👧كرونيك يقتل :لعنة -أنثى 💗💓❤️‍🔥

47

#الحلقة_47❤❤
#لعنة_أنثى 🔥🔥
#خولة_عزيز 🌶🌶
_ يوم جديد على الكل
فاقت تتململ في فرشها ... ضوء الشمس ضاربلها في عينيها جبدت اللحاف من عليها وقامت تتكسل تعدات عملت دوش وخرجت لبست شورط جينز وبيستي في البلو وباسكات وخلات شعرها طايح على ظهرها ..هزت تلفونها وعيطتلوا رن مرة هز عليها
باسل : صباح الخير جنجون شنوا بايت تحلم بيا
جيلان : اعععع علاش قلوا الرجال حتى نحلم بك وضحك
باسل : مالا لسان عندك يقدرلك كان ربي يابنتي هات لي عندك علاش عيطت توا
جيلان : نحبك تساعدني في خدمة وانت الوحيد لي نوثق ومانجمش نطلبها من حد آخر
باسل : تدلل يالالا طلباتك اوامر .. حكاتلوا كل شي مع الاول رفض خاطروا شايفها كل يوم تغرق اكثر هو يعتبرها كيف اختوا ويخاف عليها والشي لي تعمل فيها بش يحرقها اما هي ماسيباتو غير وقت قنعاتو ...تبسمت بخبث وغزرت لروحها في المرايا وحكات : تي ماحلاني عسل والله ممممح .....  نزلت في الدروج دندن وعاملة جو .... كان خارج من المطبح وفي ديدوا كاس قهوة وقف وقت شافها ستغرب شمقومها توا ... حط الكاس فوق الطاولة وقرب للدرج .... كانت نازلة وفجأة تلوات رجلها جات طايحة .... زرب لقفها قبل طيح ... صدرها يطلع ويهبط من الفجعة لي كلاتها ... عيونها مغمضة تستنى غير وقتاش تجي على راسها .... فتحت عيونها على ملمس يديه لي حاوطوا جنبها ....
أيهم : شبيك يابنتي تمشي بلا راس كون مالحقتش عليك كنت تكسرت توا ... مركزة عيونها في عيونوا اول مرة تتأمل لونهم بالكدا ... كان كل مرة تجي عينيها في عيونوا دورهم اما هذي المرة غير شي ... هزت يدها وعدات صبعها فوق حاجبوا ونزلت تحت عينوا
جيلان : ماحلاهم لون عيونك ...غامقين بلون الليل ...( فتح عيونوا على وسعهم من جرأتها ماكانش متصور انها تحكي معاه هكا .... شاخ عليها داخلوا وخلاها تكمل الشي لي بداتوا .... ) نزلت صبعها وعداتوا بفيانة على شفايفوا .... خلات رعشة تسري في بدنوا ... صايي وصلاتوا لتوبوا ومش منجم يقاوم اكثر .... جبدها وغطس فيها ... هذي المرة باسها بحب كانت بوستوا غير كل مرة ...بالوقت تحولت لقبلة فرنسية دخل لسانوا في فمها ويمصلها في لسانها ... شاخ وشيخها معاه .... مش حاسين برائد لي كان واقف ويغزرلهم ماسيبها غير وقت روى عطشوا بشهدها ... جبد روحوا منها ينهج و يتنفس في وجهها 
أيهم : شعملتلي يافرخة ... كل مانحاول نبعد نلقى روحي نغرق فيك اكثر ... انتي كيف موج البحر وانا السباح لي غرق فيه ...
جيلان : وأنت الأمان لي نلوج عليه ... أيهم بربي ماتسيبش يدي من غيرك بش نفشل.... وقت نضعف كون قوتي ....
أيهم : ششششش ماتحكي شي ... عيشي اللحظة برك ... وعاود جبدها اما هذي المرة كانت هي المتحكم في البوسة ... عجباتوا فازتها وقت حبت تتفاعل معاه بالرغم انو طلعت ماتعرفش تبوس مليح ... وهذا لي خلاه يتبسم فوق شفايفها .... تخطفوا على صوت رائد لي فد وهو يستنى وقتاش تخلاص هذي الرومنسية ...
رائد : أحمممممم
جبد روحوا منها ودور وجهوا عدا يدوا على شعروا خاطروا عارف هذي المرة ماهوش بش يفلت من اسئلتوا
جيلان : تحكي بصوت متقطع ..رررااائد من وقتاش وانت هنا
رائد : من اول لقطة ... خلاها تتلبك ووجها رجع كيف حبة طماطم .... عكس أيهم لي كان مبرد دموا ...
رائد : ههههههههه تي شبيك تغير لونك هكا كنت نفدلك معاك .... على كلاموا تنهدت ومسحت على وجهها بيديها
جيلان : سامحوني انا بش نمشي نعمل فوتينڨ ... ماخلاتوش يجاوب وهربت من عيونوا وعيون أيهم لي ماعرفتش شنوا يجرالها وقت تكون بيديه تبسمت وراحت وحطت الكيت في وذنها وراحت تجري
_ دور هز كاسة القهوة وجاء متعدي لين وقف في وجهوا رائد
رائد : هااااي بابا وين هارب ... هزلوا ايمنبحاجبوا تاع وخر خليني نفوت .... خذا من يدوا كاسة القهوة وترشف منها
رائد : ممممم باردة معنتها البوسة فيها شي نص ساعة
أيهم : ڨحرلوا .. فاش تخرف .
رائد : (يتڨعر عليه ويقلد فيه ) توا رجعت نخرف ياحضرت الجنرال أيهم ... مش انت لي قبل شوي كنت السباح لي يغرق في البحر الميت بووه قصدي بحر جيلان 😂😂😂😂😂 ... أيهم تكرز من صاحبوا ومن تمڨعيروا فهم بلي هو شاف كل شي وماينجم ينكر شي
أيهم : لحظة ضعف ووفات اي راجل ماينجمش يقاوم مرأة
رائد : (حب يكرزوا اكثر ) مممم عندك حق خاصة كان كانت هذي المرأة جيلان .... ڨحرلوا وكبس على يدوا يحاول يمسك روحوا لين عروق وجهوا بانوا ... رائد عرفها قراصت هز كاسة القهوة وهرب ....
أيهم : بففففف كلو من تحت راسها ...
💥 جام ورأيكم في الريبوند 💥