👧كرونيك يقتل :لعنة -أنثى 💗💓❤️‍🔥

8

#الحلقة_8❤❤
#لعنة_أنثى 🔥🔥
#خولة_عزيز 🌶🌶

_ليان بعد ماخرجت من المشفى كلمت اختها بش يتلاقاو موش حابة تروحلها لدار وتشوف امها اصلا مش منجم تخزر لوجهها بسببها باباهم يبهدل فيهم على الرايحة والجاية ... وميرنا تقول كانت تستنى في حد يعيطلها ويقولها اخرجي تحس في روحها مخنوقة في هذي دار حملت روحها وخرجت مشات لعند ليان لي كانت تستنى فيها برا ... ركبت وسلمت عليها
ليان : شبيه خدك احمر ...
ميرنا تفكرت الكف لي خذاتوا من امها حكمتها غصة وتقلقت
ميرنا : حتى شي خلينا من هذا الموضوع .. وتبسمت بخبث . تعرف انو عندي حاجة تخلي لؤي وبوه يركعوا عند رجلي ....
ليان : (بإستغراب ) شنوا هذي الحاجة
جبدت ميرنا تلفونها وشغلت الفيديو وعطاتهولها .... ليان حطت يدها على فمها موش منجمة تصدق ... دارت عندها وتكلمت : تعرف انوا ابليس يلزموا يعمل عندك كور ... تي هذا الفيديو بش يقلب الدنيا ... منين جبتوا ياخي
ميرنا : تضحك بتسوميم : هههههههه اختك قوية وتعرفلها تتذكر حفلة عيد ميلاد لؤي .. ليلتها انا سرقت تلفون لؤي وبعثت ميساج به للبنت وقلتلها على مكان الحفلة وكون ماتجيش لا عاد تشوفو هههههههه ... وهي من بهامتها صدقت وجات وبعدها السي لؤي ستغل الفرصة وعمل الشي لي شفتيه
ليان : والله ماقواك اما لحظة الطفلة هذي كأني شفتها من قبل ... ممممم صح صح شفتها ليوم عندنا في المشفى وباسل كان معتم بها ياسر ونشعني على جالها ...
ميرنا : اوووه علاش ياخي منين يعرفها وعلاش جات للمشفى
ليان : مايعرفهاش ... اما كيف ماتعرفي هو يعبد خدمتوا وقام بالواجب وعالجها وبسببها تفركشت خرجتنا انا وهو اليوم ... الله يسخطها مالا لكزة هي والبيبي لي في كرشها
ميرنا : شنوا شنوا ... بيبي ... علاش هي حامل
ميرنا : هك قال باسل وقت سألتوا على حالتها شبيك ياخي
ميرنا بعد ماسمعت كلام ليان نزلت بسرعة من السيارة وركبت سيارتها ومشات لدار لؤي
💥 جام ورأيكم في الريبوند 💥