👧كرونيك يقتل :لعنة -أنثى 💗💓❤️‍🔥

24

#الحلقة_24❤❤
#لعنة_أنثى 🔥🔥
#خولة_عزيز 🌶🌶
_عند ميرنا
طايرة من الفرحة نزلت للعشاء لقاتهم كلهم قاعدين على طاولة
ميرنا : بابا وخويا لعزيز واختي العسل نحب نخبركم على حاجة .... الكل يغزرولها متفاجئين من غير حاتم خاطروا عارف شنوا الموضوع
ميرنا : لؤي طلب من الزواج ... قامت ليان عندها تحضن فيها وتبوس
ليان : مبرووووك صغرونتي هاك بش تتزوج قبل اختك الكبيرة
باسل : هههههههه وقبل خوها الكبير زادا .. ايجا ايجا ياصغرونة والله كبرت ورجعت عروس وضمها ... حاتم بقى يغزرلهم ويتبسم تبسيمة خبث كل شي يصرا لصالحوا هو الاول .. قام ومشالها يباركلها
ميرنا : بابا يعني موافق وراضي على زواجنا
حاتم جاء بش يجاوب قاطعوا صوتها
صفية : أكيد بش يوافق هو زعما وين يلقى واحد كيف لؤي .. مش هكا حاتم
ميرنا وباسل وليان تصدموا من جيتها ومن كلامها
حاتم : باسل خوذ خواتك واطلعوا ... حاولوا يتكلموا اما هو ڨحرلهم مشاو وخلاوهم وحدهم ... حاتم مشى لصفية مسكها من كتفها وخذاها لبيروه فتحوا ودزها لداخل
حاتم : شنوا مجيبك لداري ياساقطة
صفية : الساقطة لي تحكي عليها ام ولادك ... ونزيدك حاجة انت ماتختلفش عليا هاو انت زادة طلعت اسقط من الساقط وجايب ولد من مرت صاحبك ... حاتم حس سطل ماء وتكب عليه رجليه رجفوا من الصدمة .... منين عرفت هذا السر
صفية : هههههه شنوا ميسو حاتم .. ولا نقول الاب المثالي ... لي بمجرد مايعرفوا ولادوا بعملتوا ينكروه ... مشالها ودزها لين خبطت في الحيط حست بوجيعة اما ماحبتش تبينلوا تغزر لعينوا بكل ثقة ... كرزاتوا هز يدوا وخنها يحكي لاز على سنانو
حاتم : فاش تخرف انتي ...
صفية تتغوصر بين يديه : اناااا سمعتكم الصباح انننت ووو .. ماخلاهاش تكمل وزير يدوا اكثر على رقبتها لين نفس بدا يتقطعلها
حاتم : يخرج حرف من لسانك هذا اعتبرها نهايتك ودزها ... طاحت ترد في النفس ... اما شوي ووقفت
صفية : بش نسكت اما بمقابل (ڨحرلها ) ننحب نرجع نعيش مع ولادي .... وانت بش تقنعهم. يسامحوني ويتقبلوني من جديد
حاتم : تحلم كان تعتبت هذي الدار
صفية : ماعندكش حل اخر كان تحبني نسكت تعمل لي قلتلك عليه وتهديداتك خليهم عندك ... خاطرني سجلت كل كلامهم وعملت فيديو نحكي فيه كل شي وانو لو صارلي شي انت السبب ... ( هي ماسجلتش كلامهم ... اما استعملت هذي الكذبة بش تلوي ذراعوا ) وقفت عدلت روحها وتقدمت منوا باستوا قريب على شفايفوا ...
صفية : بااااي ياراجلي لعزيز ... وخرجت خلاتوا قلب كل شي كان في البيرو ... السر لي جاب سنين يخبي فيه ويستعمل فيه لصالحوا اليوم تقلب عليه ورجع نقطة ضعفوا ... خمم في كلامها وبعدها حمل روحوا وخرج عيط على ولادوا ... وقنعهم انهم يسامحوها مع الاول رفضوا كلهم اما هو .. قالهم انو هو سامحها وربي يسامح ولازم نعطوها فرصة اخرى ... على الاقل يخليوها تعيش معاهم بش تكون صورتهم قدام ناس باهية ومايسألوهمش علاش بوكم وامكم طلقوا ... بعد كل شي قالوا قتانعوا انها ترجع عندهم اما مايستناش منهم انهم يحبوها ويعاملوها كيف الام وانها ماتدخلش في امورهم هو بش يتهنى وافق بلا يخمم ... بعد مامشاو جبد تلفونوا وبعثلها ميساج انوا تقدر ترجع تعيش معاهم اما ماتتوقعش منوا انو يتزوجها مرة اخرى .... وهي وافقت المهم ترجع لعيشتها الراقية كيف قبل وبريستيجها ...
💥 جام ورأيكم في الريبوند 💥