👧كرونيك يقتل :لعنة -أنثى 💗💓❤️‍🔥

36

#الحلقة_36❤❤
#لعنة_أنثى 🔥🔥
#خولة_عزيز 🌶🌶
مكسلة في الفرش ... تخمم في كل شي صار قطع تفكيرها وقت خرج من الصالدوبان لاف على روحوا منشفة عيونها لمعوا على منظروا ...تشهات تحضنوا وتغطس في شفايفوا ... نحات لحاف من عليها وقامت صدرها الكل على برا المعري كتر من المغطي .. مشات وحطت يدها على ظهروا قاعدة تتلمس فيه .. على لمستها غمض عيونوا للحظة تخيلها هي ... تخيل لمعة عيونها ..شفايفها.. صوتها ايه هو يحبها ... ماينجمش ينكر انو حبها اما بعد واش بعد ماخسرها ماتت من غير مايحاسبها من غير ماتفسرلوا علاش عملت هكاكا علاش كذبت عليه كل ماعقلوا يصورهالوا بالصورة الخايبة قلبوا يرجعها ملاك ... فطن من سرحتوا وقت حكات
ميرنا : حبي ماتوحشتنيش .. ماتوحشتش بدني خلينا نمشيوا لشهر العسل نعديو ايام حلوا ونشيخك فيها ... على صوتها دار ودزها خنقها ... عيونوا تقدح نار ...
لؤي : ماعادش تقربني ... يديك ماتلمسنيش
ميرنا تبكي : علاش تعمل هكا .. ياخي قبل زواج كنت تبات معايا وتوا رجعت تنفري مني ..باز تكون سحراتك ... انساها لؤي وخلينا نبداو من جديد هي ماتت ومشات اما احنا مزال
لؤي : مستحيل ننساها هي ساكنة هوني (ويخبط على قلبوا ) كان عقلي كرهها وقرر ينساها قلبي لا هي كيف الجمرة قاعدة هوني في قلبي تكوي فيا كل ليلة
ميرنا : اعطيني فرصة وانا نسيك فيها
لؤي: انتي الكلام معاك مايفيدش ... تي نقولك رجعت نشوفها في احلامي تقولي انساها انا ريحتها مزالها في انفي ... نعرفش علاش حاسس انها قريبة مني .. في بالك انا مانيش حاب ننساها ... انا بالرغم لي عملاتوا مانجمتش نكرهها ... ايه انا طلعت نحبها ومش عارف توا فهمت علاش كنت نغير وقت نشوف كاش واحد يغزرلها ... اما عرفت متأخر .. اتهنى يالا انتي لوحيدة لي طلعت الكسبانة في الحكاية
ميرنا : لا غلطانة هي ماتت ولعنتها مزالها بيننا هي لعنة وحلت على راسي ... كون انت ماتتخطاش هذي اللعنة بش نتحرقوا بجحيمها ...سخفاتوا حالتها بالرغم انو كل كلمة قالتها صحيحة اما هو ماينجمش ... ماينجمش يعاشر وحدة بعد موتها لؤي لي كان كل ليلة مع وحدة رجع عايف كل البنات حتى مرتوا وقت تقربلوا يشوف صورتها فيها ويتذكر الشي لي عملتوا يصدها ... راح يجن
_عند رائد ... بعد وصل جيلان رجع ديراكت عند أيهم لقاه غاطس في الورق وpc مفتوح قدام ومشغل الصوت تصدم هو زادا من لي يسمع فيه رائد : مستحيلللل ... معنتها فهد وليان زادا ضمن المنظمة وليان هو لي يشرف على العمليات ولا مرة خطرت في بالي
أيهم : ولا انا ... قولي شبيك رجعت وحدك وينها جيلان
رائد : ااه جيلان ... جيلان خليتها في الشركة لان صار شي ... المرأة لي تبنات جيلان ليوم ماتت في حادث قدام الشركة
أيهم : شنوااااااا .. وقف وقلب الكرسي ... شكون هذا لي عملها .. شكون لي راهو يلعب معانا ويمسح في كل الادلة لي نمشيو وراها ... وراجلها شنوا صارلوا
رائد : ماك تعرف جيلان خلاتو يخسر في القمار ودخلوه للحبس لان سنيا على شيكات بلا رصيد
أيهم : قووم لازم نمشيو توا عندوا هو الخيط الوحيد لي يوصلنا لأهلها ... خرجوا وقصدا السجن ... بالوقت جابوا السجان ... فرح وقت شافهم يحسب فريدة عينتلوا محامي .. جبد كرسي وقعد
جميل : انت لي بش طلعني من هوني مش هكا .. أيهم غزر لرائد وبعدها تكلم
أيهم : كان ساعدتني نساعدك
جميل : ايه ايه نساعدك
أيهم : جيلان (على اسمها جميل بلع ريقوا ) نعرف انها مش بنت اخت مرتك نحب تقولي شكون اهلها
جميل : ماااانننننعرفش
أيهم : قوم رائد باين حاب يموت هنا
جميل : لااا اتوقف .. استنى .. بش نحكيلك
ايهم : تفضل نسمع فيك
جميل : جيلان مش بنت نسيبتي احنا تبنيناها ... بطلب من شخص اما انا عمري ماريتوا كان يتواصل ديما مع مرتي نعطيك عنوانها وهي تحكيلك  ...
أيهم : نفخ بالقوي ... كلامك مافادنيش لان مرتك تقتلت وكان بقيت ساكت انت زادا بش تموت .. هوني
جميل: تصدم ووجهوا لخلخل صحيح مايحبهاش وكان عايش معاها خاطر تعطيه فلوس القمار اما حزن على وفاتها .. مرتي كانت محتفظة بكل شي يتعلق بجيلان عندنا في دار كان خزنة فيها كل شي تنجموا تمشيو وتلوجوا يمكن تلقاو لي تحوسوا عليه ... قام ايهم ولحقوا رائد
جميل : وين ماشيين وعدتوني بش تخرجوني من هوني
رائد : ماتخافش بش نطلعك من هوني ... مشر ايهم ورائد وخلاو جميل لي رجعوا السجان للزنزانة تاعوا .. جميل حس بريقوا نشف والعرق يتصبب عليه حمل حالوا ومشى للحمام ... اما فما حد غدروا وطعنوا بسكينة
💥 جام ورأيكم في الريبوند 💥