👧كرونيك يقتل :لعنة -أنثى 💗💓❤️‍🔥

32

#الحلقة_32❤❤
#لعنة_أنثى 🔥🔥
#خولة_عزيز 🌶🌶
_يوم جديد على الكل ... قامت ناشطة على غير العادة عملت دوش وفاتت لدرسينڨ تلوج على  غوب تلبسها قابلتها وحدة في نواغ قاستها جاتها سوغ طاي بينتلها مفاتها كل ... عملت شعرها كيرلي وحطت مكياج خفيف .. وخرجت لقات رائد وأيهم يفطروا .. صبحت عليهم و جبدت كرسي وقعدت تفطر ... السكوت مخيم عليهم ... كسر صمتهم رائد وقت حكى
رائد : (غمزها) كان واجدة لمهمتك الجديدة نمشيوا ؟؟
جيلان : مممممم وقامت طبست تهز كاس العصير لي محطوط قداموا بان صدرها.. كان يغزرلها تحت تحت ... وقت طبست عليها قابلوا صدرها عدا لسانوا على شفايفها ... جسموا كلوا تشنج حس بالسخانة حرقاتوا مع انو الجو باهي ... مشات وخلاتوا محروق بالنار لي شعلتها فيه بلا ماتحس ... ناض يسب ويلعن في افكاروا دخل لغرفتوا عاود عمل دوش برد به روحوا ... يغزر للمرايا ويحكي ... لا ايهم لا انت مستحيل تخونها ... جيلان ماتعنيلك شي ... لازم ماتتأثرش بانوثتها ... .كمل لبس وخرج بالوقت رن تلفونوا لقاه باسل نفخ مش وقتوا خلاص
أيهم : شتحب
باسل : ناس تصبح قبل ...امي بش تسافر وتحب تشوفك قبل لا تمشي
ايهم : (مستغرب ) وين بش تمشي وعلاش
باسل : كون كنت تروح لدار وتسأل كنت تعرف ..
ايهم : بفففف باهي باهي هاني جاي ... ركب وقصد دار اموا
جاء يدخل تفتح الباب في وجهوا ... قابلو باسل
باسل: شنوا واخيرا شفناك
أيهم : تي لبارح برك كنت معاك
باسل : وعلى لبارح مزال كان كلام بيننا
أيهم : ماتدخلش في خدمتي .. دزو ودخل لقاها قاعدة غير شافتوا مشات عندوا تحضن فيه وتبوس
سلمى : هكا يافرخ شهر لا تسأل ولا تحوس
أيهم : بربي امي راجل طول وعرض تقولي فرخ
سلمى : ماتلفنيش بالكلام اقعد خلينا نحكيوا ...
ايهم : باسل قالي انك بش تسافر خير
سلمى : مممم جاني عرض في ألمانيا بش نكون رئيسة الاطباء في المشفى ... وانا بعد ماخممت مع روحي قررت نمشي ... لان ماعندي مانعمل هنا ... لي كنت على خاطرها ... تجاوزت مرحلة الخطر وهاك انت توا تهتم بها ... وزيد انت خذيت طريقك وباسل كل يوموا في المشفى وانا مقابلة هالحيوط لا نجم نطلع ولا نجم نستانس ..
أيهم : سامحني امي نعرف اني جبت هوني وحبستك بين اربع حيطان .. اما ماكان عندي حتى حد نثيق فيه اكثر منك ... وانا بش نوافق على كل شي تعملوا ... هزتلو براسها وحضناتوا
سلمى : الله يخليلي ياكم انتوا لي طلعت بكم من هذي الدنيا ... الله يوفقك وتوصل للي تحب عليه ...... بعد طمن على اموا وودعها خرج ومشى للشركة تاعوا يستنى في تلفون رائد وجيلان يطمنوه بأنوا الخطة تمت
_في شركة حاتم وعمر ... تمشي وكل العيون عليها .. صوت طالونها مسموع من آخر الدنيا .. خصرها يتهز يمين ويسار شعلت شهوت الرجال لي لثم كل ... والبنات يتهامزوا بين بعض ويسألوا شكون هذي ... وهي كأنها مش شايفة حد هازة راسها لفوق وتمشي بغرور ... لين لحقوا لغرفة الإجتماع ... توقفت خذات نفس طويل وفتحلها رائد الباب دخلت ... الكل دارولها ...صدمتهم كانت كيف البارح ... اخر واحد توقعوه يكون شريكم الجديد
حاتم : اوووه مدام جيلان
رائد : مرحبا نقدملكم الشريك الجديد للشركة ... الكل فتح فموا خاصة جهيدة ... قلبها مش مطمنها ومارتاحتلهاش اما صفية فكانت تتبسم ... وعجبها حضورها
صفية : مالا صدفة.. كل يوم بمفاجئاتك يادرا بشنوا بش تصدمنا غدوة  ...وسلمت عليه
جيلان : ههههههههه لا مفاجئات لا شي ... هي مجرد صدفة جميلة وجمعتني بكم ... وانا وقت عرفت انكم تحوسوا على شريك جديد قررت نخدم معاكم ماكم تعرفوا اسمكم كبير في السوق وشراكتكم بش تفيدني وفي خدمتنا الشاطر يقفز ... عمر ساكت بقى يغزرلها وقت يشوفها ترجعوا لسنين ورا ... فرح من داخلوا انها بش تخدم معاهم ويشوفها كل يوم ... مايعرفش علاش اما لي يعرفوا انوا كان مهوووس بهذا الوجه ... لدرجة انوا قرر يضحي بكل شي ويمشي وراها للموت
جهيدة : تهمس ..نعرفش علاش كل شي مخطط ... وكي تحب تشاركنا علاش شريت الاسم بإسم محاميك
جيلان : (تبسمت بثقة ) رائد مش برك محامي متاعي هو يدي ليمين وثقتي فيه فوق ماتتصوري ...
حاتم : تفضلوا خلونا نوقعوا على الشراكة ... وقعوا الكل غير جهيدة ترددت مع الاول وبعدها ڨحرلها حاتم ... سحب الاوراق ووقعتهم ودزتهم .. قامت معصبة وخرجت ... وهذا كل تحت انظار جيلان لي تتبسم من داخلها على انتصارها ... اما صفية فكانت تتبسم بشر لانها واخيرا جات لي تكسر شوكة جهيدة ...
صفية : خليني نعرفك بغرفتك .... هزتلها جيلان براسها وخرجوا .. وصلوا لرواق لي مكتب لؤي توقفت ...
جيلان : مايسالش نختار انا الغرفة
صفية : (تلبكت )  ااه ايه ايه مايسالش انتي كيفك كيفنا هوني
💥 جام ورأيكم في الريبوند 💥