👧كرونيك يقتل :لعنة -أنثى 💗💓❤️‍🔥

65

#الحلقة_65❤❤
#لعنة_أنثى 🔥🔥
#خولة_عزيز 🌶🌶
_باسل بعد ماكان مراقب فهد ... ستغل الفرصة وقت فهد تلهى يحكي مع رجالوا ويعطي في اوامروا وركب في صندوق سيارتوا وهكا ينجم يوصل لعدووا ...
نزل حاتم وعمر والرجال ودخلوا للقلعة يستناو الرئيس وقتاه يوصل... فاتت ساعة وزوج ... والكل شاد موقعوا ويستنى في الاشارة سوى رجال فهد او رجال ايهم ... لين توقفت سيارة الكل ركز عيونوا عليها اما مانزل حتى حد منها .... وفجأة بدا صوت الرصاص يدوي في كل مكان .... جيلان تفجعت على الصوت حطت يدها على قلبها ... ايهم ورائد ورجالوا ... حاولوا يدخلوا .... وبدا تبادل الرصاص من الاطراف الثلاثة هذا يضرب في هذا .... فهد جن مستحيل يخليهم يفلتوا منوا هو ستنى هذا اليوم ياسر
_كانت دور وجهها على كل جهة رجليها فشلوا تصدمت وقت شافتوا نازل من صندوق السيارة ويتسوحب كيف السارق بش يدخل للقلعة صرخت بإسموا 
جيلان : باااااااسل ... ونزلت لاحقة وراه سلاحها في يدها تقوص على كل حد جاي في طريقها مش مفرقة بين رجال الرئيس او فهد او ايهم ....
فهد سحب رجالوا ودخلوا لداخل بش ينقذ بوه
ايهم ورائد يقوصوا على رجال المنظمة ... بكل حيلة وذكاء ...
دخلت تجري تلحق فيه لين لمحاتو تخبات وقت شافت وحدة تقوص هي زادة ... صرخت عليه تحذروا
جيلان : باسل خوذ حذرك المنظمة والمخابرات كلهم هوني ...
باسل : شتعمل جيلان امشي من هوني ... بش يقتلوك
جيلان : مانجمش نمشي ونخليك هوني. ... لازم نطلعك ... وخرجت تقوص على واحد جاء في طريقها ... بالوقت خرج عندها ... باسل اهرب وانا بش نغطي عليك
باسل : علاش تعرض روحك للخطر ... امشي من هوني ... جات تحكي قابلتها نفس البنت مصوبة سلاحها على باسل ... دزاتوا جيلان اما البنت قاستوا في ظهروا وهربت تجري ... لحقت وراها جيلان تحاول تمسكها ... اما تراجعت على صوت باسل
باسل : جيلان اطلع من هوني ... رجعتلوا لقاتوا كلوا دم
جيلان : تحمل باسل انا بش ننقذك اوثق فيا باهي ...
باسل : قول لأيهم اني مش خاين
جيلان : إهدا وفيق لروحك ايهم ماهوش بش يعرف انك كنت هوني ... هيا قوم ساعدني خلينا نمشيوا من هوني ... نحات جاكيتها وحطتها عليه خرجت حاولت تخليه يتركز عليه ... تحت صوت الرصاص لي رجع الدنيا كلها دخان ... تجر فيه لين لحقوا لسيارة أيهم ... تعافر معاه بش دخلوا للسيارة وفجأة لمحت فهد وبوه هربانين ...من غير ماتفكر ولا ترمشلها عين ... هزت سلاحها وصوبت على فهد لي كان راح يركب ... وصوبت عليه مرة وزوج كأنها تحاول تشفي غليلها منوا كانت كيف السفاح ...سلاح في يدها كأنها مش اول مرة تحملوا ... نار الانتقام خلاتها تقتل قلبها وتمسح كل حاجة اسمها عاطفة او شفقة ... ركزت ذاكرتها على الليلة لي حاول يتعدى عليها ... قتلاتوا قدام عيون بوه ...
باسل : فاش تعمل جيلان ... فاقت على صوت باسل لي يتكلم بوجيعة دورت وجهها ليه غلقت الباب ومشات لجهتها دورت المفتاح ومشات بأقصى سرعة ... تحاول تبعد على المكان ....
حاتم يغزر لوحدوا كيفاش طاح في حضنوا غارق في دموا ... مصدوم ... فاق من صدمتوا وقت حكى عمر
عمر : حاتم فيق مع روحك ... لازم نهربوا من هوني ... سحبوا لداخل سيارتوا وامر واحد من رجالوا يتحرك
حاتم : اتحمل فهد ... اتحمل عيش ولدي ... انت اسدي مستحيل تموت بسبب رصاصتين ... وصرخ على رجالوابش يسرعوا ....
سيارة الرئيس كانت مشات وقت حست انوا فما كمين ....
ايهم ورائد كانوا يقوصوا على كل رجال المنظمة ...
بعد قدرت تفلت منها هرب تجري باقصى جهدها تحاول تلحق على رجال ... اما توقفت مصدومة وقت وجه سلاحوا عليها ... بقات هكاكا من غير مادور عندوا ....
أيهم : أتوقف و يديك لفوق ... قرب منها ودورها ليه ... وكانت صدمة عمروا وقف جامد مش مصدق عينيه
أيهم : أنتي ؟؟؟ مستحيييل
💥 جام وتوقعاتكم في الريبوند 💥