👧كرونيك يقتل :لعنة -أنثى 💗💓❤️‍🔥

9

#الحلقة_9❤❤
#لعنة_أنثى 🔥🔥
#خولة_عزيز 🌶🌶

_عند جيلان : بعد ماخممت مع روحها  قررت انها تمشي لدار لؤي وتحطوا قدام الأمر الواقع وتخبروا بحملها  هي مستحيل تخلي ولدها يعيش بلا اب ..هو لازم يتزوجها ويعترف بإبنها .. وصلت للفيلا تاعهم .. تمشي بخطوات ثقال مترددة وخايفة من ردة فعلوا .. خايفة انو مايعترفش به .. كانت راح دق تفجعت على فران السيارة لي تشد نازل منوا وجهوا كلو غش عيونوا حمرا تقطر شر نطرها من ذراعها دزها دخل بها في تركينة 
لؤي : شتعمل هوني .. جنيت انتي كون يشوفك حد هوني قدام دارنا شنوا بش يصير .. مش قتلك وقت نحب نشوفك انا نكلمك
تصدمت من كلاموا توا رجع يحشم بها .. وين راح كلاموا لي يقطر عسل .. وين راحت لهفتوا وقت يشوفها لمت حروفها وتكلمت
جيلان : نحب نكلمك في موضوع مهم
لؤي : امشي توا من هوني وغدوة نعدي عليك للفاك نحكيوا .. شدها من ذراعها ويدز فيها امشي قبل لا يجي بابا .. على كلمتوا توقفت سيارة بوه وجهوا تخلخل راح ألوان واشكال .
عمر : شنوا يصير هوني .. وهذي شكون ( شارلها بصبعوا )
لؤي : يتلعثم : اه هذي .. مانعرفهاش اول مرة نراها هذي هذذذي تحوس على خدمة وانا قلتلها انوا عندنا خدم موش محتاجين .. توا امشي من هوني شوفلك جهة خلاف ودزها وجبد باباه حب يدخلوا للفيلا تعداوها داخلين  ... جيلان فتحت عيونها على وسعهم .. مصدومة من الشي لي يحكي فاه .. توا رجعت خدامة .. ومايعرفهاش ..
باباه بدا الشك يدخلوا لعقلوا .. يعرف ولدوا ياسر .. وقت يكذب نزلوا يدوا .. وتلفت لعندها .. لقاها مزالها واقفة في مكانها .. تقدم منها وهزلها راسها ..
عمر: نعرفش علاش نحس وجهك مألوف عندي .. تلاقينا من قبل ؟؟ هزتلوا براسها بمعنى: لا
لؤي : من يوم تعرفها .. هيا خلينا ندخلوا وانتي امشي من هوني ..
عمر: لا ماهيش بش تمشي قبل لا نفهم لحكاية ... تلفتوا كلهم على صوتها :
ميرنا : هذي تكون عشيقة لؤي
لؤي وجيلان تصدموا ... وعمر لعصب تمكن منوا تنطر عندها كبس على ذراعها يحكي بغش : شتخرف انتي ..
ميرنا : الكلام لي سمعتوا صحيح
لؤي: ميرنا تتلمي وتسكر فمك احسن ما ..
عمر: صوتك ماترفعوش بحضوري وتوا تفهموني شنوا يصير هوني وتلفت لجيلان يستفسر ..
عمر: بالحق الكلام لي سمعتوا ... جيلان كانوا صوتها راح قلبها واجعها اخر .. شي من الاهانة لي تعرضتلها وشي من التهمة لي لفقتهالها ميرنا .. خزرت للؤي بنظرة كلها لوم وانكسار لمت حروفها وتكلمت
جيلان : لا موش صحيح .. انا ولؤي نحبوا بعض
على اخر كلمة تنطرت عندها يعيط بالصوت
لؤي: نعم تي من جدك نحب وحدة كيفك .. تحلم ياروحي كان انا لؤي نخزر لوحدة كيفك وتوا تهز روحك وتمشي يزي من الفضايح لي عملتهم الليلة
عمر: ماهيش بش تمشي حتى نفهم كل شي
ميرنا لاحت يدها في صاكها وجبدت تلفونها شغلت الفيديو وحطاتو في وجهوا ... تصدم وقت شاف الشي لي فيه كبس يدوا يحاول يتمالك روحوا ولا ترسالوا قاتلهم ليلة ...
لؤي خزر لميرنا لي كانت تتبسملوا بخبث وعاود خزر لجيلان .. لي كانت حالتها ماتتفسرش .. كأنها في حلم وتحب تفيق منوا .. كبست على كرشها لي وجعتها ونزلوا دموعها .. حست روحها ضعيفة قدامهم .. لا نجمت دافع على روحها ولا دافع على حق ولدها .. .. عمر بعد ماشاف الفيديو هز تلفون ورماه في الارض عفسوا برجليه .. قدام عيونهم موش فاهمين شي من غير ميرنا لي كانت تتبسم بخبث .. مشى لؤي عندها وكبس عليها يحكي عند وذنها
لؤي : شنوا كان في الفيديو
ميرنا : حتى شي
لؤي : ماتجننيش واحكي قبل لا نكسرلك فمك 
عمر: انا لي بش نكسرلك راسك هذا يابهيم .. في اخر عمري تحب طيحلي راسي وتوسخلي اسمي ( وعطاه بونية طاح على الارض ) بالوقت خرجت جهيدة على صوت عراكهم جرات لولدها لي طايح في الارض وانفوا ينزف دم
جهيدة : جنيت انت علاش عملت هكا
عمر: هذا حتى شي من لي راهو يستنى فيه ... وتلفت لجيلان : وانتي قداه تحب وتمشي من هوني توا ولا عاد نراك لا في طريق ولدي ولا طريقي
جيلان كل كلمة منهم تصدمها اكثر من قبلها ... لهذي درجة عندهم كل شي يتشرا بالمال .. بزايد ماهانوها الليلة وسمعوها كلام يذبح ... بزايد منا مسحوا بكرامتها الارض هزت يدها وعطاتوا كف .. الكل تفجعوا وتصدموا من عملتها .. حد ماتجرأ وعملها من قبل
جيلان : انا مانتشراش بالمال يامحترم .. كان انت عندك كل شي بالمال فشرفي لا ولدك غلط معايا ولازموا يصحح  غلطتوا او نشكي به ونخلي الكل يعرف انو ولد الحسب والنسب شنوا يعمل ماعندي شي نخسروا بعد شرفي وانا ماسلمتلوش روحي بوعي ... عمر عيونوا حماروا من الغضب ومن الكلام لي يسمع فيه .. جن جنونوا كون يخرج حرف واحد للصحافة تصير فضيحة وتنتهي حياتوا وعديانوا كلهم يدمروه هو في الاساس يستناولوا في غلطة وحدة ... خزر لولدوا بغش وتكلم
عمر: عندي حل يرضي طرفين ... راح يتزوجك وبعد شهرين كل حد يمشي في حالوا نظن هكا انتي حفظت شرفك وهو خلص من الفضيحة
جيلان وقت سمعت كلام عمر ... تلبكت وبقات تخمم مع روحها ... يعني كلاموا يفيدها هي اكثر شي ... هكا تنجم تسكت كل واحد يحكي عليها وتضمن اسم لولدها ... تكلمت من غير تردد
جيلان : موافقة
لؤي : شنوا هذا تخططوا لحياتي على كيفكم كأني مش موجود وماعنديش حق نمد رايي
عمر : انت بذات تسكر فمك .. كل شي صار بسببك وبسبب خمجك
💥 جام ورأيكم في الريبوند 💥