောင်းတုန်းကဆိုလျှင် သူမ၏မိဘများကကျောင်းကို အလှူငွေများများထည့်၀င်လေ့ရှိသဖြင့် သူမကိုဆိုလျှင် ဦးစားပေးကြသည်။
သူမ၏သွေးသောက်ညီအစ်မများ ရုံးခန်းကပြန်ထွက်လာလျှင် သူတို့ကျောင်းအုပ်ကြီးအား မည်သည်တို့ကိုပြောခဲ့ကြောင်း သူမမေးလိုသော်လည်း ပြန်မဖြေလိုပဲခေါင်းရှောင်နေကြသည်။
၀မ့်ချမ်မှာ သူမ၏မသိစိတ်မှ တစ်ခုခုမူမမှန်ဟု ခံစားမိသော်ငြား သူမကိုမည်သူကမျှ အမှန်အတိုင်းမပြောလိုကြချေ။ သူတို့အားလုံးပေါင်းပြီး ၀မ့်ချမ်ကိုသာအပြစ်လွှဲချဖို့လုပ်ပြီးမှတော့ ၀မ့်ချမ်နှင်ဘယ်လိုမှ ဆက်မပေါင်းနိုင်တော့ချေ။
ကျန်းယန်ရှန့်ကမူ လုံး၀ဂရုမစိုက်ချေ။ အပြစ်ဒဏ်ဘာညာဆိုသည်မှာ သူမအတိတ်ဘ၀တွင် ရိုးနေအောင်ကြုံရဖူးတာကြောင့် သူမအတွက်ပမွှားလေးပင်။
သူမက စာအသည်းအသန်ပြန်ကူး၍သာ အလုပ်ရှုပ်နေခဲ့သည်။ ၀မ့်ချမ်ကြောင့် သူမအတန်းချိန်တ၀က်လောက်လွတ်သွားသည်လေ။
သူမကအလွန်ရိုကျိုးစွာနှင့် အနာဂါတ်၏ချန်ပီယံဖြစ်လာမည့် ကျန်းဇီယွမ်ဆီသွားလိုက်သည်။ သူမဘာမှမပြောနိုင်ခင်မှာပင် ကျန်းဇီယွမ်က အပြုံးလေးနှင့် စာအုပ်ကိုကမ်းပေးလာသည်။
"ရော့ အမြန်ကူးလိုက်၊ ဒီနေ့အိမ်စာတွေအတော်များတယ်"
ကျန်းယန်ရှန့်မှာ "ကျေးဇူး"ဟုသာပြောနိုင်လိုက်သည်။
သူမတွင် သာမာန်မိန်းကလေးများကဲ့သို့ရှက်ရွံ့မှုတို့မရှိသည့်တိုင် ယောကျာ်းလေးတစ်ဦးလိုလည်း ပမာမခန့်ဖြစ်မနေပါချေ။
သူမကထူးကိုထူးခြားနေတာပင်။
ကျန်းဇီယွမ် စာရေးနေရင်းကနေမနေနိုင်ပဲခေါင်းကိုမော့၍ သူမ၏ကျောပြင်ကိုလှမ်းကြည့်လိုက်မိသည်။ သူ၏နှုတ်ခမ်းထောင့်တွင် အပြုံးစလေးတွဲခိုလျက်ပင်။
YOU ARE READING
အကြီးဆုံးသမီး👩
General FictionEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...
