👧كرونيك يقتل :لعنة -أنثى 💗💓❤️‍🔥

19

#الحلقة_19❤❤
#لعنة_أنثى 🔥🔥
#خولة_عزيز 🌶🌶
_كان قاعد سارح بخيالوا نادم على الشي لي عملوا .. هو ستغل بنية صغيرة ويتيمة .. هو اكثر واحد يعرف الشي لي عاشتوا جيلان ... نفخ بالقوي وخرج من الغرفة قابلاتوا ميرنا جاية ... تنطرت رايحلها معصب منها كبس على ذراعها يحكي بحقد وغش
لؤي : شنوا تعمل هوني
ميرنا : سيب يدي .جيت نطمن على عمي عمر
لؤي : تي امنتك كأنو صح عندك قلب وتحب الخير للناس
ميرنا : لؤي علاش تعاملني هكا والله نحبك .. حب يطفيها ويتلفها اما هو بعملتوا زاد شعل نار الغيرة والحقد في قلبها تجاه جيلان
لؤي : اما انا مانحبكش .. نحب جيلان (ماعرفش علاش حكى هكا اما هذي اول شي خطر في بالوا )
ميرنا عيونها يقطرو غل وشر : علاش هي .. شنوا فيها مافياش تي حتى انو اهلها مش معروفين عكسي انا اسم وجاه ..
لؤي : خاطرها عندها لي ماعندكش انتي .. هي قلبها طيب ودرويشة اما انت لا
ميرنا : باااهي يالؤي بكلامك هذا فتحت حرب على راسك .. وجيلان تاعك بش نمسح بها الارض وبش ننشر الفيديو تاعكم ليلتها وخلي كل ناس تشوفوا .. وبش تتضرر هي زادا موش انت وحدك .. وتوا وريني حبك فاش ينفعها .. لؤي كبس عليها اكثر يحكي ولاض على لسانوا ... : والله نقتلك كون تقربها ... يكفيها لي جرالها بسببي ابعدها ميرنا ابعدها
ميرنا : كان تحبني ننساها ونبعدها .. تتزوجني ... على اخر كلمة جن ... اعصابوا فلتت منوا .. مستحيل يتزوجها ويربط روحوا بها اذا هو رفض يتزوج بجيلان لي يحس بالعطف تجاهها كيفاش يتزوجها هي لي سلمتلوا روحها بسهولة ... فطن على كلامها وقت قالتلوا راح تعطيه مهلة يفكر فيها بعثتلوا بوسة انتصار في الهواء ومشات رجعت تروح ... خلاتوا غارق يتخبط في الحاجة لي طلبتها تي راح تدفنوا بالحياة ... زواجوا منها بش يكون قرار اعداموا .. ميرنا لي كان مستصغرها طلعت اقوى ببرشا من لي كان متوقعوا ... بعد ماكان هو لي يحرك البنات كيف مايحب جات وحدة وربطتلوا يديها ويجيه لا قدر يقدم ولا قدر يوخر ... كون يرفض طلبها هي راح تضر جيلان وهذا الشي مستحيل يعملوا هو بالاساس مقرر يعتذر منها ويطلب السماح صارلو سوايع يطلب فيها وتلفونها مسكر .. حمل حالو وخرج قرر يمشيلها لدار خالتها .. لازموا يكلمها وينبها من ميرنا .. وقف سيارتوا قدام الحي تاعهم ... وصل لدارهم تردد انو يدق وبعدها تكبس على روحوا ودق ... فتحلوا راجل خالتها : مرحبا شكون انت
لؤي: أاااا..ااانا زميل جيلان نجم نحكي معاها
راجل خالتها :(تلفت يمين ويسار وجاوبو)  اوووه كون جيت لبارح كنت لقيتها اما توا لا  تركت الدار لبارح
لؤي: (مستغرب باز يكونوا عرفوا بحكاية حملها وطردوها اما لي يعرفوا انو ماعندها حد من غير خالتها حتى صحابات ماعندهاش ) وين مشات
راجل خالتها : الله لا يردها ما شفنا من تحت راسها غير الشر ... مرتي طردتها خاطرها عرفت بلي جيلان ترمي في روحها عليا وتحبني نخون خالتها معاها ... لؤي تصدم من الشي لي سمعوا ... جيلان تعمل هكا مستحيل... وتذكر ليلتها كيف عرف بلي حامل ... ضرب في مخوا ماس باز يكون الولد موش منوا .. يمكن تكون عملت علاقات بعدوا مدام راجل خالتها ماسلمش منها ... تملكوا غش كبير سب روحوا خاطروا طلع اهبل... وفاتت عليه حكاية الحمل ... وهو لي ماكل روحوا بش يطلب منها السماح تي هاي طلعت وحدة رخيسة كيفها كيف #### لي يرقد معاهم ولاعبتها شريفة بنت الفاضل وتذكر كلام ميرنا ... يعني كون يرفض الزواج منها هي راح تنشروا في الحالتين بمعنى انوا الخسران الوحيد من لحكاية هو الوحيد ... وكان وصل خبر للصحافة اسموا واسم بوه بش يطيح في الارض والكل يسحب يدوا منهم .... جبد تلفونوا وعيطلها
لؤي: انا موافقة اما بشرط
ميرنا مش مصدقة انوا وافق : لؤي تحكي بجدك...... ممممم شنوا شرطك
لؤي: زواجنا بش يكون على الورق برك ونعمل لي نحب نسهر ونبات مع لي نحب عليه بالمختصر ماتدخلش في  حياتي
ميرنا ماعجبهاش شرطوا اما عملت روحها موافقة خلي تضمن انو يتزوجها وبعد تعرف شنوا تعمل معاه
ميرنا : موافقة وقتاش العرس
لؤي: شبيك مزروبة حتى الخطبة ماصارت لحقت تخمم في العرس .... قالتلوا خلينا مانعملوش خطوبة وانا بش نقنع بابا بزواجنا ونتزوجوا بعد مايخرج عمي عمر من المشفى وهو وافق وسكر في وجهها فادد حاس انو تسرع وقت وافق اما هو عمل هذا الشي كل على جال بوه
_ فهد .. جن جنونوا وقت عرف انوا رجالوا تقتلوا في الحادث لي صار ولي جننوا اكثر انهم مالقاوش جثة جيلان ... واحد من رجالوا قالوا يمكن تكون وقت من فوق التلة بعد ماسيارة تقلبت لانهم لقاو راجل واحد مرمي خارج السيارة والاخر داخلها .... تملكوا الخوف انو يتكشف امروا.. خاصة بعد ماعرف انوا فما سيارة اخرى في مكان الحادث وجثة اخرى ...  امر رجالوا يدفنوا الجثث تاع الرجال وينظفوا المكان .... وحاتم (بوه ) مايفرقش عليه قلب الدنيا على رجالوا كيفاش ختفاو فجأة ولا واحد منهم بان كأنوا الارض نشقت وبلعتهم
💥 جام ورأيكم في ريبوند 💥