👧كرونيك يقتل :لعنة -أنثى 💗💓❤️‍🔥

33

#الحلقة_33❤❤
#لعنة_أنثى 🔥🔥
#خولة_عزيز 🌶🌶

دورت راسها على كل جهة وبعد تقدمت لغرفتوا ... تأملتها مليح وتكلمت
جيلان : عجبتني هذي ... موقعها استراتيجي ومشروحة تفتح النفس على الخدمة
صفية جات تنطق ... سكتها صوت جهيدة
جهيدة : لا ماتنجمش خاطر هذي الغرفة غرفة ولدي لؤي
جيلان : ( كيلتها من فوق لتحت ) مممم لؤي عندوا ايهم هوني ؟ صدمهم سؤالها
صفية : لا ماعندوش هو يخدم برك في شركة بوه
جيلان : مالا خلاص من اليوم غرفتي هذي ... بإعتباري شريكة هوني معنتها عندي الحق نعمل لي نحب عليه ... جهيدة العصب كلاها ... طلعت ماقواها وبش تعبها ياسر ... مشات وخلاتهم .... فتحت باب غرفتوا بالقوي
جهيدة : انتم لزوج بش طردو اللفعة هي زرعتوها وسطنا
حاتم مش فاهم حاجة ... . عمر : على شكون تحكي
جهيدة : على اللفعة جنان .. قصدي جيلان
حاتم : شعملتلك حتى صرت كيف البركان
جهيدة : ست الحسن والجمال بكل رقعة وجه حبت تاخذ غرفة لؤي
حاتم : شفيها يعني خليها تاخذها هي شريكة هوني وتنجم تختار لي تحب
جهيدة : اعطيها غرفة فهد كيف عاجبك لي تعمل فيه
عمر: جهيدة تلم وماتكبرش الموضوع على حاجة تافهة
حاتم : كان طلبت غرفة فهد كنت نحيتهالو وعطيتهالها .. احنا هوني على جال الخدمة مش لعب صغار .. وخرج خلاهم قلقاتوا هوما فاش وهي فاش تخمم
عمر : انا نعرف انو مش همك الغرفة ولا لؤي. .. تعصيبك هذا كل لانها تذكرك بها ... انت مازالك ضعيفة قدام شبح تاعها
جهيدة : ههههههه نخافها تي تحلم .. ماتنساش ان انت لي كنت ضعيف قدامها هي ختارت ادم وسيبت يدك انت كنت مجرد لعبة في يدها تمشيها كيف ماتحب ... قبل لا تحكي حاسب روحك قبل ... خرجت وخلاتوا ... كل كلمة عندها حق فيها صحيح هو كان يضعف بلمسة منها .. بنظرة منها ... وتوا نفس الاحساس تملكوا وقت شاف جيلان احساسوا ماتغيرش
_ قاعدة في الكرسي متكية راسها لورا ودور به ...تبسيمة مافارقتش وجهها ... هي بش الافعى لي تحضنهم كلهم ويتغلغل سمها في عروقهم ... رائد عيط لأيهم آبال فيديو ... وقعد يدورلوا في تلفون على كل المكتب ... لين وصل لعندها ... وقت شافها كيفاش قاعدة بكل ثقة وغرور ... ساق فوق ساق ... تبسم ... وبقى يخمم كيفاش كانت وكيفاش رجعت من فرخة صغيرة فقيرة  لوحدة راقية  بكامل اناقتها وفوقها وفوقها شخصيتها لي كل يوم تقوى ... ملا عينوا منها وعلق عليهم ...
جيلان : تعرف انو كان حلمي اني نتخرج ونخدم ونكسب قوتي بالحلال ونشري دار ونتزوج ونعمل عيلة
رائد : احلامك كانت بسيطة ... اما توا مكانش احلام كان افعال برك
جيلان : عندك حق .. وتوا خلينا نمشيوا نكملوا شغلة كنت هاملتها من زمان ... تبسملها رائد لان فهم قصد وخرجوا ...وهي تمشي وتضحك مع رائد تصدمت في حد هزت راسها قابلها فهد
فهد: مدومزال جيلان عندنا هوني ...وانا نقول شبيها الشركة منورة
جيلان : هههههه على سلامة حشمتني ...
رائد : ماك بش تشوفنا كل يوم هنا ... هزلهم فهد بحاجبوا ..
جيلان : انا شريكتكم الجديدة في الشركة
فهد : مصدوم ... ماكنت نعرف .. حد ماقالي
رائد : خاطر حد ماكان يعرف من قبل ...
جيلان : هههههه وتوا هاك عرفت .. (مدتلوا يدها ) نستأذنوا احنا توا .. ودعهم فهد وبقا يغزرلها لين غابت على عينو ... مشى لمكتب بوه دق ودخل .. حاتم فهم عليه وقبل لا يحكي جاوبوا على كل تساؤلاتوا
حاتم : جيلان بش تكون شريكة لينا في الشركة بنسبة 40%
فهد : شنوااا يعني كل شي يتوقف على موافقتها ... فرخة بش تسير الشركة وتسيرنا ؟؟
حاتم : خليها تفرح بمنصبها الجديد كيف ماتحب ... احنا في الاساس خدمتنا مش الشركة انت تعرف مليح اني هوني غير بش نغطي على خدمتي الرئيسية
فهد : امااا ... حاتم : مافماش اما ... هي بش تكون المسؤولة على وثيقة تتوقع وعلى كل طلبية ... يعني هي لي راح تتسأل وقت تصرا مخالفة هاك ولا هاك فهمتني توا
فهد: (تبسم بخبث ) والله طلعت مش ساهل .... ضحكوا وخرج مشى لبيروه .... أما الشي لي مايعرفوهش انوا أيهم كان مشغل المسجل الصوتي لي غرساتو جيلان في قلم فهد وسمع كلامهم كل .. ... عاود رجع التسجيل لورا شوي وتصدم من الشي لي سمعوا عمروا ولا خطر في بالوا يصرا هذا الشي
💥 جام ورأيكم في الريبوند 💥