👧كرونيك يقتل :لعنة -أنثى 💗💓❤️‍🔥

93

اهلا جميعا اتمنى تكونو بخير اعرف تأخرت عليكم بس امتحانات ورمضان

للتذكير هذه القصة منقولة كتبت صاحبتها
بليز لاتنسو الدعم سأكتب حلقتين من أجل دعمكم المتواصل

#الحلقة_93❤❤
#لعنة_أنثى 🔥🔥
#خولة_عزيز 🌶🌶
ايهم كان وصل لدار جان كسر الباب مافتحلوا حتى حد جن ... جبد روحوا وضرب الباب برجلوا كسروا ... دخلوا ولوجوا كل الدار قلبوها شبر شبر مافماش
رائد : مافما حتى حد هوني يمن تمشي لباسل
أيهم : اتهنى جيلان ذكية مش ممكن تروح لباسل خاطروا اول واحد راح يخطر في بالي .
رائد : وين تكون مشات زعما ...
أيهم : بش نعرفوا بش نعرفوا .... خلي زوج رجال هوني حتى يراقبوا الدار إلا ماتتصل بشريكها ... هزلوا رائد براسوا وخبر رجال بش يراقبوا الدار ....
_لحقت جيلان للحي لي كانت تسكن فيه .. حست بغصة ... توقفت قدام الدار الليل ظلم وكل الجيران في ديارهم ... الحي هادي عكس النهار ... دورت وجهها على كل الديار وقربت للباب دزاتوا تفتح ... تبسمت على جنب ... دخلت ودخلت جنان ... تعدات للصالون لقاتوا مليان غبار ... تنهدت وحكات
جيلان : سامحني نعرف انوا مش كيف الغرفة لي كنت فيها أما شنعملوا هذا لي حاضر توا ... تبسمتلها جنان ... بقات جيلان تحاول تخمل شوي الدار .... بش ينجموا يرقدوا ليلة هنا ....
اللحظة لي كانت فيها جيلان تنظف في الدار .... لحقوا رجال حاتم وهو وراهم .... وقف سيارتوا ونزل مشى لرجالوا ...
حاتم : متأكد انو هي لداخل ...
الراجل : معلم مش متأكد اما السيارة لي مشات فيها المدام ميرنا تحمل نفس رقم اللوحة هذي
حاتم : باهي توا ندخلوا ونتأكدوا ..... تقدم حاتم بخطوات ثابتة وفي يدوا سلاحوا ورجالوا وراه .... لحق للباب دزوا ودخل حتى عمل صوت خلا جيلان تتفجع وتحط يدها على قلبها .قابلها فاز هزاتوا ... كان يقرب بخطوات صغيرة ....حتى لحق لباب الغرفة ووجه سلاحوا في وجها .. لثنين تصدموا وقت شافوا بعض .... حاتم يغزر لجيلان وجنان لي قاعدة على الكرسي .... مش مصدق .... يعني هي ماماتتش لتوا عايشة ... قرب منها وقفوا صوت جيلان
جيلان : خليك عندك ابعد ماتقربهاش
حاتم : ههههههه تعرف ياقطوسة من يوم شفتك مارتحتلكش ... هاو طلع حدسي صحيح ... كانت تغزرلوا وتسمع في كلاموا .... لين غفلة وصوب سلاحوا على الفاز تكسر في يدها ... خلاه تتخطف وتتهز ...
جيلان : شبيك جنيت ... قرب منها حاتم وعيونوا تشعل نار ....
حاتم : ميرنا وين ....
جيلان : مانعرفش .... حط السلاح في راسها ... وعاو دسألها ... ميرنا ويييين .
جيلان : قلتلك مانعرفش ...
حاتم : تكذبي وضربها بسلاحوا طاحت دايخة وعاود وجه سلاحوا لجنان لي كانت تتوسل فيه بعينها. ... اما هو مزالوا نفس الشخص متاع الماضي ....
حاتم : شنوا جنان ولا نقولوا العميلة جنان .... هاك مزلت عايشة ونجمت تهرب من البوص تعرف ياجيلان انتي توا سهلت عليا برشا حاجات .... وقت هديتني جنان ...( وركز عيونوا على جنان )  بفضلك ياجنان بش نقابل البوص تعرفش قداش يفرح وقت نسلموا الخاينة لي دخلت وسطنا ... جنان كانت عيونها على جيلان لي دايخة .... غزرلها حاتم وتبسم .....
حاتم : ههههههههههه تعرف انوا طلعت ليك مش لبوها .. ههههه اكيد مستغربة كيفاش عرفت انها بنتكم .... ههههه باهي توا نفهمك .... وقت لي البوص امر بتصفيتك ... خذا بنتك وعطاهالي وانا حطيتها في حضن جميل وفريدة لي كانوا مكرهينلها عيشتها... الدار هذي حد مايعرفها غير انا وجميل وفريدة وجيلان لي تبناوها ... ولي طلعت نفسها هذي ( واشارلها بسلاحوا لجيلان ) ... هههههههههه بنتك انت وادم عاشت الذل والقهرة .... تعرضت للاغتصاب ... وتعرضت لحادث اما للاسف طلعت بسبع ارواح كيفك انتي .... نظن توا قتلت فضولك ... ههههههههه ..قرب من جيلان ودز يدها برجالها مافاقتش .. تعداها وقعد على الكانابي لي مقابلوا وامر رجالوا يربطوها ..... جبد سيجار وبقى ينفخ في الغرفة ومستمتع بالانجاز لي عملوا ... كان يلوج على ميرنا حتى ربي بعثلوا كنز اكبر من ميرنا ....
💥 جام ورأيكم في الريبوند 💥