Part 110
ကျန်းယန်ရှန့် အချိန်အတော်ကြာ စဉ်းစားပြီးသည့်နောက်တွင် "အနိုင်ကျင့်တယ်ဆိုတာ နင့်ကို လာရိုက်နေမှမဟုတ်ဘူး…တခြားပုံစံနဲ့လည်း လုပ်လို့ရတယ်…ပြောရရင် နင့်ကို အဆင်မပြေအောင်စကားပြောတာတွေ ဒါမှမဟုတ် လူတိုင်းကနင့်အပေါ်မကောင်းအောင် နင့်သူငယ်ချင်းတွေကို လုတာ…ဘာပဲဖြစ်ဖြစ် အဲ့တာက နင့်က်ု မသက်မသာဖြစ်အောင်လုပ်တာ နင်စိတ်မချမ်းသာအောင်လုပ်တာ မျိုးက နင့်ကိုအနိုင်ကျင့်တာပဲ…စဉ်းစားကြည့်စမ်း…နင်အဲ့တာမျိုးတွေ မကြုံရဘူးလား…"။
သူမထိုသို့ပြောလိုက်သောအခါ ကျန်းဟယ်လင်း အနည်းငယ် တွေဝေသွားသည် ။
ကျန်းယန်ရှန့် မျက်မှောင်ကြုတ် သွားသည် ။
"ကောင်လေးတစ်ယောက်တော့ ရှိတယ်…ငါသူ့ကိုသဘောမကျဘူး…"ကျန်းဟယ်လင်က မဝံ့မရဲပြောသည် ။
ကျန်းယန်ရှန့်သည် လေးလေးနက်နက်ပင် မေးလိုက်သည် "သူကနင့်က်ို ဘာလုပ်သလဲ …" ။
သူမ၏ ညီမလေးကို အနိုင်ကျင့်သည်ဆိုပါက သူသည် သေလူပင် ဖြစ်သည် ။ သူ့ခေါင်းကို ပွင့်ထွက်သွားသည့်အထိ ရိုက်ပမည်ဖြစ်သည် ။
"သူက…ဘယ်လ်ုပြောရမလဲအဲ့တာကို…" ကျန်းဟယ်လင်သည် စိတ်ရှုပ်သည့်ဟန်ဖြင့် ခေါင်းကုတ်လျက် အခန်းပတ်လည်ကို ကြည့်လိုက်သည် ။ သူမသည် ကျန်းယန်ရှန့်၏ ဖုန်းကို စားပွဲပေါ်တွင်တင်ကာ ဥပမာအနေဖြင့် ပြသည် ။
"ဟုတ်တယ် ဒီလိုပဲ…ငါက ပေတံဒါမှမဟုတ် ခဲတံကို အလျားလိုက်ထားရင် သူက ဒေါင်လိုက် လာလုပ်သွားတယ် …ငါက ဒေါင်လိုက်ထားလိုက်ရင်လည်း…အလျားလိုက်ဖြစ်အောင် လာလုပ်ပြန်ရော … အဲ့လိုခနခနလာလုပ်တာ သိပ်စိတ်ရှုပ်ဖို့ကောင်းတာပဲ…" ။
"……."
ကျန်းဟယ်လင်းက ဆက်ပြောသည် " သူကအမြဲငါ့ကို နာမည်ပြောင်တွေ လိုက်ပေးသေးတယ်…ငါဆံပင်ကိုမြင်းမှီးပုံစံ စုစည်းသွားရင် ငါ့ကို မြင်းမှီးလို့ လိုက်ခေါ်တယ် …ကျစ်ဆံမြီး ကျစ်သွားပြန်ရင်လည်း ငါ့ကို မုန့်ကျိုးလိမ်လို့ လိုက်ခေါ်ပြန်ရော …"။
KAMU SEDANG MEMBACA
အကြီးဆုံးသမီး👩
Fiksi UmumEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...
