👧كرونيك يقتل :لعنة -أنثى 💗💓❤️‍🔥

95

#الحلقة_95❤❤
#لعنة_أنثى 🔥🔥
#خولة_عزيز 🌶🌶
أيهم ورائد بعد مالوجوا دار جان رجعوا للفيلا متاعوا .... دخلوا لقاو خولة واقفة ... تعداهم أيهم ومشى للميكروا وحرك الشاشة لغرفة جيلان .....
رائد : فاش تعمل
أيهم : نشوف في الكاميرات ..... خولة بلعت ريقها ... وقتها طلعت الصورة .... يغزرلها كيفاش دخلت للغرفة وحكات مع جنان لي اشارتلها بيدها للباب السري .... خبط البيرو بيدوا وسب
أيهم : جنان #### إلا مانحكمك انتي وبنتك .... رائد وخولة فتحوا فمهم على وسعوا
رائد : شنواااااااااا .... جيلان بنت جنان ... شنوا هذا تخبيص
خولة :( بخبث ) وضحت الحكاية هي عرفت انوا جنان امها والمنظمة دخلتها وسطكم بش تنقذ امها ....
رائد : كلام خولة منطقي يعني طول هذي المدة وجيلان تمثل علينا البنية المظلومة لي دور على الانتقام ...
_رجال ايهم كانوا يراقبوا في دار جان .... شافوه وقت نزل من الطاكسي وحدوا بقى مدة قصيرة داخل الدار وصاحب الطاكسي يستنى فيه ... جاء بش يبلغ ايهم لمحوا كيف عاود خرج وطلع في الطاكسي رجع التلفون في جيبوا وقام لحلقوا .... مش وقت يتلهى ويضيعوا ... بقى لاحقوا لين توقف قدام الكلينيك نزل جان وخلص الطاكسي ودور وجهوا يمين وشمال ودخل .....وقتها ايهم كان غارق يصارع داخلوا كلام خولة ورائد كان يرن في وذنوا كيف الناقوس لي يصرع الراس ... بش يجن ... يعني طول هذي المدة تستغل فيه ... قربها منوا وحتى الليلة لي عيشتهالوا كانت مخططتلها ... بعد ما حركت مشاعر داخلوا رجعت طعناتوا في قلبوا .... تنفض على صوت تلفونوا لي لقاه واحد من رجالوا ....
ايهم : ها فما جديد
الراجل : حضرة الجنيرال الراجل لي طلبت نراقبوه هو توا دخل لكلينيك خاصة في شارع ******
علق عليه ايهم وغزر لرائد لي كان يسأل فيه بعينيه
أيهم : امشي هوما توا في كلينيك ****** الحقيرة خذات امها وحطتها في الكلينيك خولة كانت تسمع في كلامهم وسمعت العنوان لي قالهولوا ... هذي فرصتها لازم تستغلها قبل لا يلحق أيهم ورائد سحبت روحها من بينهم وخرجت .... جبدت تلفونها وطلباتوا ....
خولة : هوما توا في كلينيك ****
البوص : نتمنى هذي المرة كلامك يطلع صحيح
خولة : المرة لي فاتت زادا قلتلك الصح اما الحقيرة جيلان هربتها  لي طلعت نفسها بنت المرأة لي تلوج عليها ... علق عليها وأمر رجالوا يهاجموا الكلينيك ..... أيهم ورائد بعد ماتصلوا بفريق القوات الخاص بهم خرجوا من المكتب .... وطلعوا ركبوا سيارتهم ومشاو .... خولة كانت تغزرلهم وتتبسم بخبث
خولة : سامحني رائد أما انت طلعت غبي برشا هههههه ... غزرت لتلفونها وعملت اغنية وقاعدة تشطح عليها ... عاملة جو .... كأنها ماعملت شي ....
_باسل حط تليفونوا يتشارجا وبعدها عاود تصل بالرقم لي عيطتلوا منوا جيلان اما شي حد مايرد .... نفخ بالقوي لحضتها دق جرس الباب حسبها جيلان قام يمشي وماسك ظهروا يتوجع فتح الباب لقاها ليان ....
باسل : ليان هذي انتي ... هزتلوا بحاجبها
ليان : علاش كنت تستنى في وحدة اخرى ....
باسل : بربي ماتكبريهاش ... وادخلي .... غزرتلوا كيفاش يمشي ويتوجع ... قربت منوا وساعداتوا يمشي لمسة يدها خلات بدنوا كلوا يتكبس غزرلها بالوقت هزت عيونها وجات عينوا في عينها وهي نسات كل غشها منوا .... اما هو فغرق في بحر عيونها ماحس غير بروحوا وقت هز يديه ومسكلها رقبتها وغطس في شفايفها يبوس ويمص .... اما هي وقفت جامدة من عملتوا رجليها فشلوا عليها هزت يديها وكبشت على جنبوا حاسة روحها بش طيح بوسة منوا دوختها ... جبد روحوا منها وقت حس النفس تقطع عليها .... ماعرفش روحوا علاش عمل هكا حس انو تسرع وستغلها ...
باسل : سامحني ليان أما ... ماخلاتوش يكمل وقاطعاتوا
ليان : لا إنسى لي صار توا .... كانت تعرف بش يقولها لحظة ضعف .... عاوناتوا وخذاتوا لغرفتوا وخرجت تعملوا عشاء .... غير طلعت من الغرفة حطت يدها على شفايفها .... قلبها تحسوا بش يطلع .... تنفضت على صوت تلفونها ... لقاتوا بوها ...
ليان : على سلامة بابا
حاتم : وينك توا ... السؤال لي خلاها ترجف من الخوف ... بلعت ريقها وجاوباتوا
ليان : انا في المشفى وين نكون ...
حاتم : باهي ... حبيت نطمنك انوا امك وميرنا طلعوا سياحة ...
ليان : شنوااا .. منين جات هذي السفرة الاول فهد وتوا امي وميرنا ...
حاتم : سكر فمك واسمعني .. اولا فهد مشى في خدمة اما ميرنا نفسيتها تاعبة وامك قترحت انها تاخذها لمكان اخر حتى تريح نفسيتها ... كمل خدمتك وامشي للدار .. باهي
ليان : باهي ... علقت عليه وعقلها مانجمش يستوعب الحكاية ياخي على الاقل يكلموني ويقولوا هانا مسافرين بالكشي نحب نمشي انا زادا ... خطفها صوتوا وقت حكى
باسل : شبيك تحكي وحدك
ليان : ها لالا .. كنت نحكي مع بابا وعلمني انوا امي وميرنا سافروا برا لبلاد ....
باسل : يمكن موت لؤي اثر عليها وخلا امك تاخذها في سفرة تغير جو ...
ليان : ..يمكن ... بش نمشي نحضرلك حاجة تاكلها ....
باسل : هاني جاي معاك فديت وحدي ... تبسمتلوا ودخلوا للمطبخ .. هي تقص في الخضرا وهو يهز ويذوق ... لين كملوا حضروا العشاء ... طبعا مع شوي مناوشات بينهم ....
💥 جام ورأيكم في الريبوند 💥