👧كرونيك يقتل :لعنة -أنثى 💗💓❤️‍🔥

85

#الحلقة_85❤❤
#لعنة_أنثى 🔥🔥
#خولة_عزيز 🌶🌶
_في مكان اخر .. كان في الشركة مع المحامي بش يعمل اوراق نقل الورثة والتنازل ... تهز على صوت تلفونوا ... جبدوا لقاه واحد من الرجال خرج برا المكتب وجاوب
حاتم : كيفااااااش .. تي ### مش رجال نعول عليكم كل واحد منكم قد الحيط ومانجمتوش لوحدة تتمشى على الحيط .. برا لوجوا عليها مانحبش نشوف منظركم الا اذا جبتوها ...
الراجل : معلم الرجال توا يلوجوا على صفية
حاتم : سيبوا السخطة صفية والقاولي ميرنا ...نحب على ميرنا في اقرب وقت ... علق عليه وهو كالب كل شي بدا يخرج من تحت سيطرتوا باز تكون صفية هربتها .... الا مايندمها ...
_ناض يغزر لغرفتوا كيفاش مهرسة كل شي مكسر ... تفكر ليلة لبارح تبسم على جنب ... يغزر لروحوا في المرايا وعدا صبعوا على جراحوا توجع بالوقت ....
أيهم : والله يطلع منك تكون دكتور مش عميلة بلمسة منك خليتني نخف ....
غسل وبدل دبشوا ونزل ... لقاها في المطبخ تحضر في الفطور ... غير شافتوا مشاتلو تجري دورت يديها على رقبتوا وباستوا فوق شفايفوا ... كان مطفيها على اللخر ....
خولة : صحا النوم عزيزي ايجا تفطر ... هزاتوا معاها وقعداتوا على الطاولة وعيطت على رائد لي كان جاي
رائد : ممممممم مكل شي يشهي ... زح عندنا يار ماكلينش طياب مرأة .... تي حتى جيلان ولا مرة دخلت للمطبخ ... تبسم أيهم على جنب وتخيلها داخل المطبخ طيب في سع ماتمسحت تبسيمتوا وقت حكات
خولة : تي بربي علاش هذيك تنجم طيب بيضة ...تعرف كان تدخل مخر ليل وتطلع قبل الفجر
أيهم :( بعصب ) علاش جيلان خرجت .. هزلوا رائد يكتفوا بمعنى مايعرفش
خولة : ايه طلعت قبل الفجر وقت نزلت نشرب الماء شفتها خارجة متسللة ( شفتوا الكذابة ربي يجيبلها غمة 😂😂 )
ررائد : خلينا من جيلان وسربيلنا خلينا نذوقوا طيابك شحال توحشناه مش هكا ايهم تتذكر وقت كنت تجي لعندنا وماتاكل كان العجة لي تعملها خولة... تبسمت خولة ...
أيهم : ( من غير تفكير ) نتذكر نتذكر ... سرباتلهم وقعدوا يفطروا وأيهم ماذاق شي بالوا الكل عندها يعني بعد ماطلعت من عندوا خرجت ... واكيد تكون مشاتلوا ... كبس على يدوا لين عروق يدوا بانوا من الغش ....
رائد : ايهم خولة شنوا رايكم تعاودوا تعملوا حفلة خطوبتكم ... قبل سنين ماسمحتش انكم تعملوها اما توا خولة رجعت ومافماش حاجة تمنع تعلنوا خطوبتكم ....... خولة فرحتها مش عاطيتها لحد ... خوها سهل عليها برشا الطريق وساعدها بش تبعد جيلان من طريقهم من غير ماتعب روحها .. أيهم كلام رائد طاح عليه كيف الصاعقة .... ماعرفش شنوا يعمل ولا يجاوب .... كان وافق يكون خسر قلبوا ... ودمر حياتوا بيدوا .. وكان رفض بش يخسر عشيرو وكلمتوا لي عطاها من سنين طيح ويظهرلهم طحان ....
أيهم : مش وقتوا هذا الموضوع الاول نمسكور رئيس المنظمة وبعدها نعملوا الشي لي طلبتوا
خولة : علاش ياخي مجرد خطوبة مش عرس ... بربي وافق ايهم
رائد : ايه ايهم لا تكون غيرت رايك ...وبش تجبد على اختي ...
أيهم : لا ماغيرتش رايي مزالني عند كلمتي ... وخولة بش تصير مرتي ...
خولة : باهي خلينا على الاقل نلبسوا الخواتم بيننا احنا الاربعة ( أكدولي على كلمة اربعة )
رائد : الاربعة !!!!
خولة : ايه الاربعة لا تكون نسيت جيلان ... ايهم وقف وقت سمع اسمها ....
ايهم : نستأذن انا توا عندي خدمة .... هزولوا براسهم وقفت خولة قربت منوا وباستوا على خدوا .... دور يمشي رجليه مش حاملينوا .... أما خولة قعدت تلحق فيه لين تفجعت وقت شافتوا... قرب من الحيط متاع الغرفة لي تدي لجنان فتحوا وفتح الباب ودخل وعاود غلقوا ورجع لحيط لمكانوا .... قابلاتوا مع الدكتورة تعمللها في ميساجات ... حالتها تحسنت برشا ورجعت تنجم تنجم تحرك يديها ... اما لتوا لا تنجم تمشي او تحكي .... طلبت من الدكتورة تمدلها ورقة وستيلوا .. كتبتلوا "" شبيه وجهك مخطوف "" قراها وجاوبها
أيهم : حتى شي ... .. عاودت كتبلتوا "" كيفها العميلة لعنة "" ستغرب علاه تسقسي عليها .. فاش تهمها
أيهم : هوكا انتقمت من كل لي ضروها ... تعرف انوا بسببها عمر قتل ولد جهيدة وجهيدة قتلت عمر ... فتحت عيونها على وسعهم ... مش مصدقة لي عملتوا .... البنت لي شافتها لي كانت كيف الملاك تعمل هكا من غير ماقلبها يأنبها ... لهذي درجة قتلولها قلبها لين صارت كيف الوحش الكاسر نزلت دمعة من عينها ...
أيهم : ( كأنوا توسوس ) شبيك جنان علاش تبكي ... ماتكونش جيلان بنتك ؟؟؟؟ ... غزرتلوا ونزلوا دموعها اكثر وهذا لي اكد شكوكوا ...
ايهم : شنوا ياربي كل مرة تصدم فيك جيلان ... خيبتي ظني ياسر ... يعني جيلان بنتك انتي وحاتم ...يعني انتي صحيح خاينة وقتلتي خالي بش تنقذ عشيقك وبنتك ... تغزرلوا وتعملوا براسها بمعنى لا ...
أيهم : ماتتصورش قداشني ناقم على روحي ..من يوم كتشفت انوا امي نقذاتك وخذاتك خباتك عاهدت روحي اني ننتقم لخالي .. كنت نشوف دموع امي على خالي وننقم اكثر على المنظمة ... طلعت انت زادة منهم .... غزرلها بحقد وكلم الدكتورة
أيهم : من اليوم بش تراقبها مش بش تكون دكتورتها ... وخرج خلاها غارقة في دموعها ماعطاهاش فرصة تشرحلوا حكم عليها من غير مايسمعها .....سال خول على رائد خبراتوا انو طلع نفخ ومشى للمقر
💥 جام ورأيكم في الريبوند 💥