👧كرونيك يقتل :لعنة -أنثى 💗💓❤️‍🔥

86

تفاااعل

#الحلقة_86❤❤
#لعنة_أنثى 🔥🔥
#خولة_عزيز 🌶🌶
_في الوقت هذاكا كانوا رجال جوزيف هجموا على فيلا حاتم ...فتشوها بلاصة بلاصة مالقى حتى شي ... نزلوا للقبوا وين خبرتهم صفية ... مالقاو حتى حد لقاو سلسلة مرمية في الارض هزوها ... وقت كانوا خارجين تصادموا مع رجال حاتم وبدا الرصاص من الجهتين ... بقاو مدة هكا اما رجال حاتم كانوا اكثر .... جبد واحد من رجال جوزيف تلفون وطلبوا
جوزيف : ها لقيتوها ... ( يسمع في صوت الرصاص ستغرب )
الراجل : معلم مفماش حتى بنت هوني و رجال حاتم حاصرونا
حاتم : انسحبوا بسرعة وماتخليو حتى واحد منكم يتمسك .... علق عليه ودار لصفية يسب
صفية : جابوها معاهم مش هكا ؟؟؟
جوزيف : كل من جرايرك على شعرة رجالي تمسكوا ... رجال حاتم هاجموهم
صفية : وبنتي شصارلها
جوزيف : مالقاوهاش باز يكون غيرلها مكانها ... طاحت صفية في الارض تندب وتبكي على بنتها لين فدداتوا .... بالوقت كانوا رجالوا نسحبوا من المكان ونجموا يتخلصوا من رجال حاتم ....
_ بعد ماخلصت العركة وتوقف صوت الرصاص ... راجل حاتم جبد تلفوا وكلم حاتم
الراجل : معلم فما شكون هاجم دارك
حاتم : حكمتوا منهم شي حد
الراجل : لا معلم نجموا يهربوا ... اما الواضح انهم كانوا يلوجوا على المدام ميرنا .... علق عليه حاتم يسب يتمتم بين شفايفوا
حاتم : معنتها هربت وحدها مش صفية اللي عاونتها بش تهرب ... .. وهذا اللي عطاه امل انوا ينجم يستغل صفية ...
_توقفت قدام دار جان .... دورت ميرنا وجهها ليها
جيلان : صايي وصلنا انزل توا .... نزلت جيلان ومشاتلها عاونتها ... قربوا للباب هزت يدها باه دقدق .. تفتح بالوقت ...كان جان وقتها خارج ... تصدم وقت شافها ومعاها وحدة شبه جثة
جان : شكون هذي
جيلان : في عوض ماتسأل حملها عليا .... قرب منها وهزها في حملتوا ودخل بها ...حطها على الفوتاي وهز راسوا يسأل فيها بعينيه ...
جان : شبيها ... شعندها ... تلبكت جيلان على سؤالوا ...
جيلان : دايخة
يغزرلها كيفاش ترجف والعرق يتتصبب على جبينها ... وقف جاب ادواتوا الطبية وبدات يعدي عليها ... وهي واقفة قداموا ترجف بكلها ... خايفة تقولوا بحالتها وتخلطها على روحها مش ناقصة مشاكل
جان : حالتها مش تعجب لازم ننقلوها للمشفى
جيلان : لاااا ... غزرلها مصدوم من ردة فعلها ....
جان : علاش لا ياخي تحبها تموت هنا ..
جيلان : ممممش انت دكتور عالجها هوني مايلزمش مشفى
جان : علاش خايفة وشكون هذي
جيلان : حكاية طويلة اسعفها بالاول وبعدها نحكيو
جان : كان ماكش بش تحكي ... بش نهزها ونمشي للمشفى ...
جيلان : هي هربانة كانت مخطوفة وانا نقذتها ...
جان : جيلان حالتها متدهورة لازم ننقولها للمشفى ...انا بش نأمن دخولها للمشفى من غير مايشلق حد ... عندي صاحبي هو بش يساعدنا ....  اوثق فيا جيلان .... بقات مترددة كان توافق ولالا ... نزلت عيونها تغزرلها كيفاش غارقة في عرقها وتهترف ... سخفتها حالتها ... ماهي السبب لي وصلها لهذي الحالة ... عملتلوا براسها باهي .... نزل جان على ميرنا حملها ومشى بها للباب ...
جان : جيلان شبيك واقفة افتحلي لباب ... تخطفت على كلاموا قربت تزرب فتحتلوا باب الدار وزاد قربت فتحتلوا باب السيارة الخلفي حطها داخل السيارة وركبت معاها حطتلها راسها في حضنها وتمسحلها العرق اللي يتصبب منها ....
__ كان قاعد في شرفة الغرفة ..رجل فوق رجل سيجاروا في يدوا ... ملامحوا باردة ...حتىدخل عليه واحد من الرجال .... اشارلوا بيدوا بش يحكي لي عندوا من غير مايدور وجهوا ...
الڨارد : بوص رجال حاتم هاجموا رجالنا بالقرب من فيلا حاتم .... تكلم بصوت كلوا بحة ورجولة
البوص : شكون لي هاجم شكون ؟؟ سؤالوا خلاه يتردد يجاوب
الڨارد : رجال جوزيف لي هاجموا رجال حاتم
البوص : اطلبلي جوزيف خليه يجي
الڨارد : حاضر بوص ... وخرج بعد ستأذن طلب جوزيف لي جاوب من اول رنة
جوزيف : شتحب
الڨارد : البوص طلبك ولازم تجي توا ... جوزيف كأنوا سطل مأء وطاح فوق راسوا باز يكون عرف الشي لي صار
صفية : شبيك جامد ... شكون طلبك ...بنتي بخير مش هكا ؟
جوزيف : بخير بخير اما توا لازم نمشي ... خلاها واقفة وهز مفاتحوا وخرج رايحلوا ..