👧كرونيك يقتل :لعنة -أنثى 💗💓❤️‍🔥

63

#الحلقة_63❤❤
#لعنة_أنثى 🔥🔥
#خولة_عزيز 🌶🌶
_باسل بعد ماوقع على الاجازة خرج من المشفى ومشى للشركة تاع بو فهد ... ستناه لين طلع ولحق وراه من غير مايحس لين شافوا روح لدار ركن سيارتوا ونفخ ... وركز راسوا على الكوسانة ... يخمم في لي جاي ...
دخل فهد ... ولحق وراه بوه ... قبل لا يغلق الباب غزر لبوه لي جاي ويتبسم ....
فهد : شنوا حتوم باينتها شايختلك الليلة
حاتم : تلم ياولد ... تعرف بوك تاع هذواك الصوالح ...
فهد : توا عرفت لمن طالع عدوا المراة ... هاني طلعتلك ليلك
حاتم : يلزمك ياسر بش تكون كيفي وتوا ادخل معايا خليني نعلمك كيفاش تكون راجل ... ڨحرلوا فهد ولحق وراه ... دخلوا للبيروا وغلقوه ...
حاتم : فرغلي روحك غدوة ونحبك مصحصح ... اللقاء بش يكون غدوة ... على 12 متاع الليل ... خلي كل رجال مستعدين ووقت نعطيك الاشارة تتحركوا وخلي هذي عندك ... هكا نجم نتواصل معاك وتعرف كل تحركاتي ... تبسملوا فهد بخبث ... وأخيراااااا ... جاء الفرج ... اتهنى يابوص هههههههه خليني نتعود على الكلمة ....
حاتم : نعرفش كيفاش لؤي ماطلعش ذكي كيفك
فهد : خاطر مش ولد حاتم وغمزوا ... خلا حاتم ينزل راسوا يلعن في روحوا على شعرة فضح روحوا ... ضربوا على كتفوا ومشى خلاه ... طاير من الفرحة من غدوة بش يدخل للعالم الثاني .... ويتخلص من المهمات الصغيرة ....
_حاتم خرج من عند لؤي وكلم عمر لي كان يتناقر مع جهيدة طفاها وخرج من الغرفة يرد عليه
عمر : شتحب انت زادا
حاتم : شبيك ماكل بعضك ... عيطت نخبرك انوا غدوة اللقاء الموعود وبش يهزونا من نفس المكان لي موالفين نمشيولوا ...
عمر : باهي وتوا تصبح على خير ... علق وهو كاره من هذي الخدمة بسببها خسر حب حياتو الوحيد ... اما شيعمل ماهو طفرت ....
لؤي : شبيك مغشش
عمر : أبعد من طريقي مش ناقصك انت زاد ... غزرلوا لؤي مستغرب من الحالة لي فيها بوه وضعوا مش عاجبوا ... دخل لغرفتوا قابلاتوا مركزة يديها على لكوافوز ... حالتها ماتعجبش قدم منها
لؤي : ميرنا شبيك انتي مليحة
ميرنا : راسي ... راسي وجعني بربي اعطيني علبة الدواء هوكا في صاكي ... مشى لؤي وجابها عطاهالها ... نحات زوج حبات شربتهم على ضربة ....
لؤي: وجع راسك هذا ماشي ويزيد لازمك تشوف طبيب
ميرنا : تهنى مانيش بش نموت ونخليلك الطريق
لؤي : انا الغالط لي تحيرت عليك فخار يكسر بعضوا .... ڨحرتلوا ...بالوقت رجعت لوضعها ...
ميرنا : يعطيك الصحة ياجيلان والله دواك نفعني لوجيعة الراس وانا لي كنت ماخذة عليك فكرة ....
_رائد كان في البيرو يكمل في بعض الدوصيات ... ركز مع الميكروا وقتسمع الحديث لي دار بين فهد وبوه تملكاتوا فرحة كبيرة ... قام مشى لغرفة ايهم يبشروا ... مالقاهش في الغرفة لوج عليه لتحت مافماش...... هز تلفونوا وعيطلوا ...
💥 جام ورأيكم في الريبوند 💥