👧كرونيك يقتل :لعنة -أنثى 💗💓❤️‍🔥

35

#الحلقة_35❤❤
#لعنة_أنثى 🔥🔥
#خولة_عزيز 🌶🌶

_فريدة بعد مابقات وحدها ودموعها مانشفوش قررت انها تمشيلوا وتطلب مساعدتوا ... لبست وخرجت وصلت للشركة سقسات على بيروه دلوها عليه ... دخلت لقات السكرتيرة غاطسة في الخدام
السكرتيرة : بواش نجم نساعدك مدام
فريدة : مديرك هوني
السكرتيرة : ايه اما ماتنجمش تدخلوا عندوا خدمت ... فريدة عصبت مستحيل تمشي بلا ماتقابلوا .. دزتها وتعداتها حبت تدخل والسكرتيرة تحاول تمنعها اما فريدة تقوات عليها ودخلت لحقتها السكرتيرة ...يغزرلهم كيفاش دخلوا ڨحر لسكرتيرة لي جات تحكي وقفها وقالها تخرج ... خرجت وغلقت الباب وراها
حاتم : شنوا تعملي هوني جنيتي انتي ؟ كان يشوفك حد
فريدة : راجلي دخل للحبس وطردوني من داري وانت لازمك تعاوني
حاتم : بربي قالولك مكتب مساعدات هوني برا شوفلك غيري
فريدة : ماتستفزنيش والله كون ماتعاونيش بش نفضحك ونخليك تندم
حاتم : على شنوا نندم بربي ... البنت وماتت وماعندك شي يثبت على كلامك ... فريدة تلعثمت وبلعت ريقها
فريدة : بربي ميسيو حاتم عاوني على الاقل اعطيني سلفة والله نرجعها
حاتم : منين بش ترجعها .. من خدمة راجلك لي في الحبس ولا تبيع دارك لي ماتجيبش نص فرنك
فريدة : والله بش نكشف سرك بش نخليك تندم .. عملت ضجة بصراخها .... كرز منها طلبلها الامن خرجوها رماوها برا الشركة ...تبكي وتلعن فيها ..
فريدة: الله لا يوفقك ياجيلان حتى بموتك مارتحتش  .. مالقيت وكتاه تموت ياساقطة .. كلو مني كلو مني كان حكمتها وخليتها تحت عيني كنت ستفدت اكثر ...الكل يغزرلها حسبوها مجنونة كانت تمشي ومش منتبهة للسيارة لي جاية مع قطعت طريق ضربتها وهربت ... الكل تجمعوا عليها يشوفوا شنوا صارلها طلبوا الاسعاف اما هي ماتت قبل لا تلحق سيارة الاسعاف
بالوقت توقف سيارة جيلان ورائد شافوا الكل مجموعين ... ستغربوا
جيلان : شنوا صار هوني
الراجل : المسكينة واحد ضربها بسيارتوا وهرب خلاها غارقة في دمها .. جيلان قربت اكثر تصدمت وقت شافتها
جيلان : خال... وسكتت وقت فطنت على روحها .. رائد زاد قعد يغزرلها ... وعلامات الاستفهام في راسهم
رائد : إمشي جيلان خلينا نمشيو من هوني ... مشات معاه مش مصدقة .. لي راتوا ... صحيح حبت تنتقم منها اما عمرها تمناتلها الموت
رائد : زعما شنوا تعمل هوني قدام الشركة
جيلان : ها نعرفش .. ... هي ماتعرف حد هوني
رائد دخلوا الشك وتوسوس طلب من جيلان تدخل للشركة وهو يمشي عندوا خدمة ... سلمت عليه وطلعت لبيروها .. تجر في ساقيها تحاول تكبس روحها
حاتم كان في بيروه بالوقت رن تلفونه هز
الراجل : معلم تمت بنجاح .. علق عليه ويتبسم بخبث
حاتم : هذا جزاء كل واحد يتحدى حاتم 😉😉
💥 جام ورأيكم في الريبوند 💥