👧كرونيك يقتل :لعنة -أنثى 💗💓❤️‍🔥

61

#الحلقة_61❤❤
#لعنة_أنثى 🔥🔥
#خولة_عزيز 🌶🌶
_لحقت ليان للمشفى مشات ديراكت لغرفة باسل لقاتوا يلبس في الطابليي
ليان : صباح الخير .... باسل : صباح النور
ليان : نجموا نحكيو شوي ... باسل : اما توا عندي فيزيت تاع مريض
ليان : الموضوع مهم ياسر ....عملها براسوا تدخل وتقعد ... قعد مقابلها يستنى فيها تحكي ... كانت متوترة تفرك في يديها ووجها مخطوف ...
باسل : كان مطولة بش تحكي نقوم ماعنديش وقت نضيعوا
ليان : (تهزت ودشت كلامها دش ) لا بش نحكي .... باسل انا نعرف انك تقوم بعمليات غير قانونية
باسل : وجهوا مشى الوان واشكال ... لا انتي خرفت اليوم ... نقوم لخدمتي احسن
ليان : لا مانيش نخرف انت عضو من منظمة نقل الاعضاء ... وتعمل عمليات زادة ... وانت شريك بابا في كل شي
باسل :(تعصب من كلامها ) انا مش كيف بوك ... فهمتي ... انا ماقتلت حتى حد ... وانا داخل وسطهم لهدف واحد وهو اني ناخذ حقي من لي قتلوا مرتي ... عرفتي توا علاش انا مطفيك كل الوقت ... خاطر بوك يديه ملطخة بدم مرتي ...
ليان : اما بابا مش هو لي يقوم بالعمليات ...
باسل : فاش تفرق اذا كان دكتور ولا لي يعطي الاوامر بوك مشارك في المجزرة لي قاعدة تصير كل يوم حتى ولوا من بعيد
ليان : ماخفتش اني نمشي نحكيلوا على كل كلمة قلتها توا
باسل : ماتفرقش معايا انا روحي راحت معاها
ليان : لهذي درجة تحبها ..... باسل : ليان ماتحيرش مواجعي بربي اطلع برا
ليان :( قلبها وجعها عليه ... فكرت انوا كون تقولوا وياخذ بحقوا راح تطفى ناروا ويخزرلها ) نجم نساعدك ونخرجك من وسط هذي الحفرة .... انا نعرف عليهم كل شي ... وهوما بش يعقدوا اجتماع ويتلاقاو كل اعضاء المنظمة حتىمن الرئيس الكبير
باسل : (شششش نقص صوتك بش تفضحنا ) منين جبت هي المعلومات الخطيرة ...
ليان : سمعت بابا وفهد لبارح ... وقفت من مكانها ومشات لجهتوا .... أوعدني انك ماتعملش حاجة متهورة تخليني نخسرك
باسل : لهذي درجة تحبني .... ليان : لدرجة اني خنت بابا وخويا ..... باسل : لا انتي ماخنتهمش انتي انقذتي ارواح ناس بريئة ... جبدها لحضنوا بالوقت لفت يديها على خصروا ... وأخيرا فتحلها ذرعيه ... تبسمت مع دمعة نزلت على عينها ... ماحكات ولا كلمة يكفي انها توا في حضنوا ...
_أيهم مشى للمقر متاع المخابرات وخلاهم يعملوا تعقب لحاتم .... ورائد بدوروا خذا الأدلة للتحليل بعد ما أكد عليهم السرية التامة ..... ميرنا طبعا بعد ماسمت بدن جهيدة وكرزتها خرجت تتضيحك من إنجازها ومشات لصحابها .... لي ماوراهم حتى شي غير السكرة والفساد ...
_فهد كان داخل لبيروا متاع بوه .... تصدم في سكرتيرة ..
فهد : شبيك تمشي بلا مخ .
السكرتيرة : سامحني ميسيو فهد .. اما ميسيو حاتم طلب مني ناخذ هذا الدوصيي لمدام جيلان ... فهد تبسم بخبث
فهد : مممم قلتلي للمدام هات عليك انا ناخذهم في طريقي ... خذاهم من يدها قبل لا تحكي ومشى لبيرو جيلان ... وبسمة عريضة على وجهوا .... لقاها غاطسة في الدوصيات قرب منها من غير ماتحس ... تفجعت وقت حست بيدوا هزتلها خصلة من شعرها .. جبدت روحها لورا
جيلان : يدك المعفنة لا عاد تحطها عليا
فهد : اووووه القطوسة كشرت على انيابها ... اهدا لتوا ماعملت شي
جيلان : تحلم كان تخمم تعمل المرة الماضية جاتك في راسك اما نوعدك المرة الثانية بش تجيب آخرتك
فهد : ههههههه خوفتني شوفني كيف نرجف خههههههه .. ڨحرتلوا ڨحرة موت .... رمالها دوصي فوق البيرو وطبس لعندها
فهد : مالا بدن عندك ممممم كيف الطلقة الروسية كان ماقتلتي تشلي ... رمالها بوسة في الهواء ومشى ... خلاها تغلي من داخل كيف البركان ... ما أصح رقعتوا ... بعد كل شي عملوا مزالو وجه يقابلها ويحكي .... كملت غطست في الخدمة لين لحق الليل ... شافت في ساعتها وقامت هزت صاكها وخرجت .... تلاقات هي ولؤي
جيلان : شنوا دلوع الماما ... ستانست بمكتبك الجديد
لؤي : مش خايب أصلا نحب التغيير وطبعا فضلتلي نخليها لأمثالك .... كرزها جات تقصفوا قصفها .... 
_باسل قاعد يخمم في كلام ليان زعما يكون صح ولا تفاهمت مع بوها وحبوا ينصبولوا فخ ... اما لا كان صحيح كيف مايخمم كانت تنجم تمشي وتحكيلوا على غابتوا الحقيقية .... خرج مشى لقسم الاطباء ....
باسل : انا بش ناخذ اجازة لمدة اسبوع المرضى لي تابعيني خلي حد اخر يهتم بهم
هو : باهي دكتور اما لازم توقيعك .... هزلوا باسل براسوا بمعنى ايه ووقع على الاجازة وشكروا وخرج ....
💥 جام ورأيكم في الريبوند 💥