👧كرونيك يقتل :لعنة -أنثى 💗💓❤️‍🔥

28

#الحلقة_28❤❤
#لعنة_أنثى 🔥🔥
#خولة_عزيز 🌶🌶
تقدمت وهي ماسكة في يد ايهم
أيهم : مد يدوا لؤي وباركلوا وزاد بارك لميرنا ... تغزرلوا كيفاش مبرد دموا ويتعامل معاهم عادي كأنهم حبابوا تمنات كون جات عندها ربع من ثقتوا بنفسوا  .. فطنت من سرحتها وقت عرفها عليهم : نقدملكم شريكتي جيلان
لؤي : وجهوا تلخلخل وقت سمع اسمها وميرنا ماتبعدوش
جيلان : ألف مبروك ميسيو لؤي ... مبروك مدام ميرنا وسلمت عليها ... ميرنا سلمت عليها وهي بكلها ترعش يعني حتى وهي ميتة مزال اسمها لاحقها ... لؤي وقت سلم عليها حس بشي غريب جذبوا ليها ... شي ماعرفش يفسروا كأنوا نفس لمسة ايدها .. نفس لمعة عيونها اما هذي عيونها بارزين وشخصيتها قوية على عكس جيلان لي كانت شخصيتها ضعيفة .... سي عمر ماتحملش وقرب منها يحب يستفسر اكثر
عمر: أيهم ماعرفتناش بشريكتك من قبل ... ايهم جاء ينطق سكتاتو هي وقت تكلمت
جيلان : مرحبا انا جيلان يوسف شريكة أيهم في صناعة المواد الطبية كنت في امريكا وتوا رجعت هوني بش نستقر ووقت عرض عليا ايهم اني نشاركوا مارفضتش ... سي عمر حس بخيبة امل ... كان متمني تكون عندها علاقة بها او قريبتها اما كل امانيه طاحت في الماء .. جهيدة تبسمت بخبث وقت شافت وجهوا لي تعكر وقت عرفها هي شكون ... مشات لعندها تسلم عليها
جهيدة : مرحبا بك عزيزتي انا جهيدة زوجة عمر وام لؤي ... تبسمتلها جيلان وبعدها ستأذنت منهم ومشات هي وأيهم ورائد قعدوا على طاولة في الزاوية بعيدة الناس وموقعها يخليك تشوف كل الحاضرين ... باسل كان واقف مع ليان وفهد ... يڨحر لخوه على الشي لي يعمل فيه وشكونها هذي البنت لي عامل منها نسخة طبق الاصل على جنان ... فهد هز كاستوا ومشى جهتهم يتبسم
أيهم يغزرلهم ... ويحكي من غير مايدور وجهوا : ضحيتك الأولى جاتك برجليها ... بلا مانعاود نوصيك ... غزرت لفهد وبعدها غزرت لأيهم تبسمتلوا ... بالوقت وصل فهد
فهد : (مدلها يدوا ) على سلامة أنا فهد حاتم *** ولد رجل الاعمال حاتم *** ....
جيلان : مرحبا ونظن سمعت إسمي قبل شوي مايشقاش نعاود نعرف بروحي ... تبسم أيهم ورائد على جنب
فهد : هههههه واو وشخصية اقوى زادا ...ممم نطلبلك كاس
جيلان : عيشك اما انا مانشربش
فهد : باهي نطلبلك عصير .... هزتلوا براسها باهي ... رائد ستغل الفرصة وراح يشوفلوا كعبة يعدي بها السهرية ... أيهم بقى يغزرلهم كيفاه يحكيوا وفد من نظرات فهد ليها حمل حالوا ومشى لطاولة باسل
أيهم : مرحبا
ليان : مرحبا أيهم ياخي وينك هذا
أيهم : هاك تعرف الشركة والخدمة حتى الدار مانيش نروحلها مش هكا باسل .... باسل هز راسوا مش عارف على شنوا يحكيوا خاطروا كل تفكيروا في جيلان والشبه لي بينها وبين جنان ... مستحيل يكون نفس تطابق هذا
باسل : ها شنوة قلت
أيهم : ظاهر انك مش معانا جملة لا تكون كاش وحدة خذاتلك عقلك ( عملها عمدا بش يعصب ليان )
ليان : لا باسل مش هذا النوع
أيهم : ههههههه مالا شنوا نوعوا ... كيفك مثلا ... ليان تلبكت وحستوا نبزها ... لمت روحها وعملت حالها تمشي بش تريڨل مكياجها هي من الأصل ماتهضمش أيهم تتحملوا خاطر خو باسل فقط ....
باسل: على شنوا ناوي
أيهم : شتقصد
باسل : غزر لجيلان وغزرلوا .. شكونها هذي
أيهم : شريكتي الجديدة ... وماعندهاش ياسر منين جات من امريكا تي شبيكم كل مصدومين وقت شفتوها
باسل : ماتفركهمش عليا ... ماتكونش هذي جنان
ايهم : هههههههههه جنان ههههه ياخي انت دارس ولا شنوا كون قالهالي شي جاهل كنت صدقت اما انت ههههه
باسل : سكر #### فمك وجاوبني كيف الناس من يوم مشيت من الدار وخذيتها معاك ماظهرش عليك خبر امي كل يوم تسأل عليك ... وانت ندرا في شنوا غاطس راسك ... وارواح هوني فهمني انت وين خذيت مرت خالي ..
أيهم : شمدخلك انت فيها ياخي ... رجعتها على المشفى خاطر حالتها ساءت
باسل : اي مشفى
أيهم : اووووف مش وقت اسئلتك عاد ... بربي تهنى جيلان مش نفسها جنان انا زادا تفاجئت وقت شفتها تشبها
باسل : تشبهها شنوا تي طبق الأصل منها وقت كانت صغيرة
ايهم : مش يقولوا يخلق من الشبه اربعين ... بربي فكني ... خلاه ومشى هز كاس فرغوا ضربة وحدة
باسل : والله نبقى وراك يا أيهم حتى نعرف شنوا تخطط .. مستحيل نخلي شكوكك ترميك في الهاوية
💥 جام ورأيكم في الريبوند