👧كرونيك يقتل :لعنة -أنثى 💗💓❤️‍🔥

25

#الحلقة_25❤❤
#لعنة_أنثى 🔥🔥
#خولة_عزيز 🌶🌶
_مر اسبوع على الكل ... سلمى وباسل يأسوا من رجعة جيلان ... باسل حوس عليها في كل مكان اما مافما حتى خبر عليها ... كانو قاعدين في الصالون هو وسلمى وايهم تهز على صوت تلفونوا غزرولوا ...
باسل : ألو
ليان : مرحبا باسل حبيت نذكرك بموعد الخطبة .. بربي ماتغششنيش منك واحضر للخطبة قلت للكل اني عازمتك ماتحشمنيش
مالقى مايجاوب بعد كل هذا الالحاح .. فد وكره روحوا ... كل مايقول نبعد عليها هي تقربلوا اكثر
باسل : باهي غدوة نجي . وعلق عليها ... شاف في ايهم لي كان يغزرلوا كأنوا مهتم
سلمى : خير ولدي وين ماشي
باسل : ليان عزمتني على خطبت اختها ولؤي .... سلمى قلبها غص عليها ... وسرحت بذاكرتها لسنين ورا.. وقت اختها من بوها سجنتها في مشفى الامراض العقلية من غير علم خوها ... خاطرها كانت تغير منها ومن معاملتوا ليها ... لولا بو ولادها لي وقف معاها .. وصدقها وعمل المستحيل بش يهربها من المصحة وعطاها اسموا وجابت منوا زوج ولاد ... مسحت الدمعة لي نزلت على خدها وقامت .. ماحكات حتى كلمة .. ايهم كان يتبع فيها بعينيه فاهم الشعور لي تحس به ... هي زادا كانت ضحيتهم .. ..هز روحوا وخرج ركب سيارتوا ومشى ... لازموا يتحرك ويغامر يزي ماضيع الوقت ... شد فران قدام المقر نزل خبط الباب وتعدا ديراكت لغرفتها ... تهزت على دخولوا
جيلان : شنوا انت شتحسب روحك .. ياخي ماتعرفش دق الباب
تنطر جبدها تخبطت في صدروا نفسوا السخون يحرق في رقبتها ... رعشة سرات في بدنها رجليها تحسهم خانوها ... فيقها على روحها وقت نحى الشاش لي على وجهها وهي تحاول تفكلوا يدوا نحاه وسحبها وقفها قدام المرايا
أيهم : شوف ... اغزر مليح فيه .. اذا انت مانجمتيش تغزريلوا كيفاش الناس بش تغزرلك ...
جيلان : شكون قالك نحب حد يغزرلي ولأ نغزر لروحي
أيهم : بش تبقى دافنة روحك بالحياة ؟ هو راح يتزوج وخطبتوا قربت. وانتي اقعد هوني ابكي على الاطل
جيلان : ( قلبها تحسوا بش يطلع من بين ضلوعها .. مهما خبات ماتجمش تنكر انها حباتو ويمكن مزالها تحبوا ... لؤي الراجل الوحيد لي دخل لحياتها ولمسها ) نزلت دمعة سخونة على خدها ... زربت مسحتها
أيهم : علاش تخبي فيهم .. ابكي .. كسر .. صرخ انك مزالك تحبوا .. مزالك تحب الراجل لي دمر حياتك .. عفسك وعفس شرفك ماهموا ولدك ولا انتي ... بدا حياتو من جديد من البنت لي كانت سبب في دمار حياتك ...
جيلان : بش يعرس بميرنا مش هكا بش يبداو من الاول ويجيبوا صغار
أيهم : مزيا فقتي لروحك وفهمتي ... انو كلهم كملوا وانتي توقفت عند الحادثة لي دفناتك ... اقبل تعمل العملية ... اقبل يكون عندك وجه جديد .. تنجم تقابل به كل ناس .. وجه يخليك ترد اعتبارك وطفي نار انتقامك ... اوقف على رجليك وخليك قوية كوني الانثى لي ماعندها ماتخسر .. واجه عدوك جيلان واضربوا في عقر داروا بش تكون #لعنتهم الكل
ماخلاتوش يكمل وتكلمت ..جيلان : وقتاش العملية
.تبسم على جنب ... واخيرا نجم يقنعها ويخطي خطوة للقدام ..
أيهم : كان تحب غدوة
جيلان : موافقة ... ودورت وجهها للمرايا تغزر لوجهها ..
خلاها وخرج قابلوا رائد برا يتبسم ... فهم انو سمع كل الحوار لي دار بينهم
رائد : والله صحة ليك طلعت مش ساهل
أيهم : لي جاي اصعب عليها ... اما متأكد بش تتخطاه .. وقت تشوف كل شي بعينيها
رائد : شتقصد
أيهم : بش نخليها تدفن قلبها كيف مادفنت ماضيها ووجها رائد : شتقصد
أيهم : الخطبة بعد أسبوع ... وهي راح تمشي
رائد : زعما بش تنجم .. مزال جروحها جديدة وزيد مزال ماتعرف شي وماهيش مدربة على شي
أيهم : ماتحتاجش تدرب على شي ... كرهها وحقدها راح يحركها ...
رائد : مسخفتني حالتها مزالها صغيرة ...بش تترمى في النار
أيهم : بش توصل لحاجة لازم تخسر حاجات
💥جام ورأيكم في الريبوند 💥