#الحلقة_67❤❤
#لعنة_أنثى 🔥🔥
#خولة_عزيز 🌶🌶
نزلت ودقت الباب .. فتحلها هزلها حاجبوا ماكانش متوقع انها ترجع بسرعة
جيلان : لتوا لا فطن
جان : فوتي ... تعداتوا ودخلت مشات لباسل لقاتوا راقد حطت يدها على راسوا ... تمنات كون كانت في بلاصتوا وماتت وتهنات من حياتها ...
جان : تعرفيه من زمان ؟؟
جيلان : لا عرفتوا من جديد .. اما كان اكثر انسان يقرا عيوني قبل لا نحكي ... تبسملها بخبث قحرتلوا وخذا الصحن لي في يدوا
جيلان : مايروحش بالك بعيد ... وكملت تاكل وتستبن كأنوا ماصار شي ...
جان : ياخي انا من ساعة واقفة في المطبخ وتجي انتي تاخذوا بسهولة
جيلان : تستبن ... ممم ناقصوا ملح
جان : نعتذروا من حضرتك كون جبنالك الشاف بوراك ...
جيلان : فكرة مش بطالة .... وكملت غطست في الصحن تاكل وتعمل في اصوات فددوه ... مشى للمطبخ ينظف الوخذة لي عملها ... لحقت وراه
جيلان : مكانش زيادة
جان : ياخي وين تلوح في الماكلة لي تاكلها
جيلان : شنوا ياخي تحسبلي في اللقمة ... خمسة في عينيك ... نبي حاضر وإبليس غايب ... ڨحرتلوا وخبطت المغرف وخرجت ...
_ غارف في تفكيروا ... هز يدوا وشاور لرجالوا يدور على طريق المقبرة .عمر : علاش جينا من هوني ... ڨحرلوا حاتم ... فددوا بأسئلتوا لي ماتخلاصش ....وصلوا نزل وامر واحد يجيبلوا فاس ... غير جابلوا طلبوا ... بدا يحفر .... قدم واحد من الرجال بش يحفر عليه دزوا وصرخ في وجهوا خلاهم يترعبوا ... رجعوا كامل ورا ...
بقى يحفر لين وصل للقاع .. خرج من الحفرة ومشى لسيارتوا هز ولدوا في حملتوا ... ونزل به في القبر ... عدا يدوا على وجه ولدوا ... غمضلوا عيونوا ...وباسوا في جبينوا ... وبدا يرمي عليه في التراب ... لين تغطى بكلوا ... نفض روحوا وجاء راجع لسيارة توقف على صوت عمر
عمر : بهذي البساطة تدفنوا من غير صلاة ولا تعملوا جنازة ... ياخي هذا هايشة ولا شنوا ....
حاتم : قبل 18 سنة دفنا مع بعض واحد( مركز على الكلمة ) من غير صلاة ولا نسيت ... عمر وجهوا تخطف ...
عمر : علاش تجبد في الماضي ... احنا في ولدك ...
حاتم : ولدي نعملوا جنازتوا وقت ناخذ بثاري من لي قتلوا ... ونعرف خرجت كلمة من لسانك ندفنك قدام صاحبك ... عمر تفجع من صاحبوا في حياتوا ولا شافوا هكا ... عملوا براسوا باهي وطلعوا في السيارة كل واحد مشى لداروا كأنو ماصار شي ولا دفنوا روح ...
فتح لباب لقى صفية وليان وجهها مخطوف ... تغزر للباب وكتاش يدخل هو زادة ... تعداهم وطلع .
ليان : بابا فهد وينوا ياخي ماكانش معاك
حاتم : فهد جاتو خدمة وسافر ...
صفية : تاعش هذي الخدمة لي بلا موعد
حاتم : خدمة وصايي ... ليان الدم جمد في عروقها ... طلعت هي زادة لغرفتها ... عيطت لباسل شي مايهزش ... مخها تحرق ....
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
