👧كرونيك يقتل :لعنة -أنثى 💗💓❤️‍🔥

22

#الحلقة_22❤❤
#لعنة_أنثى 🔥🔥
#خولة_عزيز 🌶🌶
_داخل للدار تاعب ... جسموا كلو مهدود ... مخو تالف تحرق من التفكير والخدمة .. شافهم كيفاش وقفوا مخطوفين تفاجئ اول حاجة خطرت في بالوا انو يكون صار شي لجنان ... رجليه تجمدوا في بلاصتهم ... فيقوا من صدمتوا صوت اموا
سلمى : اوووه أيهم هذا انت ... هزلها بحاجتوا شنوا كان
باسل : كنا مفكرينك جيلان ... ظلمة طاحت وهي لتو لارجعت ...
سلمى : يادرى وين مشات المسكينة ... الصباح كانت حالتها حالة
أيهم : ياخي هي صغيرة حتى تخافوا عليها باز تكون ساهرتلها في كاش بلاصة ولا مشات لوحدة من صحاباتها وانتم هنا هنا على اعصابكم ...بالله شنوا مقلقكم عليها تهمل ولا تتلف ... ڨحرلوا باسل ... رجعلوا ايهم تڨحيرة تخطاهم وتعدا نازل في الدروج
سلمى : زعما يكون صح كلام ايهم وتكون مشات لوحدة من صحاباتها ... ياحيرتي عليك يابنتي
باسل : إن شاء الله تمون عند وحدة من صحاباتها ... جهيدة : ان شاء الله والله سخفتني بحكايتها ...
باسل : (يتمتم بين شفافوا ) أكيد كرامتها ماسمحتلهاش ترجع هوني من تصرفات ولدك معاها .... حمل روحوا وخرج عندوا مناوبة ليلة في المشفى
أدم نزل لتحت وقصد غرفتها لقاها فايقة ... غير شافتوا تبسمت
أدم : على سلامة ... كيف حالك ليوم ... رمشتلوا بعيونها بمعنى أحسن ... تنهد وجبد كرسي قعد عليه ... تغزرلوا كانها تسأل فيه شبيك ؟ وهو فهم عليها جاوبها بلا مايتردد
أيهم : تاعب ياسر ياجنان ... وصبري فرغ .. كل مانقول مسكت راس الخيط تتعقد أكثر ... اليوم حاولوا يقتلوا وحدة ... زعما تكون من ضحاياهم ولا مسألة خاصة ... اووووف ... دورت وجهها تغزر للصقف ... حاسة به .. خاطرها مرت بالشي لي يمر به توا ..تمنات كون تنجم تحكي وتعاونوا ... تمنات تعطيلوا راس الخيط ... اما لي مصبرها انوا قاعد يلف حول رقبتهم كلهم ... وراح يجي يوم وينجم يدخل وسطهم بلا مايشعروا ... تهز على تلفونوا لي رن لقاه رائد
أيهم : هااا شنوا صار معاك
رائد : جبت كل معلوماتها الحقيقية ... وحاب نخبرك انوا هي فاقت ودخلت في هستيريا وقت شافت الشي لي جرا لوجهها ... ضطريت نخلي الطبيب يعطيها منوم
أيهم :( نفخ بالقوي وعدا يدوا على شعروا ) باهي توا نجي ... علق عليه وقام باس جنان وخرج خلاها ... متحيرة ركب سيارتوا ومشى توقف قدام مبنى المقر نزل قابلوا رائد عند الباب حامل الملف في يدوا خذاه منوا وتعدا ديراكت لبيروه ولحق وراه رائد ... هز الملف يقرا فيه ويعاود ...
أيهم : الاسم جيلان .. كنية الاب والام مجهولة  مجهولة ..بتاريخ ##### .. كانت في الملجأ ### وتبناوها جميل وفريدة ... كبس على الملف في يدو بقوة لين عروقوا ظهروا ... عاود هز الملف يغزر لتاريخ ميلادها .. وعاود حطوا فوق البيرو
رائد : توصلت لحاجة ؟؟؟؟
أيهم : (بملامح باردة عكس البركان لي داخلوا ) هي لي راح توصلنا
رائد : كيفاش ؟؟ زعما تكون وحدة منهم
أيهم : لا مانظنش ... هوما حبوا يتخلصوا منها .. اما انا راح نعاود نزرعها في وسطهم بش تكون هي الحجرة لي نمشيها
رائد : مانظنش ننجحوا هاك دخلت باسل وسطهم اما مانجم يوصل لشي
أيهم : كنت غلطان وقت دخلت باسل ... هوما مستحيل يوثقوا فيه ... باسل ماينجمش يخون معنهتوا وهوما لاحظوا هذا الشي ...
رائد : اما هي وراقها مكشوفين قدامهم يعني بش يعرفوها من اول يوم ... ماتقولييييش .. ماخلاهش يكمل كلاموا
أيهم : بش نعطيها وجه جديد وفتح قجر بيروه جبد صورة منوا عدا صباعوا عليها
رائد : يغزرلوا ويغزر لليورة لي في يدوا سحبها منه يغزرلها ... تلفتلوا يسأل فيه شكون هذي
أيهم : #لعنة
رائد : #لعنة ؟؟؟
أيهم : العميلة #لعنة من فريق مكافحة المتاجرة بالأعضاء البشرية
رائد : رمزها السري ملفت للإنتباه .. اول مرة يصادفني إسم هكا... وزادا جمالها مش طبيعي ... وينها هي 
أيهم : دفنوها ... وقت تكشفت في الحلقة امروا أنهم ينهيوها
رائد : واااااو .. مجرد التفكير انوا وحدة قدرت تدخل وسط الحلقة شيئ يخليك تتحمس ... مممم زعما جيلان تنجم تكون في بلاصتها وتكون العملية ناجحة
أيهم : ممممممم جيلان ولعنة عندهم نفس الملامح وهذا راح يسهل علينا الأمر ... كلم الدكتور التجميلي تاعنا وخلينه يبدا في الاجراءات الاولية للعملية
رائد : زعما هي تقبل ... راح توافق انها تحمل وجه غير وجهها مانظنش بش يكون ساهل عليها انها تتأقلم مع منظرها الجديد ... حتى ولو كان وجه #لعنة ساحر
أيهم : مجبورة انها توافق ماعندهاش حل اخر ... خرج وخلاه مصدوم من تفكيرو .. زعما على شنوا ناوي
💥 جام ورأيكم في الريبوند