#الحلقة_4❤❤
#لعنة_أنثى 🔥🔥
#خولة_عزيز 🌶🌶
_في المشفى : يحاول يفيق فيها اما شي .. قاسلها ضغطها وحطلها سيروم وقعد جنبها يستنى فيها تفيق .. بالوقت دخلت ليان
ليان : شنوا حالها
باسل : حامل ونزل ضغطها ..
ليان : مممم الله يشفيها ..مممم بش تبقى مقابلها ...
باسل : (مستغرب) مافهمتش
ليان : موش كنا بش نخرجوا مع بعض خلي اي واحد يهتم بها .. تعصب من كلامها واستهتارها ماخلاهاش تكمل
باسل: نحب نوضحلك حاجة انا هوني بش نسعف الناس موش بش نعمل مواعيد وانتي زادا هوني بش تقوم بخدمتك وبش تهتم بكل مريض مهما كانت صفتوا وإستهتارك هذا نتمنى مانزيدش نشوفوا خاطر مهنتك تفرض عليك هكا ومانحبش مرة اخرى تتعدى حدودك معايا وتحاول تصوحبني انا هوني رئيسك مفهوم ...
نبزها بكلاموا رجعت تتغوصر وتبلع في ريقها .. ماتوقعتش يحكي معاها هكاكا .. دموعها على شفارتيها لمتهم وكبست على روحها وعملتوا براسها باهي وخرجت بلا ماتلف وراها .. وقت غلقت الباب تنهد وتكى على الكرسي ورجع يخزرلها .. ويتذكر في الكلام لي حكاه قبل شوي .. حس انوا قسى عليها اما هو فاهم حركاتها .. ومالازمش يخليها تتعلق به .. هو مستحيل يحب ولا حتى يرتبط هو حياتوا مركزة على هدف واحد ... فاق وقت شافها تتململ تحاول تفتح في عيونها
جيلان : وين انا شنوا صار
باسل: خليك مرتاحة .. انتي في المشفى فقدت وعيك وتوا انتي مليحة ...هزت اللحاف لي عليها تحاول تقوم .. لازمها تروح قبل لا يرجع راجل امها وترسالها في عركة وطريحة .. كيف كل يوم
باسل: شنوا تعملي .. مايجيش تقوم توا مزال السيروم ماخلاصش
جيلان : لازمني نمشي تأخرت ياسر ..
باسل : اما...
جيلان : مرسي على كل شي عملتوا اما لازمني نمشي من هوني .. هزت روحها ولبست صباطها وهزت صاكها مشات لحقت عند الباب توقفت على صوتوا
باسل: بوه وينوا علاش مخليك وحدك
جيلان حست كأنوا واحد عطاها كف خلاها تفيق .. نسات كامل حكاية الحمل .. تفكرت وقت عيطت لؤي وكلام البنت .. تجمعوا الدموع في عيونها ... وقلبها غص عليها ... فتحت الباب ومشات بلا ماتجاوبوا
باسل: تي شبيها هذي نحكي معاها وهي مطفيتني ياخي حالة ياخي ...خرج وخبط الباب وراه قريب قلعوا وتعدا لبيروه
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
