👧كرونيك يقتل :لعنة -أنثى 💗💓❤️‍🔥

50

#الحلقة_50❤❤
#لعنة_أنثى 🔥🔥
#خولة_عزيز 🌶🌶
عند ايهم : كان قاعد عند جنان وفي يديه اوراق وصور ... يحب يتأكد من معلوماتوا ... تقدم منها وبدا يسألها
أيهم : جنان نحب نسألك على شي ... حاول تتجاوب معايا هزتلوا بعينيها
أيهم : حطلها صورة قدامها .... تعرفي هذوا الزوج لي بالصورة .... كان تعرفهم ارمش مرتين.... يستنى فيها تعمل اي حركة اما هي لا كأنها تقولوا مانعرفهمش .... عاود قرب منها شهادة ميلاد جيلان .... وهذا التاريخ يذكرك بشي ... تغزر للورقة وتغرلوا ... بقات هكاكا تخمم وهو يحاول يقرا ملامحها اما هي كيف الصنم ماعملت حتى حركة .... فد ونفخ مابقالوا كان امل واحد ... جبد السلسلة من جيبوا ... وهذي السلسلة تذكرك بشي ... رمشت مرتين .... تاعك هذي السلسلة جنان ؟ عملتوا براسها لا ... تمحات البسمة من على وجهوا راح يجن يعني كل شكوكوا انوا تكون علاقة بين جنان وجيلان طاحت في الماء ... بنت من هي ... علاش صورة خالو ادم في دار جميل وفريدة ... وموت فريدة قدام الشركة متاعهم مستحيل يكون صدفة .... جات في بالوا انوا تكون جيلان بنت عمر ولا حاتم نفخ ...وعدا يدوا على راسو
_ واقفة قدام المرايا تحط في آخر لمساتها ... لبست غوب في الغوج طويلة مفتوحة على الصدر ... شعرها عملاتوا كيرلي ... لبست الطالون تاعها ... ونزلت لقات رائد تحت يستنى فيهم ... غير شافها مشالها مسكها من يدها وبدا يدور فيها عليه
رائد : اووووووو يابنتي كل مرة تجلطني اكثر .... اما فما واحد بش يتوقف قلبوا وقت يشوفك ... ڨحرتلوا خنس ... تلفتوا وقت جاي جهتهم هاز في يدوا اوراق والسلسلة تدلا من يدوا .... سالوا رائد علاه ماجهزه روحه .... اما هي كانت مركزة مع السلسلة لي في يدوا
جيلان : ههههذي السلسلة شتعمل عندك .... كان مركز معاها عيونه قريب يخرجوا ... جسموا كلوا تكبس وحس برعشة سرات في بدنوا شوي وفطن عليها شنوا لابسة عيونوا رجعت تقدح النار .. عروق وجهوا برزوا من الكبسة لي كبسها على يدوا كأنوا يحاول يهدي غشوا .. ماجاوبهاش على سؤالها وتطرها مسكها من ذراعها يخض فيها
أيهم :شنوا هذي الروب كان مشيت عريانة خير ...
جيلان : سيبك من الغوب وجاوبني شنوا تعمل سلسلتي عندك ...
ايهم : ماتقلبليش ### وتطلع تغير وتلبس حاجة مستورة... كبس على السلسلة وكمل كلاموا .... انا مانيش ماشي معاكم عندي خدمة .... رائد بقى مستغرب في تصرفات صاحبوا وحسوا انوا معصب وزادت على به جيلان ... جيلان بقات تفكر ... الشك تغلغل لقلبها.. اما مش توا وقتوا  ... لمت روحها ودارت لرائد : هيا خلينا نمشيوا
رائد : ياخي بش تمشي هكا ماكش راح تغير ...
جيلان : لا مانغيرش .. اصلا مابقاش وقت  .. خرجوا وركبوا السيارة ومشاو
_تعدا لبيروه رمى الاوراق فوق البيرو بالوقت طاحت السلسلة هزها .... هزها ويحكي في قلبوا ... ان شاء الله ماتطلعش بنت واحد منهم ياجيلان ان شاء الله .... شغل الميكروا وحط الشاشة على الكاميرا لي حطها في دبش رائد  الصورة كانت على الطريق هي مش مبينة ... في زوج ساكتين ... عرف انها بش تعبوا بأسئلتها ... شنوا بش يقولها ... انو شاك هي بنت حاتم والشاب لي غتصبها يكون خوها ولا يقولها بنت الراجل لي ربى الشاب لي دمرلها حياتها ... نقم اكثر على لؤي .... راسوا راح يطرشق.. اما كل شي بش يتوضح بعد ما تنجح في مهمة الليلة وتجيب الشي لي مشات على جالوا ..
💥 جام ورأيكم في الريبوند 💥