Chapter 142
ထိုသည်က ဌာနမှုး၏စိတ်နေစိတ်ထားကို ဖော်ပြနေသည် ။ ထိုအချိန် တွင် ဌာနမှုးသည် ဘက်လိုက်နေမှန်းသိသာလှသည် ။ အမျိုးမျိုးသော အရိပ်အမြွက်များကလည်း အတန်း(၈)မှ ကျောင်းသားများကို အပြစ်ပုံချရန် ဖြစ်နေခဲ့သည် ။
သို့သော် အခန်း(၈)မှ ရှုလီချန်သည်လည်း ကျန်းယန်ရှန့်အား ဖော်ထုတ်ပြောဆိုခဲ့ခြင်းမရှိ
"ကျွန်တော်ကအဲ့တာကိုလုပ်တဲ့သူပါ..သူ့ကိုကျွန်တော်ကသာ အရင် ရန်စခဲ့တာပါ…"
ကျန်းကျစ်ယွမ်သည် ရှုလီချန်အပေါ်သို့ အပြစ်အားလုံးပုံချရန် မတရားသည်ဖြစ်၍ သူလည်း တာဝန်ယူခဲ့ခြင်းဖြစ်သည် ။
နောက်ဆုံးတွင် သူသည် အသက် (၁၅) (၁၆)လောက်မျှသာ ရှိသေးမည့် လူငယ်လေးပင်ဖြစ်သည်။
ကျန်းကျစ်ယွမ် ကျန်းယန်ရှန့်ကြောင့် ရွှင်မြူးသွားသည် ။
ကျန်းယန်ရှန့်သည် သူ့တွင် သွားစွယ်လေးများရှိသည်ကို သတိထားမိလိုက်သည် ၊သို့သော် သိသိသာသာတော့မဟုတ်ပေ။ ထိုဘက်ထောင့်လေးမှ ကြည့်မှသာ မြင်ရသည်ဖြစ်သည် ။ သူမ ၎င်းကို အလွန်ချစ်ဖို့ကောင်းသည်ဟု ထင်သည်။ ရှုလီချန်သည် ဒီကနေ့တစ်နေ့လုံးသူမကို ဒေါသထွက်အောင် လုပ်ခဲ့သည် ။ သို့သော် ရုတ်ရတရုတ် သူမနှလုံးသားမှာ ပင်ပန်းမှုများပြေပျောက်သွားခဲ့ရသည် ။
"ငါနင့်ကို အဲ့တာပြောဖို့ရောက်လာတာ…ဘာပဲပြောပြော မပူပါနဲ့ နည်းလမ်းအများကြီးရှိပါတယ်…ဒါပေမယ့်နင်က အမြဲအပြစ်ပေးခံနေရလို့ မဖြစ်ဘူးလေ…ကောင်းပြီလား…ငါ့မှာတစ်ခြားလုပ်စရာလည်းမရှိတော့ပါဘူး…အဲ့ဒါဆို ငါပြန်တော့မယ်…"။
"အဲ့ဒါပဲလား…" ကျန်းကျစ်ယွမ် အံ့အားတသင့်ဖြစ်သွားသည်။
"ငါတို့ မနက်ဖြန်ကျမှ ဒီအကြောင်းပြောလို့လဲရတယ်လေ…ဒါမှမဟုတ် weibo မှာပဲပြောလို့အဆင်ပြေတယ်မလား…"။
ကျန်းယန်ရှန့် လှမ်းအော်၍ပြောလိုက်သည်
"အဲ့ဒါ ငါ့ပုံစံမဟုတ်ဘူး…ငါ့မှာပြောစရာတစ်ခုခုရှိရင် မျက်နှာချင်းဆိုင်ပြောမယ်…ပြီးတော့ငါနင့်ကို အကွက်ကျကျဒဏ်ပေးလိုက်တာလေ…"။
YOU ARE READING
အကြီးဆုံးသမီး👩
General FictionEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...
