Chapter 173
“အာ...” ကျန်းဟယ်လင်း အနည်းငယ်ရှက်သွားရပြီး သူမမျက်နှာကို ကိုင်ထားလိုက်ကာ မေးလိုက်သည်။
"အဖေ...,မြင်လိုက်တာလား..."
ထို့နောက် သူမက ရှက်ရွံ့စိတ်ကို မျိုသိပ်ကာ ထပ်ပြောလိုက်သည်။
“ဒါဆို အစ်မနဲ့တူတယ်လို့ အဖေထင်လား...”
ကျန်းဟွမ် က အံကြိတ်လိုက်ပြီး ပြောလိုက်သည်။
" သမီး ဘာလို့ သူမကို အတုယူနေတာလဲ..…”
"အစ်မ စကားပြောပုံက အရမ်းမိုက်တယ်...."
သူမ မျက်နှာတွင် 'အဖေ နားမလည်ပါဘူး'
ဟူသည့် အမူအရာ ရှိနေသည်။
ကျန်းဟွမ် " သမီး မောင်လေး နဲ့ ကောင်းကောင်းစကားပြောပါ... သူက ငယ်သေးတယ်... အစ်မ တစ်ယောက်ရဲ့ နွေးထွေးမှုကို ပေးရမယ်... နော်”
"ဒါက အလုပ်မဖြစ်ဘူး...."
ကျန်းဟယ်လင်း သည် အလွန်အတွေ့အကြုံရှိသူတစ်ယောက်ပမာ ပြောလိုက်၏။
"သမီး ပြောရင် ရှို့ရှို့ က လုံးဝနားမထောင်ဘူး....အစ်မလို ပြောလိုက်ရင် သူက နာခံတယ်...."
ကျန်းရှို့ချန် သည် သူ့ကို ကောင်းမွန်စွာ ဆက်ဆံလျှင် မထီမဲ့မြင် ပြုတတ်ပြီး သူ့ကို ငေါက်ငမ်းလိုက်လျှင် ကြောက်တတ်သည်။ ထို့အပြင် သူက မိဘရှေ့တွင် ကြမ်းပြင်ပေါ်မှာ လှဲလျောင်းပြီး အော်ဟစ်ငိုကြွေးတတ်သော်လည်း သူ့အစ်မ အကြီးဆုံးရှေ့တွင်တော့ ခေါင်းလေးငုံ့ပြီး နာခံတတ်သူ ဖြစ်သည်။
“…”
ကျန်းယန်ရှန့် ထင်ထားသလို ငွေကြေးဖိုရမ်က ပျင်းစရာမကောင်းပေ။ ထို့အပြင် စကားပြောကြသူများသည် နာမည်ကြီးကြပြီး မီဒီယာမှ ဖော်ပြတတ်သော လူကြီးများ ဖြစ်ကြသည်။ သူတို့၏ ဟောပြောချက်များသည် အလွန်ပြည့်စုံပြီး စိတ်ဝင်စားစရာ ကောင်းလှသည်။ထို့အပြင် သူတို့၏ ယခုကာလနှင့် နောင်တစ်ချိန် ခန့်မှန်းချက်များကို စက်မှုလုပ်ငန်း အတွေ့အကြုံ နှစ်ပေါင်းများစွာနှင့် နည်းပညာဆိုင်ရာ တိုးတက်မှုများအပေါ် အခြေခံထားခြင်း ဖြစ်လေသည်။
CITEȘTI
အကြီးဆုံးသမီး👩
Ficțiune generalăEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...
