#الحلقة_62❤❤
#لعنة_أنثى 🔥🔥
#خولة_عزيز 🌶🌶
_دورت المفتاح في الباب ودخلت .... مهدودة مش قليل لي فات عليها هذوا اليومين ... جات تطلع ... وقفها صوت حاجة تكسرت تحت .. نزلت من غير ماتعمل صوت ... قابلتها وحدة لابسة توني متاع دكاترة هزت حاجبها مستغربة حكمها الفضول اكثر نزلت ... لقات هذي دكتورة مشات اما فما باب جاي ورا حيط متحرك مفتوح وقرعة دواء مكسرة ... تجاوزتها ودخلت للغرفة قابلتها وحدة طبق الاصل عليها ... اما هي بملامح أكبر كأنوا تشوف في صورتها وقت تكبر في العمر ... جنان كانت مركزة عيونها عليها هي زادة تشوف في جنان القديمة واقفة قدامها ... حاولت تعمل حركة تخليها تقرب اما كل اعضاء جسمها خانوها .... جيلان وقت سمعت صوت رجلين خرجت تجري ... تخبات تحت الدرج ... حاطة يدها فوق فمها كانها تحاول تخبي حتى نفسها ....
ايهم جن كيف لقى الباب مفتوح .... بدا يعارك فيها ... فاش تعملي انتي .... جنيتي
الدكتورة : سامحني ايهم ... قارورة الدواء تكسرت هوني وانت تعرف ... ومافماش حاجة نجمع بها الزجاج
أيهم : تقوم تفتح الباب السري وتخليه مفتوح ... كان دخل غيري اه شتعمل ساعتها .... مانحبش اخطاء كيف هذوا انا وقت غيرت مكانها .... عملت كل اللازم انك ماتحتاجش تخرج برا ....
دكتورة : ماعادش تتعاد سامحني .... دخلها ايهم وغلق الباب وضغط على البوطون رجع الحيط لمحلوا .... وقت حست انوا صايي مشاو خرجت تتسحب ... لقات الباب ختفى ...
جيلان : وينوا الباب لي كان هوني ... توا برك كان مفتوح ... عدات يدها على كل الحيط ... حست روحها كأنها كانت تحلم ... مشات طلعت لغرفتها مصدومة قعدت على طرف السرير تحكي بصوت مش مسموع
جيلان : شيصير معايا ... من جيلان بنت الحي الفقير للعميلة جيلان بوجه آخر ... يعني هذي هي العميلة #لعنة لي عطاوني وجهها ومهمتها ... شنوا مخبي عليا زادا يا أيهم ... وقفت تنحي في دبشها ..... فتح الباب دخل جمد على شوفتها واقفة عاطياتوا بالظهر عريانة مغطية كان اللازم ... عيونوا لمعوا عدا لسانوا على شفايفوا ماحسش برجليه كيفاه هزوه عندها وقف وراها صدروا ضرب في ظهرها ... قربوا منها خلعها ... رجليها فشلوا .... عرفاتوا هو من ريحتوا غمضت عيونها بقوة كأنها تحاول تقاوم المشاعر لي داخلها جبدت نفس عميق وفتحتهم ... تفكرت انها مش لابسة شي ... نزلت للأرض هزت الغوب تحاول تغطي روحها ... على وقفتها تصدمت فيه ... مزالوا واقف في مكانو ماتزحزحش ... في عيونوا برشا كلام .... تغزرلوا مش فاهمة شنوا لي قاعد يعمل فيه ... علاه يعذب فيها هكا .... هز يدوا حاوطها من خصرها جبدها بخفة ضربت فيه حطت يديها على صدروا صايي رجليها ماعادش حاملينها قوتها كل ذابت قدام نظرات عيونوا حضنها بقوة ... يديه قريب يكسروا ضلوعها ... هزت يديها يرجفوا تحاول تحضنوا هي زادا توقفت وقت حط شفايفوا فوق ربتها وطبع بوسة مرصوصة نفسوا السخون حرقها ... حست النفس تقطع عليها كبشت فيه ... طلع بشفايفوا لوجهها ... من غير مايبعد شفايفوا لين ماوصل لفمها حطهم فوق شفايفها ....يبوس فيها بشوي .... يد وحدة ماسك بها شعرها ويدوا الاخرى سارحة على ظهرها ... لمساتوا خلات رعشة تسري في بدنها ... يبوس ويمشي للسرير نزل بها وهي مزالها مكبشة فيه ...
أيهم : نكمل ؟؟؟؟
تغزرلوا مستسلمة لمشاعرها توا قلبها هو المتحكم ....زيرت بيديها على خصروا كأنها تقولوا كمل لي بديت وهو ماعطاهاش فرصة ونزل عليها تفنن فيها .... كان يسايس فيها على اللخر رسم خريطة مشاعروا على كل بدنها كأنوا أول مرة يعاشر وحدة كان هو النيران وهي البحر لي طفاه .... ماسيبها غير وقت كمل ... تنفس بجهد ... غزرلها ... لقاها حشمانة منوا ... نزل على نيفها باسوا ... وسحبها لحضنوا ... من غير مايقول كلمة ... الليلة بش تكون ليلة مشاعر مافماش كلام ولا عراك ولا لوم .... الليلة هو بصم رجولتوا عليها ... كأنوا اول راجل يتملكها ... عيشاتو ليلة خلاتوا ينسى رفضها ليه لبارح .... بقاو على هذيك الحالة لين هزهم النوم ورقد في غرفتها
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
خيال (فانتازيا)#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
