👧كرونيك يقتل :لعنة -أنثى 💗💓❤️‍🔥

16

#الحلقة_16❤❤
#لعنة_أنثى 🔥🔥
#خولة_عزيز 🌶🌶
_كان في الفيلا تاعوا الثانية ... هاز كاس في يدوا ووحدة من العاهرات تاعو لي يشيخوه قاعدة على حجروا ...
هي : تعرف لي انا مغششة منك
حاتم : كبس بقوة على درايرها ويحكي عند رقبتها  بوزينوا انا لي يتغشش .. ... تحكي معاه وتتغنج وتعمل في حركات خلاو ناروا تشعل ... وكل بدنوا يرجف ... هو نقطة ضعفوا النساء ... بعد خيانة صفية ليه رجع يشوف كل النساء كيف بعض ياخذ منهم شنوا يحب ويرميهم من حياتوا .. هوما مجرد اداة لتلبية رغباتوا وتفريغ شهوتوا حملها وطلع بها للغرفة رماها بقوة على السرير وبدا ينحي في الشوميز متاعو بالوقت رن تلفونوا جبدوا من جيبوا فاد لقاها هي .. طفاه روماه فوق الطابل دونوي وكمل الشي لي كان يعمل فيه ... زاد رن تلفونوا .. هز والعصب ماكلوا
حاتم : مش قتلك لاعاد تكلمني غير كيف نطلبك انا ؟
فريدة : كون ما الامر مهم مانكلمك توا .. الهاملة هذيكا طلعت من الدار ومارجعتش .. وغزرت لراجلها وغمزاتوا
حاتم : شنووا كيفاش طلعت ومارجعتش كلمها خليها تروح توا ... تعرف الساعة كام توا
فريدة : تلفونها مسكر وهي وقت روحت جات كيف الثور الثاير لا مسمية على النبي ولا خازية الشيطان .. وكملتها وقت سبتني وسبت راجلي وتهمتوا بلي يحوم عليها ... كانوا حد عمرلها راسها علينا وخلاها تهج من الدار
حاتم : #### الله لا يسخكم في زوج. ولا مرة عملتوا حاجة كيف الناس ...تعرفوا كان تطلبوا الفلوس اما الصح ماشفت شي ... وسكر عليها تلفون يسب ويلعن ... عاود كلم رجالوا وامرهم يلوجوا عليها في كل مكان ويراقبوا الجامعة باز تجي في الصباح ... رمى تلفون على الطابل دونوي ودور وجهوا قابلاتوا ببدنها المنحوت وصدرها المنفخ عيونوا رجعوا يلمعوا من الرغبة وبدنوا كلوا تكبس وسخن رمى كل ثقلوا عليه وطاح فوقها ينهش في بدنها كيف الكلب المكلوب وهي تحتوا تتأوه وتخرج في اصوات واهات زادوا شعلولوا ناروا اكثر .. ماسيبها غير وقت شبع منها ... قام من فوقها وتعدا لصالدوبان عمل دوش خرج لقاها غطست في النوم لبس حوايجوا... ووقعلها شيك حطوا على جنب وخرج قاصد داروا
_يوم جديد ... فتحت عينيها على يدين حنان يمسحولها على خدها ... تهزت وقت شافتها ...
سلمى : صباح الخير بنتي
جيلان : صصصصباح النور طاطا
سلمى : (تبسمت ) تنجم تقولي امي .. كيف باسل وأيهم .. على اخر كلمت تغيرت ملامحها وتفكرت طريقة كلاموا معاها كانوا مش مرحب بوجودها ... فطنت على سلمى لي قالتلها تقوم تعمل دوش وتنزل تفطر .. هزتلها براسها وسلمى عطاتها بالظهر وخرجت
جيلان : (غزرت للساعة لقاتها 8:00 تفكرت جامعتها ودروسها) تهزت مفجوعة راح عليها الحال ولازم تلحق بالوقت اصلا هذي المدة مهملة قرايتها .. قامت عملت دوش ورجعت دبشها لي كانت لابساتوا .. ومشطت شعرها وشداتو كلوا ... خزرت لوجهها تعبان واصفر والحمل زاد تعبها اكثر .. اما وقت تفكرت كلام باسل .. انو ولدها هو مصدر قوتها تبسمت ..خرجت من الغرفة ونزلت من الدروج قابلها طالع من درج جاي تحب حامل في يدو بلان تاع فطور .. غزرتلو مستغربة ... بالوقت ڨحرلها رجعتلوا تڨحيرة ومشات لسلمى لي كانت واقفة تحكي مع باسل
جيلان : صباح الخير
جاوبوها الكل من غير ايهم .. طفاها وفات للمطبخ حط لي كان في يدوا ورجع ودع باسل وباس اموا وخرج من غير مايعبرها .. الجاست متاعوا جرحتها حست النفس ضياق عليها ونفسها تلعي جرات لصالدوبان ترد ... كملت خرجت لقات سلمى وباسل قدام الباب
سلمى : انتي مليحة
باسل : باز يكون من الحمل هو لي خلى معدتك تقلب
جيلان نزلت راسها حشمت ووجهها راح ألوان وجاء أشكال
سلمى : (هزتلها راسها ) ماعندك علاش تحشم يابنتي انتي ماغلطتش هوما لي لازم يحشموا ويتقززوا من عملتهم انتي مجرد ضحية من ضحاياهم
جيلان : (ستغرب من كلامها ) ضحاياهم ..؟؟؟
باسل حس امو لخبطت الجو حب يلم الحالة ...
باسل: جيلان هيا افطر وخليني نوصلك للفاك واطلب منهم روبوا هكا ترتاح شوي ودارنا وانا وامي سلمى تحت خدمتك
سلمى : باسل يحكي صح يابنتي شوف حالتك كيف صفرا امشي خوذ اذن وارجع ريح روحك ... جيلان تسمعلهم كيفاش يحكيوا ويقرروا من رواحهم في حياتها اما في نفس الوقت تفهمتهم وعرفت انهم قالوا هكا على جال مصلحتها .. وستغربت كيفاش مزال ناس يوقفوا مع ناس ويهتموا بهم بدون مقابل ... هزتلهم براسها وقاتلهم ماعينيش نفطر معدتي مقلوبة خلينا نمشيوا للفاك حتى ماتتاخرش على خدمتك ...
💥 جام ورأيكم في الريبوند 💥