👧كرونيك يقتل :لعنة -أنثى 💗💓❤️‍🔥

96

هلو حلوين اسفه على الغياب كما تعلمو امتحانات

لا تنسوا الدعم

#الحلقة_96❤❤
#لعنة_أنثى 🔥🔥
#خولة_عزيز 🌶🌶
_لحق جان للكلينيك ودخل ... ولحقوا وراه رجال ايهم اما مانزلوش بقاو يستناو في أيهم لين يلحق .... في الوقت نفسوا كانوا رجال البوص وصلوا وحاصروا الكلينيك ... الشي لي خلا رجال أيهم يشكوا في الامر ... هزوا تلفون وكلموه انوا فما رجال محاصرين المكان ... طلب منهم مايقوصوش حتى يلحق .... كان يسوق كيف المجنون ... داخل قلبوا خايف يقوصوا رجالوا وتصيرلها حاجة .... اما وقت تذكر عملتها ... رجعوا عيونوا شعلوا بالغش .....
جان كان طالع لغرفة ميرنا حتى لاحظ فما رجال ملثمين لاحقينوا ... سرع خطوات ودخل لغرفة ميرنا
جان : هز كل شي تحتاجوا وخلينا نهربوا فما شكون جاي لهون
محمد : شكون هذوا وفاش غرقت روحك
جان : اعمل لي نقولك عليك وهيا .... جبد محمد حقيبة وحط فيها كل الادوية اللازمة .... وجان حمل ميرنا وخرجوا ...
محمد : خلينا نمشيوا من هوني .... لحقوا جان وميرنا في حضنوا ... كانوا يجريوا لين نفسهم قريب تقطع ... اما رجال كانوا ملاحقينهم .... وهذا لي لاحظوا جان ... توقف يحكي مع محمد
جان : محمد خوذ انت ميرنا واهرب ... وانا بش نلهيهم باهي
محمد : لا مانيش بش نخليك هوني هوما مسلحين ...
جان : محمد ماتضيعش الوقت اعمل لي قلتلك عليه ... قرب منوا محمد وحمل ميرنا في حضنوا وكبس على الحقيبة متاع دواء بيد ... في الوقت هذاكا لحق أيهم ورائد وعطى التعليمات لرجالوا بش يهاجموا ... وبدا صوت الرصاص يدوي في المكان .... جان بعد ماتأكد انوا محمد وميرنا هربوا .... غير الاتجاه ورجال البوص لحقوه .... كان يجري بأقصى سرعة ويحاول يتفادى الرصاص ...دخل ايهم ورائد الكلينيك وبداو يقوصوا على رجال البوص ... وسط عراكهم كان جان هارب .... اما أيهم قوصوا في رجلوا ... من وراء طاح في الأرض ... جاء بش يقرب منوا اما رجال البوص هاجموه وبداو يقوصوا هرب ايهم وتخبى وبدا يرجع على طلقاتهم .... جان كان يتلوا من الوجع .... بقى يسحب في روحوا بشوي ... لين قابلاتوا غرفة ... سحب روحوا غير دخل طاح ....على الارض ...... محمد وقت وصل لڨاراج لي فيه سيارتوا جاء بش يفتح سيارتوا أما توقف على حاجة تحطت على راسوا ... غمض عيونوا بالوقت ....
راجل البوص : اتحرك قدامي ... حاول محمد يجبد روحوا ... اما راجل البوص صوب السلاح على ميرنا ... محمد بلع ريقوا ....
محمد : باهي بش نمشي معاك اما سيبها تمشي
راجل البوص : كان تحب الرصاصة تخترق راسك وراسها اتكلم مرة اخرى وتوا امشي .... دزوا بسلاحوا قريب ماطاح  لين لحقوا لسيارتهم ركبوهم وطلع راجل البوص وهو مزال موجه سلاحوا على ميرنا لي كانت في حجر محمد ...
راجل البوص : أتحرك وخلي الرجال ينسحبوا .....
ايهم ورجالوا كانوا يردوا على كل هجمات رجال البوص من غير مايخسروا حد من رجالهم .... ايهم كان يقوص لين راهم ينسحبوا .... خرج يجري وراهم ويقوص من غير مايتوقف ....لين هربوا كلهم .... ضرب رجلوا في الارض بغش وصرخ بأعلى صوت ......
أيهم : لاااااااااااااااااااا ..... على صرختوا خرج رائد ورجالوا .... واقفين ينهجوا ..... ويغزروا لبعض بحسرة خاطرهم مانجموا يعملوا شي .... فاقوا على وضعهم وقت تكلم واحد من رجالوا لي كان يكركر جان
الضابط : جنيرال لقينا هذا ..... دور وجهوا أيهم لقاه جان .... كرز والغش عمالوا عيونوا تقدم منوا وعطاه بونية لكرشو خلاه يطيح على الارض ....
أيهم : وينها جيلان وامها .... جان تصدم من سؤالوا .... حط يدوا على رجلوا يتوجع ....
جان : نعرفش ياخي تخدم عندك انت موش عندي حتى نعرف مكانها ..... ايهم كرز أكثر هز سلاحوا وغطسوا دخل جرح جان ويضغط بقوة وجان يتوجع اما ماطلع ولا صوت .... تبسملوا ايهم بإستهزاء
أيهم : ممممم عندك قدرة تحمل مليحة ... اما مانوعدكش تتحمل اكثر .... هزوه وألحقوني لمقر المخابرات .....
💥 جام ورأيكم في الريبوند 💥